କୋଣାର୍କରେ ସଡକ ସୁରକ୍ଷା ସପ୍ତାହ ପାଳିତ

କୋଣାର୍କ----- ଚଳିତ ମାସ ୧୧ ତାରିଖରୁ ୧୭ ତାରିଖ ପର୍ଯ୍ୟନ୍ତ ସମଗ୍ର ରାଜ୍ୟରେ ପାଳିତ ହେଉଛି ୩୧ତମ ସଡକ ସୁରକ୍ଷା ସପ୍ତାହ । ଏହି ଅବସରରେ ସୋମବାର ପୂର୍ବାହ୍ନରେ ପୁରୀ ଜିଲ୍ଳା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ କୋଣାର୍କ ଥାନା ଛକଠାରେ ସଡକ ସୁରକ୍ଷା ସପ୍ତାହ ପାଳିତ ହୋଇଯାଇଛି । ପୁରୀ ଜିଲ୍ଳା ଆଞ୍ଚଳିକ ପରିବହନ କାର୍ଯ୍ୟାଳୟର ପରିବହନ ଅଧିକାରୀ, ସମୀର କୁମାର ଦଳାଇ, କୋଣାର୍କ ଥାନାଧିକାରୀ ରଞ୍ଜନ ମଲ୍ଲିକ, ଚନ୍ଦ୍ରଭାଗା ଓ ରାମଚଣ୍ଡୀ ଥାନାଧିକାରୀ ନିଳିମା ପଟ୍ଟନାୟକ, କୋଣାର୍କ ଭଗବତୀ ମହାବିଦ୍ୟାଳୟର ଅଧ୍ୟକ୍ଷ ଡ. ବିଷ୍ଣୁଚରଣ ମିଶ୍ର, ଭଗବତୀ ମହାବିଦ୍ୟାଳୟର ଏନସିସି ଅଧିକାରୀ ଲେଫଟାଣ୍ଡ ବିନୟଭୂଷଣ ମହାନ୍ତି, ଜାତୀୟ ସେବା ଯୋଜନାର କାର୍ଯ୍ୟକ୍ରମ ସଂଯୋଜକ ଅଧ୍ୟାପକ ସୁରେନ୍ଦ୍ର ଖଟୁଆ, ଅଧ୍ୟାପକ ପ୍ରଭାକର ପାତ୍ର, ଟ୍ରାଫିକ ସବନିକ୍ସପେକ୍ଟର ସୁଶାନ୍ତ କୁମାର ପାତ୍ର ଓ ସଡକ ସୂରକ୍ଷା ଅଧିକାରୀ ଶଙ୍କର ନାରାୟଣ ଚଉଧୁରୀଙ୍କ ସମେତ ପୁରୀ ଜିଲ୍ଳା ଆଞ୍ଚଳିକ ପରିବହନ କାର୍ଯ୍ୟାଳୟର କର୍ମଚାରୀମାନେ ଉପସ୍ଥିତ ରହି କୋଣାର୍କ ଥାନାଛକ ଠାରେ ସଡକ ସୁରକ୍ଷା ସମ୍ପର୍କିତ ଏକ ସଚେତନତା ସଭା କରାଯାଇଥିଲା । ସମାଜସେବୀ ରାମକୃଷ୍ଣ ମହାନ୍ତିଙ୍କ ନେତୃତ୍ୱରେ କୋଣାର୍କ ଭଗବତୀ ମହାବିଦ୍ୟାଳୟର ଜାତୀୟ ସମର ଶିକ୍ଷାର୍ଥୀ ବାହିନୀର କ୍ୟାଡେଟ ଏବଂ ଜାତୀୟ ସେବା ଯୋଜନା ୟୁନିଟ୍, ସରକାରୀ ଉଚ୍ଚବିଦ୍ୟାଳୟ, ଆର୍ତ୍ତତ୍ରାଣ କାର୍ତ୍ତିକେଶ୍ୱର ବିଦ୍ୟାପୀଠର ଶତାଧିକ ଛାତ୍ରଛାତ୍ରୀ ଏକ ଶୋଭାଯାତ୍ରାରେ ବାହାରୀ କୋଣାର୍କ ବଜାର ପରିକ୍ରମା କରିବା ସହ ଦୁଇଚକିଆ ଯାନର ଚାଳକଙ୍କୁ ହେଲେମେଣ୍ଟ ବ୍ୟବହାର କରିବା ଓ ଚାରିଚକିଆ ଯାନର ଚାଳକଙ୍କୁ ସିଟ୍ବେଲ୍ଟ ବ୍ୟବହାର କରିବା, ମଦ୍ୟପାନ କରି ଗାଡି ନ ଚଳାଇବା, ଗାଡି ଚଳାଇବା ସମୟରେ ମୋବାଇଲ ଫୋନ ବ୍ୟବହାର ନ କରିବା, ବେପରୁଆ ହୋଇ ଦୃତ ଗତିରେ ଗାଡି ନ ଚଳାଇା ସହିତ ସମସ୍ତ ପ୍ରକାର ଟ୍ରାଫିକ ନିୟମ ମାନିବା ପାଇଁ ବୁଝାଇଥିଲେ ।  ପୁରୀ ଜିଲ୍ଳା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ସଡକ ସୁରକ୍ଷା ସମ୍ପର୍କିରେ ଉଲ୍ଲେଖ ଥିବା ଏକ ସ୍ୱତନ୍ତ୍ର ରଥ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଥିଲା ।  ଆସନ୍ତା ୧୭ ତାରିଖ ପର୍ଯ୍ୟନ୍ତ ପୁରୀ ଜିଲ୍ଲାର ପ୍ରମୁଖ ସ୍ଥାନ ମାନଙ୍କରେ  ଏହି ପରି ସଡକ ସୂରକ୍ଷା ସପ୍ତାହ ପାଳନ କରାଯିବ ବୋଲି  ଆଞ୍ଚଳିକ ପରିବହନ ଅଧିକାରୀ ଶ୍ରୀ ଦଳାଇ ସୂଚନା ଦେଇଛନ୍ତି ।
କୋଣାର୍କରୁ ଅଜିତ କୁମାର ମଲିକ