ଗର୍ଭବତୀ ମହିଳାଙ୍କ ମୃତ୍ୟୁ ପରେ , ସଂପର୍କୀୟ ଙ୍କ ପକ୍ଷରୁ ମେଡିକାଲ ରେ ଉତ୍ତେଜନା

ଭଞ୍ଜନଗର--- ରେଭଂଜନଗର ଉପଖଣ୍ଡ ଚିକିତ୍ସାଳୟରେ ଗର୍ଭବତୀ ଙ୍କ ମୃତ୍ୟୁ । ଏହାକୁ ନେଇ ସଂପର୍କୀୟ ଙ୍କ ପକ୍ଷରୁ କିଛି ସମୟ ପାଇଁ ମେଡିକାଲ ରେ ଉତ୍ତେଜନା ଦେଖାଦେଇଥିଲା । ମୃତ ମହିଳା ଜଣକ ହେଲେ , ତାରାସିଂ ଥାନା ଅନ୍ତର୍ଗତ ହରିଗଡ ଗ୍ରାମ ର ବସନ୍ତ ନାୟକ ଙ୍କ ପତ୍ନୀ ଯଶୋମତୀ ନାଇକ । ଗର୍ଭଯନ୍ତ୍ରଣା ହେବାପରେ ଗତ ୨୫ ତାରିଖ ରେ ସେ ଭଂଜନଗର ମେଡିକାଲ ରେ ଭର୍ତି ହୋଇଥିଲେ । ମୃତ ଯଶୋମତୀର ରକ୍ତ ହିନତା ଥିବାରୁ ତାଙ୍କୁ ବ୍ରହ୍ମପୁର ବଡଡାକ୍ତରଖାନାକୁ ଚିକିତ୍ସା କରୁଥିବା ଡାକ୍ତର ପଠାଇଥିଲେ । ମାତ୍ର ଅର୍ଥ ଅଭାବରୁ ବ୍ରହ୍ମପୁର ବଡଡାକ୍ତରଖାନାକୁ ନେଇପାରିନଥିଲେ ପରିବାର । ତେବେ ଅବସ୍ଥା ଗୁରୁତର ଥିବାରୁ ମେଡିକାଲ ରେ ହିଁ ତାଙ୍କର ମୃତ୍ୟୁ ହୋଇଥିଲା । ଏହାକୁ ନେଇ କିଛି ସମୟ ପାଇଁ ସଂପର୍କୀୟ ଙ୍କ ପକ୍ଷରୁ ଉତ୍ତେଜନା ପ୍ରକାଶ ପାଇଥିଲା । ଘଟଣା ପରେ ଭଂଜନଗର ଥାନା ପୋଲିସ ପହଞ୍ଚି ବୁଝାସୁଝା କରିଥିଲେ । ବିଭିନ୍ନ ସମୟରେ ମେଡିକାଲ ରେ ଚିକିତ୍ସା ଓ ରେଫେର ବ୍ୟବସ୍ଥା କୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇବା ସହ ବେଳେ ବେଳେ ଉତ୍ତେଜନା ଦେଖାଯାଇଥାଏ । ଏଣୁ ଏ ଦିଗରେ ଜିଲ୍ଲା ଉଚ୍ଚ କତୃପକ୍ଷ ଓ ଜିଲ୍ଲା ପ୍ରଶାସନ ଗୁରୁତ୍ୱ ଦେବା ଜରୁରୀ ହୋଇଛି ବୋଲି ବୁଦ୍ଧିଜୀବୀ ମହଲରେ ଦାବି ହେଉଛି ।