ବିଦ୍ୟାଳୟକୁ ପୋଷ୍ୟ ଭାବେ ଗ୍ରହଣ କରିବାକୁ ଜିଲ୍ଲାପାଳଙ୍କୁ ଅନୁମତି ମାଗିଲେ

 ସାକ୍ଷୀଗୋପାଳ -----ସତ୍ୟବାଦୀ ବ୍ଳକ ଅନ୍ତର୍ଗତ ଅଳଗୁମ ଗ୍ରାମ ପଞ୍ଚାୟତର ଐଶାନ୍ୟପଡା ଗ୍ରାମରେ ୧୯୦୧ ମସିହାରୁ ସରକାରୀ ମଧ୍ୟ ଇଂରାଜୀ ବିଦ୍ୟାଳୟ ରହିଛି । ଏଠାରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ରହିଛି । ଏହି ବିଦ୍ୟାଳୟର ପୁରାତନ ଛାତ୍ର ତଥା ଅବସରପ୍ରାପ୍ତ ସରକାରୀ କର୍ମଚାରୀ ଲକ୍ଷ୍ମୀଧର ବିଶ୍ୱାଳ ଉକ୍ତ ବିଦ୍ୟାଳୟକୁ ପୋଷ୍ୟ ବିଦ୍ୟାଳୟ ଭାବେ ଗ୍ରହଣ କରିବାକୁ ଇଛା ପ୍ରକାଶ କରିଛନ୍ତି । ତା୍‌କୁ ଅନୁମତି ପ୍ରଦାନ କରିବା ପାଇଁପୁରୀ ଜିଲ୍ଲାପାଳଙ୍କୁ ଏକ ଆବେଦନ କରିଥିବା ଜଣାପଡିଛି । ଏବେ ସରକାର ପୁରାତନ ଛାତ୍ର ଛାତ୍ରୀ ମାନଙ୍କୁ ନେଇ ବିଦ୍ୟାଳୟର ଉନ୍ନତି କରିବା ପାଇଁ ଯୋଜନା କରିଥିବା ବେଳେ ମାତ୍ର ଜଣେ ପୁରାତନ ଛାତ୍ର ବିଦ୍ୟାଳୟର ଉନ୍ନତି ଓ ସରସ ସୁନ୍ଦର କରି ଗଡି ତୋଲିବା ପାଇଁ ଶ୍ରୀ ବିଶ୍ୱାଳ ଚାହିଁଛନ୍ତି । ବର୍ତ୍ତମାନ ଜିଲ୍ଲାପାଳ ଅନୁମତି ଦେଲେ ସେ ଉକ୍ତି ବିଦ୍ୟାଳୟର ଉନ୍ନତି ପାଇଁ କାର୍ଯ୍ୟ ଆରମ୍ଭ କରିବେ ବୋଲି ବିଶେଷ ସୁତ୍ରରୁ ଜଣାପଡିଛି ।  

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୪/୮/୨୦୨୧---୮,୧୦ 

Sakhigopal News, 24/8/2021