ପୋଖରୀରୁ ଗଳିତ ଶବ ଉଦ୍ଧାର

 ଭଞ୍ଜନଗର--- ତାରସିଂ ଥାନା ଅନ୍ତର୍ଗତ ଟାଙ୍ଗଣ ଗ୍ରାମ ନିକଟ ପୋଖରୀ ରୁ ବୟସ୍କ ବ୍ୟକ୍ତି ଙ୍କ ଗଳିତ ମୃତଦେହ  ପୋଲିସ ଉଦ୍ଧାର କରିଛି। ଖବର ପ୍ରକାରେ ଉକ୍ତ ଗ୍ରାମର ଲୋଚନ ପ୍ରଧାନଙ୍କ ମୃତଦେହ ଭାସୁଥିବାର ଗ୍ରାମର କିଛି ଲୋକ ଦେଖି ତାରସିଂ ଥାନା ପୁଲିସକୁ ଖବର ଦେଇଥିଲେ । ଘଟଣାସ୍ଥଳରେ ତାରସିଂ ଥାନା ଅଧିକାରୀ ପ୍ରଦିପ୍ତ କୁମାର ଦାଶ ସମେତ କର୍ମଚାରୀ ପହଞ୍ଚି ମୃତକ ଙ୍କ ଶବକୁ ଉଦ୍ଧାର କରିବା ସହ ତଦନ୍ତକରି ବ୍ୟବଛେଦ ପାଇଁ ଭଞ୍ଜନଗର  ସ୍ବାସ୍ଥ୍ୟ କେନ୍ଦ୍ରକୁ  ପଠାଇ ଦିଆଯାଇଛି ।ଖବର ନେବାରେ ଲୋଚନ ଦୁଇ ଦିନ ତଳେ ବିଲକୁ  କାମ କରିବାକୁ ଯାଇଥିଲେ ।  ଘରକୁ ରାତି ପଯ୍ୟନ୍ତ ଫେରିନଥିଲେ । ପରିବାର ଲୋକ ସେହି ଦିନ ଠାରୁ ଖୋଜାଖୋଜି କରିଥିଲେ ମଧ୍ୟ ଲୋଚନଙ୍କର କୈାଣସି ସନ୍ଧାନ ମିଳିନଥିଲା । ଶୁକ୍ରବାର ସକାଳୁ ଗ୍ରାମର କିଛି ଲୋକ ଉକ୍ତ ପୋଖରୀକୁ ଗାଧେଇବାକୁ ଯାଇଥିବା ବେଳେ ପୋଖରୀରେ ଜଣେ ବୃଦ୍ଧଙ୍କର ମୃତଦେହ ଭାସୁଥିବାର ଦେଖିଥିଲେ । ପରେ ଗ୍ରାମବାସୀ ତାରସିଂ ପୋଲିସକୁ ଖବର ଦେବା ପରେ , ପୋଲିସ  ଉପସ୍ଥିତରେ ପୋଖରୀରୁ ଶବକୁ ବାହାର କରାଯାଇଥିଲା ।ତାରସିଂ ଥାନା ଅଧିକାରୀ ପ୍ରଦିପ୍ତ କୁମାର ଦାଶ କହିଛନ୍ତି ଲୋଚନର ବ୍ୟବଛେଦ ରିପୋର୍ଟ ଆସିବା ପରେ ସଠିକ୍ ତଥ୍ୟ ଜଣାପଡିବ । ଏ ସଂକ୍ରାନ୍ତରେ ତାରସିଂ ଥାନା କେସନଂ ୧୬/୨୧ରେ ଅପମୃତ୍ୟୁ ମାମଲା ରୁଜୁ ହେଇଥିବା ଥାନା ଅଧିକାରୀ ଶ୍ରୀ ଦାଶ କହିଛନ୍ତି ।ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୦/୮/୨୦୨୧---୧୦,୧୦

 Sakhigopal News,20/8/2021