ଜଗନ୍ନାଥ ପ୍ରସାଦ ଡବଲ ମର୍ଡର ଘଟଣା, ପ୍ରମାଣ ଅଭାବରୁ ୪ ଅଭିଯୁକ୍ତ ନିର୍ଦ୍ଦୋଷରେ ଖଲାସ
ଭଞ୍ଜନଗର,- ୨୦୧୨ ମସିହାରେ ଜଗନ୍ନାଥ ପ୍ରସାଦ ରେ ବିଦେଶୀ ମଦ ରେ ବିଷ ଦେଇ ଜଣେ ପୂର୍ବତନ ଜିଲ୍ଲା ପରିଷଦ ସଦସ୍ୟ ଙ୍କ ସମେତ ୨ ଜଣକୁ ହତ୍ୟା ମାମଲାରେ ଥିବା ୪ ଅଭିଯୁକ୍ତଙ୍କୁ ପ୍ରମାଣ ଅଭାବରୁ ଅଦାଲତ ନିର୍ଦ୍ଦୋଷରେ ଖଲାସ କରିଛନ୍ତି । ମିଳିଥିବା ସୂଚନା ଅନୁସାରେ ଜଗନ୍ନାଥ ପ୍ରସାଦ ର ପୂର୍ବତନ ଜିଲ୍ଲା ପରିଷଦ ସଦସ୍ୟ ପ୍ରତାପ ଚନ୍ଦ୍ର ପଣ୍ଡା ଓ ତାଙ୍କର ଅନ୍ୟ ଜଣେ ବନ୍ଧୁ ବାବୁଲା ପଟ୍ଟନାୟକ ଙ୍କୁ ବିଦେଶୀ ମଦରେ ବିଷ ଦେଇ ହତ୍ୟା କରାଯାଇଥିଲା । ଏହି ମାମଲାରେ ଜଗନ୍ନାଥ ପ୍ରସାଦ ପୁଲିସ ସୂର୍ଯ୍ୟ ନାରାୟଣ ପଣ୍ଡା, ପ୍ରଦିପ କୁମାର ପଣ୍ଡା, ତାରେକେଶ୍ବର ଆଚାରୀ ଓ ନିରାକାର ସାହୁଙ୍କୁ ଅଭିଯୁକ୍ତ କରି ପୋଲିସ ଗିରଫ କରିଥିଲା। ଏହି ମାମଲାର ଶୁଣାଣି ଭଞ୍ଜନଗର ଏଡିଜେଏମ କୋର୍ଟରେ ଚାଲିଥିବା ବେଳେ ଆଜି ମାନ୍ୟବର ଏଡିଜେଏମ ଅରୁଣ କୁମାର ସାହୁ ଉପଯୁକ୍ତ୨୯ ଜଣ ସାକ୍ଷ୍ୟ ଙ୍କ ମଧ୍ୟରୁ ୧୪ଜଣଙ୍କ ପ୍ରମାଣ ଅଭାବରୁ ସମସ୍ତ ୪ ଅଭିଯୁକ୍ତ ଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ସରକାରଙ୍କ ତରଫରୁ ଆଇନଜୀବୀ ଏମ,ତାଜ ଆଦେନୀ ପରିଚାଳନା କରୁଥିବା ବେଳେ ଅଭିଯୁକ୍ତ ମାନଙ୍କ ତରଫରୁ ଓକିଲ ରମେଶ ଚନ୍ଦ୍ର ପଣ୍ଡା, ଗୈାରୀ ଶଙ୍କର ରଥ, କିଶୋର ବିଷୋୟୀ ଓ ଲଡୁ କିଶୋର ଆଳତିଆ ମକଦ୍ଦମା ପରିଚାଳନା କରୁଥିଲେ ।
ଭଞ୍ଜନଗରରୁ ରବିନ୍ଦ୍ର ପ୍ରଧାନ , ୨୧/୮/୨୦୨୧----୬,୧୫ Sakhigopal News,21/4/2021
