ଡେଲାଙ୍ଗ ବ୍ଳକର ଗୁଆଳିପଡା ଗ୍ରାମ ପଞ୍ଚାୟତ ପିଠା କାର୍ଯ୍ଯକ୍ରମରେ ପ୍ରଥମ

ଡେଲାଙ୍ଗ  --- ପୁରୀ ଜିଲ୍ଲାର ଡେଲାଙ୍ଗ ବ୍ଳକର ଗୁଆଳିପଡା ଗ୍ରାମ ପଞ୍ଚାୟତରେ ରାଜ୍ୟ ସରକାରଙ୍କ ‘ପିଠା’ କାର୍ଯ୍ୟକ୍ରମରେ ପ୍ରଥମ ସ୍ଥାନ ଅଧିକାର କରି ସ୍ୱତନ୍ତ୍ର ଭାବେ ୫ ଲକ୍ଷ ଟଙ୍କା ରାଶି ପାଇବା ପାଇଁ ମନୋନୀତ ହୋଇଥିବା ଜଣାପଡିଛି । ଓଡିଶା ସରକାର ପଞ୍ଚାୟତରାଜ ଓ ପାନୀୟ ଜଳ ବିଭାଗ କାର୍ଯ୍ୟାଳୟ ପକ୍ଷରୁ ଚିଠି ନଂ- ୫୪୬, ୧୭ ଏସଏଫସି-୨୧ ଯୋଜନା- ୯୦୨୨/୨୦୧୮ ତା ୮/୧/୧୯ରେ ବିଜ୍ଞପ୍ତି ପ୍ରକାଶ ପାଇଛି । ଉକ୍ତ ପଞ୍ଚାୟତରେ  ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ  ସରକାରଙ୍କ ପିଠା ଯୋଜନା ଜନସାଧାରଣଙ୍କ ପାଖରେ ପହଞ୍ଚାଇବା ପାଇଁ  ଉଦ୍ଦ୍ୟମ ଓ ବିଭିନ୍ନ ପ୍ରକାରର ପିଠା ପ୍ରଦର୍ଶନୀ କରି ପ୍ରଥମ ସ୍ଥାନ ଅଧିକାର କରିଥିବା ଜଣାପଡିଛି ।   ଜାନୁୟାରୀ ମାସ ୨୬ ତାରିକ ଜିଲ୍ଲା ସାଧାରଣତନ୍ତ୍ର ଦିବସରେ ସରପଞ୍ଚ କାଳନ୍ଦୀ ଜେନା  ଏହି ଅର୍ଥ ଗ୍ରହଣ କରିବେ । ଏହି ଅର୍ଥ ପାଇଥିବାରୁ ସରପଞ୍ଚ ଶ୍ରୀଜେନା ଙ୍କ ସହ ବ୍ଳକ ଅଧ୍ୟକ୍ଷ ପ୍ରସନ୍ନ ସାହୁ,  ସମବାୟବିତ୍ତ ବୈରାଗୀ ଜେନା, ସମିତିସଭ୍ୟ ବାସୁଦେବ ଜେନା , ମିଶନଶକ୍ତି ମହିଳା ମହାସଂଘର ସମ୍ପାଦିକା ବାସନ୍ତୀ ସାହୁ ଓ ବିଭିନ୍ନ ୱାର୍ଡ ସଭ୍ୟସଭ୍ୟା ମାନେ ପୂର୍ବତନ କୃଷି ଓ ପଞ୍ଚାୟତରାଜ ମନ୍ତ୍ରୀ ପ୍ରଦୀପ ମହାରଥୀ ଓ ପୁରୀ ଜିଲ୍ଲାପାଳ ଜ୍ୟେତି ପ୍ରକାଶ ଦାଶଙ୍କ ସହ ଜିଲ୍ଲାର ସମସ୍ତ ଅଧିକାରୀ ମାନଙ୍କୁ କୃତଜ୍ଞତା ଜଣାଇଛନ୍ତି । ଏହି ଅର୍ଥକୁ ପଞ୍ଚାୟତର ଉନ୍ନତି ପାଇଁ ମହିଳା ମିଶନ ଶକ୍ତି ଗୃହ, ପାଠଗାର, ଗାଧୁଆତୁଟ ସହିତ ଲୁଗା ବଦଳାଇବା ଗୃହ, କମ୍ୟୁନିଟ ସେଣ୍ଟର ଓ ଗୋଠଘର ରେ ଏହି ଅର୍ଥ ଖର୍ଚ୍ଚ କରି ପାରିବେ ବୋଲି ସରକାରଙ୍କ ନିୟମ ଥିବାର ଜଣାପଡିଛି । 

 ଡେଲାଙ୍ଗରୁ ଧୀରେନ୍ଦ୍ର ସେନାପତି