ସାକ୍ଷୀଗୋପାଳ ----ମହିଳା ଗୋଷ୍ଠୀ ମାନଙ୍କୁ ସ୍ୱାବଲମ୍ବି କରିବା ପାଇଁ ରାଜ୍ୟ ସରକାର ବିଭିନ୍ନ ଯୋଜନା ପ୍ରଣୟନ କରୁଛନ୍ତି । ସବୁ ଚାଲିଛି କାଗଜ ପତ୍ରରେ ବୋଲି ଏବେ ଜଣାପଡିଛି । ସତ୍ୟବାଦୀ ବ୍ଳକରେ ମହିଳା ମାନଙ୍କୁ ରୋଜଗାର କ୍ଷମ କରିବା ପାଇଁ ବର୍ଷକୁ କେତେ ତାଲିମ ପ୍ରଦାନ କରାଯାଇଛି । ମାତ୍ର ଏବେ ଉକ୍ତ ବ୍ଳକର ବଳପୁର ଗ୍ରାମ ପଞ୍ଚାୟତର ଆନନ୍ଦପୁର ଗ୍ରାମରେ ଗଡି ଉଠିଥିବା ଆଲୋକ ମହିଳା ସ୍ୱୟଂ ସଂହାୟକ ଗୋଷ୍ଠୀ ତାଲିମ ପାଇଁ କରିଛନ୍ତି ଦାବି । ଏହି ସଂଘ ଆଠବର୍ଷ ଧରି ୧୧ ଜଣ ମହିଳାଙ୍କୁ ନେଇ ଚାଲିଛି । ନିଜ ନିଜ ମଧ୍ୟରେ ପଇସା ଆଦାୟ କରି ବ୍ୟାଙ୍କରେ ଖାତା ଖୋଲି ଟଙ୍କା ରଖିବା ସହ ନିଜ ନିଜ ମଧ୍ୟରେ ଟଙ୍କା ଦେଣ ନେଣ କରୁଛନ୍ତି । ତୁଳାରେ ନଖ଼ ବଳିତା କରିବା ସହ କିଛି କୁମ୍ଭାର ସଦସ୍ୟା ନିଜର ପରିବାର ପୋଷଣ କରିବା ପାଇଁମାଟିରେ ଓଳି, ହାଣ୍ଡି, ସରା, ଦୀପ, ମାଟିଆ ପ୍ରଭୃତି କରୁଛନ୍ତି । ମାତ୍ର ପାଗଦେଖି କରୁଛନ୍ତି । ଜିନିଷ ରଖିବା ପାଇଁ ଘର ନାହିଁ କି ନୁତନ ପ୍ରଣାଳିରେ କାମ କରିବା ପାଇଁ ତାଲିମ ପାଉନାହାନ୍ତି ବୋଲି ସେମାନେ ଅଭିଯୋଗ କରିଛନ୍ତି । ଏବେ ଧୂପକାଠି, ପାମ୍ପଡ କରିବା ପାଇଁ ଇଛା ପ୍ରକାଶ କରିଛନ୍ତି । ସେମାନେତାଲିମ ନେବା ପାଇଁ ଆଗ୍ରହ ଅଛି ମାତ୍ର ସେମାନଙ୍କୁ ତାଲିମ ମିଳୁନାହିଁ ବୋଲି କହିଛନ୍ତି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି
.jpg)
