ଭାଇ ଭଉଣୀଙ୍କ ସ୍ନେହ ବନ୍ଧନ ଆଗରେ ଫିକା ପଡିଲା କରୋନା ସଂକ୍ରମଣ

ଜଟଣୀ - ଓଡ଼ିଶାରେ ବାରମାସରେ ତେର ପର୍ବ ପାଳିତ ହୋଇଥାଏ । ସବୁ ପର୍ବରେ କିଛି ନା କିଛି ମହତ୍ୱ ରହିଛି ।ସେଥି ମଧ୍ୟରୁ ଭାଇ ଭଉଣୀଙ୍କ ସ୍ନେହ, ଭଲ ପାଇବାର ପ୍ରତୀକ ରୂପେ ପାଳନ କରାଯାଏ ରାକ୍ଷୀ ପୂର୍ଣ୍ଣିମା ବା ବଳଭଦ୍ର ଦେବ ଙ୍କ ଜନ୍ମ ଉତ୍ସବ । ଯାହାକି ଏକ ଉଚ୍ଚ ବିଚାରଧାରା ଓ ଆଦର୍ଶର ପ୍ରତୀକ । ହିନ୍ଦୁ ଧର୍ମର ପ୍ରଚଳିତ ଏହି ପବିତ୍ର ପର୍ବକୁ ଭାରତ ବର୍ଷରେ ସବୁ ଧର୍ମର ଲୋକ ପାଳନ କରନ୍ତି । ଅତି ଆନନ୍ଦ ଉଲ୍ଲାସରେ ଏହାକୁ ପ୍ରତି ଘରେ ଘରେ ପାଳନ ଜରାଯାଏ । ଭାଇ ଭଉଣୀଙ୍କ ସ୍ନେହ ବନ୍ଧନ ଆଗରେ ଫିକା ପଡିଲା କରୋନା ସଂକ୍ରମଣ । ଏହି ପରିପ୍ରେକ୍ଷୀରେ ଜଟଣୀର ପ୍ରତ୍ୟକ ଘରେ ଘରେ ଆନନ୍ଦ ଉଲ୍ଲାସ ମଧ୍ୟରେ ରକ୍ଷା ବନ୍ଧନ ପର୍ବ ପାଳିତ ହୋଇଯାଇଛି । ଭଉଣୀ ଭାଇ ହାତରେ ସ୍ନେହର ରାକ୍ଷୀ ବାନ୍ଧି ଦେଇ ଭାଇର ସୁରକ୍ଷା ଓ ମଙ୍ଗଳ କାମନା କରିଥାଏ । ଆଉ ପ୍ରତି ବଦଳରେ ଭାଇ ମଧ୍ୟ ଭଉଣୀର ଜୀବନ ବ୍ୟାପି ସମ୍ମାନ ଓ ସୁରକ୍ଷା ରକ୍ଷା କରିବାକୁ ପ୍ରତିଶୃତି ହୋଇଥାଏ । ଏହି ମହତ୍ୱ ପୂର୍ଣ୍ଣ ରାକ୍ଷୀ ଆତ୍ମାର ପାପକୁ ଭସ୍ମ କରାଇ ସୁଖର ଅନୁଭୂତି ଦେଇଥାଏ ଏବଂ ସଂସାରକୁ ସୁଖମୟ କରିବାରେ ପ୍ରେରଣା ଦେଇଥାଏ । ପୌରାଣିକ ଯୁଗରୁ ରହିଆସିଛି ରାକ୍ଷୀର ମହତ୍ତ୍ୱ ।