ପଟ୍ଟନାୟିକଆ ଛକରେ ଟ୍ରିପଲ୍ ମର୍ଡର ଘଟଣାର ୨୪ ଘଣ୍ଟା ପୁରିଗଲା ପୋଲିସ ହାତ ଖାଲି ; ଦୁବୁର୍ତ୍ତ ମାନଙ୍କର ପୋଲିସକୁ ଚାଲେଞ୍ଜ

 ସାକ୍ଷୀଗୋପାଳ ----  ସତ୍ୟବାଦୀ ଥାନା ଅନ୍ତର୍ଗତ ପୁରୀ- ଭୁବନେଶ୍ୱର ଜାତୀୟ ରାଜପଥର ପଟ୍ଟନାୟକିଆଛକ ଠାରେ ରବିବାର ଅପରାହ୍ନ୪ଟା ସମୟରେ ଗୋଟିଏ ପରିବାରର ଟ୍ରିପଲ୍ ମର୍ଡର କରାଯାଇଥିଲା  । ଏହି ଘଟଣା ହେବାର ୨୪ ଘଣ୍ଟା ପରେ ମଧ୍ୟ ପୋଲିସ ହାତ ଖାଲି  । ଅଭିଯୁକ୍ତ ମାନେ ପୋଲିସକୁ ଖୋଲା ଖୋଲି ଭାବେ ଚାଲେଞ୍ଜ ଦେଇଥିବା ଜନସାଧାରଣରେ ଆଲେଚନା ହୋଉଛି  । ସୁଚନାଯୋଗ୍ୟଯେ ବ୍ୟବସାୟିକ, ପୂର୍ବ ଶ୍ରତୁତାକୁ କେନ୍ଦ୍ର କରି ଗୋଟିଏ ପରିବାରର ତିନିଜଣଙ୍କୁ ପୋଲିସ ଓ ଲୋକମାନଙ୍କ ଆଗରେ ଦୁବୁର୍ତ୍ତ ମାନେ ବିଭିନ୍ନ ମାରଣାସ୍ତ୍ରରେ ସଜିତ ହୋଇ ଜଣକ ପରେ ଜଣଙ୍କୁ ହାଣି ହତ୍ୟା କଲେ  ।  ବୀରରାମଚନ୍ଦ୍ରପୁର ଗ୍ରାମ ପଞ୍ଚାୟତର ସଦାନନ୍ଦପୁର ଗ୍ରାମର କୃର୍ଷ୍ଣଚନ୍ଦ୍ର ବେହେରା(୪୫) ପୂର୍ଣ୍ଣ ଚନ୍ଦ୍ର ବେହେରା(୪୭) ପଞ୍ଚୁ ବେହେରା ( ୪୪)  । ଘଟଣା ଘଟିବା ସ୍ଥଳରେ ପୋଲିସର ଅସ୍ଥାୟୀ ଆଉଟପୋଷ୍ଠ ମାତ୍ର ୨୦ ଫୁଟ ଦୁରରେ ଏହି ଘଟଣା ଘଟିଛି ।  ସତ୍ୟବାଦୀ ଥାନାରେ ମର୍ଡର ହୋଇଛି ସତ ମାତ୍ର ଏପରି ଟ୍ରିପଲ୍ ମର୍ଡର ହୋଇନଥିଲା  । ଏପରି ଘଟଣା ସତ୍ୟବାଦୀ ଥାନାରେ ପ୍ରଥମ ବୋଲି ବୁଦ୍ଧଜିବୀ ମାନେ କହନ୍ତି ।  ଗତ କାଲି ଶବ ପୋଲିସ ଶବ ବ୍ୟବଛେଦ ନିମନ୍ତେ ପୁରୀ ପଠାଇଥିଲା  । ଆଜି ଶବ ବ୍ୟବଛେଦ ହେବାପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା  । ପୁରୀ ସ୍ୱର୍ଗଦ୍ୱାର ରେ ଶୋକାକୁଳ ପରିବେଶଷର ତିନୋଟି ଜୁଇ ଜଳିଥିଲା  ।  ମୃତକଙ୍କ ପୁତୁରା ପ୍ରଶାନ୍ତ ବେହେରା  ସତ୍ୟବାଦୀ ଥାନାରେ  ସଦାନନ୍ଦପୁର ଗ୍ରାମର ୮ ଜଣଙ୍କ ନାମରେ ଲିଖିତ ଅଭିଯୋଗ କରିଛି । ଅଭିଯୋଗ ପାିବା ପରେ ଥାନା କେସନଂ- ୧୧୪/୧୯ରେ ଏକ କେସରୁଜ କରି ତଦନ୍ତ ଚାଲିଥିବା  ସତ୍ୟବାଦୀ ଥାନା ସେକେଣ୍ଡ ଅଫିସର ରବୀନ୍ଦ୍ର କୁମାର ନନ୍ଦଙ୍କ ଠାରୁ ପ୍ରକାଶ  । ଅନ୍ୟ ପକ୍ଷେ  ପିପିଲି ଏସଡିପିଓ ଦେବଦତ୍ତ ବରାଳ ଉକ୍ତ କେସର ତଦନ୍ତ ଅଧିକାରୀ ଭାବେ ରହିଥିବା ଜଣାପଡିଛି । ଉକ୍ତ କେସରେ ଜଡିତ ଥିବା ସନ୍ଦେହ କରି ୪ଜଣଙ୍କୁ ପୋଲିସ ଅଟକ ରଖି ପଚାରା ଉଚରା କରୁଥିବା ଜଣାପଡିଛି । ଉକ୍ତ ଗ୍ରାମରେ ଉତ୍ତେଜନା ଲାଗି ରହିଥିବାରୁ ସେଠାରେ ୩ ପ୍ଳାଟୁନ ଫୋର୍ସ ମୃତ୍ୟୁୟନ ରହିଛନ୍ତି । ଅଭିଯୁକ୍ତ ମାନଙ୍କୁ ଗିରଫ କରାଯିବା ପାଇଁ ବିଭିନ୍ନ ଯାଗାରେ ଚଡାଉ ଜାରି ରହିଛି  । ବହୁ ଶିଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଏସଡିପିଓ ଶ୍ରୀ ବରାଳଙ୍କ ଠାରୁ ସୂଚନା ମିଳିଛି  ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି

                                                                     ମୃତକଙ୍କ ଫାଇଲି ଫଟୋ