-କାନ୍ଥ ଭୁଶୁଡି ୩ ବର୍ଷର ନାବାଳିକା ମୃତ,୬ ଜଣ ଗୁରୁତର
ଗଞ୍ଜାମ ଜିଲ୍ଲା ବଡଗଡ ଥାନା ରୁଗୁମୁ ପଞ୍ଚାୟତ ରାଶିବାଡି ରାମଚନ୍ଦ୍ରପୁର ଗ୍ରାମରେ ଅଘଟଣ ଘଟିଛି । ମାଟି କାନ୍ଥ ଭୂଷୁଡି ତିନି ବର୍ଷ ର ଝିଅ ମୃତ୍ଯ ହୋଇଥିବା ବେଳେ ୬ ଜଣ ଶିଶୁ ଆହତ ହୋଇଥିବା ଜଣାପଡିଛି । ମୃତ ଶିଶୁ ହେଲେ ଗୀତା ନାୟକ ଙ୍କ ଝିଅ ଲିପି ନାୟକ । ସମସ୍ତେ ଏକାଠି ବସି ଖେଳୁଥିବା ସମୟରେ ଏହି ଦୁଃଖଦାୟକ ଘଟଣା ଘଟିଛି । ଦୁଇ ଦିନ ହେବ ଲାଗି ରହିଥିବା ଲଘୁଚାପ ଜନିତ ଲଗାଣ ବର୍ଷା ରେ ମାଟି କାନ୍ଥଟି ଦ୍ରୁବଳ ହୋଇଯାଇଥିଲା । ଲିପି ଓ ତାର ସାଙ୍ଗ ମାନେ ମାଟି କାନ୍ଥ ନିକଟରେ ଖେଳୁଥିବା ସମୟରେ କାନ୍ଥଟି ଶିଶୁ ମାନଙ୍କ ଉପରେ ଓଜାଡି ଯାଇଥିଲା ।
ଗ୍ରାମବାସୀ ଏବଂ ଧରାକୋଟ ଅଗ୍ନିଶମ ବିଭାଗ ପକ୍ଷରୁ ଶିଶୁ ମାନଙ୍କୁ ଉଦ୍ଧାର କାରି ଧରାକୋଟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ କରିଥିଲେ । ସେଠାରେ ଡାକ୍ତର ଲିପି ନାୟକ ଙ୍କୁ ମୃତ୍ୟୁ ଘୋଷଣା କରିଥିଲେ। ଅନ୍ୟ ଶିଶୁ ଙ୍କ ଚିକିତ୍ସା ଜାରି ରହିଛି । ଗ୍ରାମବାସୀଙ୍କ ପକ୍ଷରୁ ତୁରନ୍ତ ପ୍ରଶାସନ ସହାୟତା ଦାବି କରାଯାଇଛି।
-ଗଞ୍ଜାମ ଧରାକୋଟରୁ ,କାଳୁ ଚରଣ ମହାପାତ୍ରଙ୍କ ରିପୋର୍ଟ,୧୬/୯/୨୦୨୧--- ୧୧,୩୦ Sakhigopal News, 16/9/3/2021
