ମଟର ସାଇକେଲ ଧକ୍କାରେ ଜଣେ ଗୁରୁତର

One person was seriously injured in the crash

 

 ସାକ୍ଷୀଗୋପାଳ-----ପୁରୀ -ଭୁବନେଶ୍ୱର ୩୧୬ନଂ ଜାତୀୟ ରାଜପଥର ସାକ୍ଷୀଗୋପାଳ ବ୍ଳକ ଛକ ଠାରୁ ଅଳ୍ପ ଦୂରରେ ଏକ ମଟର ସାଇକେଲ ଧକ୍କାରେ ଜଣେ ଗୁରୁତର ହୋଇ ପୁରୀ ମେଡିକାଲରେ ଚିକିତ୍ସା ହେଉଥିବା ଜଣାପଡିଛି । ପୁରୀରୁ  ଓଡି- ୦୨ବିଡ୍ୟୁ- ୩୬୬୧ ବୁଲେଟ ଗାଡିରେ ଦୁଇ ଜଣ ଯୁବକ ଆସୁଥବା ସମୟରେ ଅଠେଇଶ ଗ୍ରାମର ବିଷ୍ଣୁପ୍ରସାଦ ବେହେରାଙ୍କୁ  ସାକ୍ଷୀଗୋପାଳ ନୂଆଗାଁ ଛକ ସମ୍ମୁଖରେ ଧକ୍କା ହୋଇଥିଲା । ବିଷ୍ଣୁ ତଳେ ପଡି ଯିବା ଦେଖି ସେଠାରେ ଉପସ୍ଥିତ ଥିବା କିଛି ଲୋକମାନେ ଘଟଣା ସ୍ଥଳରେ ପହଞ୍ଚି  ଦୁର୍ଘଟଣା ଘଟାଇଥିବା ଯୁବକ ମାନଙ୍କୁ ବିରକ୍ତି ପ୍ରକାଶ କରିବାରୁ ଯୁବକ ମାନେ ସେମାନଙ୍କୁ ମାରଧର କରିଥିଲେ । ଯୁବକ ଦୁଇ ଜଣ ହେଲେ ସତ୍ୟଜିତି ମାନସିଂହ ପୁରୀ ଓ କେନ୍ଦ୍ରପଡାର ସରୋଜ କୁମାର ଜେନା ।  ଏହାକୁ ନେଇ ନୂଆଗାଁର ଶ୍ରୀଧର ମିଶ୍ର ସତ୍ୟବାଦୀ ଥାନାରେ ଅଭିଯୋଗ କରିବା ପରେ ବୁଲେଟ ମଟର ସାଇକେଲ ଜବତ କରିବା ସହ ୫୫/୨୨ରେ ଏକ ମାମଲା ରୁଜ କରି ଦୁଇ ଜଣ ଯୁବକଙ୍କୁ ଅଟକ ରଖିଥିବା ଥାନା ଆଇଆଇସି ଦିଲ୍ଲୀପ କୁମାର ଧଳଙ୍କ ଠାରୁ ସୁଚନା ମିଳିଛି । 

 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୫/୨/୨୦୨୨--୬,୨୦  

  Sakhigopal News, 15/2/2022