ଜବର ଦଖଲରୁ ମୁକ୍ତ ହେବ ସାକ୍ଷୀଗୋପିନାଥଙ୍କ ମୂଲ୍ୟବାନ ଜମି

ସାକ୍ଷୀଗୋପାଳ --  ସତ୍ୟବାଦୀ ଗୋପିନାଥଙ୍କ ମୂଲ୍ୟବାନ ଜମି  ଜବର ଦଖଲ କରାଯାଇଥବା ନେଇ  ନ୍ୟାୟଳୟ ଉଚ୍ଛେଦ କରିବା ପାଇଁ ପୁରୀ ଜିଲ୍ଲାପାଳଙ୍କୁ ପତ୍ର ମାଧ୍ୟମରେ ନିର୍ଦ୍ଦେଶ ରହିଛି   । ମାତ୍ର କେତକ କାରଣ ଓ ଫାନି ବାତ୍ୟା ଯୋଗୁ ପୁରୀ ଜିଲ୍ଲାପାଳ ସମୟ ନେଇ ଚାଲିଥିଲେ  । ଶେଷରେ ଅଗଷ୍ଟ ୨ ତାରିଖ ଦିନ ସତ୍ୟବାଦୀ ଗୋପିନାଥଙ୍କ ଭୁସମ୍ପତି ଜବର ଦଖଲ ଉଚ୍ଛେଦ କରାଯିବା ପାଇଁ ସତ୍ୟବାଦୀ ତହସିଲଦାର ଡାକବାଜି ଦ୍ୱାରା ସର୍ବସାଧାରଣ ଓ ଉକ୍ତ ଜମିରୁ ଦଖଳ କାରୀଙ୍କୁ ହଟି ଯିବା ପାଇଁ ଜଣାଇ ଦେଇଛନ୍ତି । ଦେବତ୍ତର କମିସନର ଓଡିଶା କେସନଂ- ୪/୨୦୦୬ ଓ ଓଡିଶା ହାଇକୋର୍ଟଙ୍କଡ୍ୟୁ.ପି.ସି ନଂ- ୪୭୯୭/୨୦୧୯ର ଆଦେଶ ଅନୁଯାୟୀ ମୌଜା ସତ୍ୟବାଦୀ ସଲଗ୍ନ ପେଣ୍ଠପଡା ଓ ଗୋପାଳପୁରପାଟଣାର ପ୍ଳଟନଂ- ୭୪୦, ୭୩୬, ୭୯୬, ୭୩୩, ୭୩୨, ୭୩୧/୮୧୫, ୪୦୩/୭୯୫ ଓ ୪୯୭ ଉପରେ ଥିବା ଜବର ଦଖଲ ହଟେଇ ନେବା ପାଇଁ ସତ୍ୟବାଦୀ ତହସିଲ କାର୍ଯ୍ୟାଳୟ ପକ୍ଷରୁ ଆଜି ଡାକବାଜି ଦ୍ୱାରା ଜଣାଇ ଦିଆଯାଇଛି । ଆସନ୍ତା ଅଗଷ୍ଟ ୨ ତାରିଖ ଦିନ ୯ ଘଟିକା ସମୟରେ ତହସିଲ ପକ୍ଷରୁ ଉଚ୍ଛେଦ ପ୍ରକିୟା ଆରମ୍ଭ ହେବ ବୋଲି ଜଣାପଡିଛି । 
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି