ମା ଜାଗୁଳାଇ କ୍ରିକେଟ ଟୁର୍ଣ୍ଣାମେଣ୍ଟ ; ୭ଉଇକେଟରେ ବାଗଲପୁର ବିଜୟୀ

 ସାକ୍ଷୀଗୋପାଳ -----  ସତ୍ୟବାଦୀ ବ୍ଳକ ଅନ୍ତର୍ଗତ  ବଳରାମପୁରଗଡ ଗ୍ରାମ ପଞ୍ଚାୟତର  ମା ଜାଗୁଳାଇ କ୍ରିକେଟ କ୍ଳବ ମାଳସାହି ପକ୍ଷରୁ ଜାଗୁଳାଇ କ୍ରିକେଟ କପ ଟୁର୍ଣ୍ଣାମେଣ୍ଟର ଏମସିସି ଖେଳ ପଡିଆରେ ଅନୁଷ୍ଠିତ ହେଉଛି । ଆଜି ୨ୟ ଦିବସରେ ବଳରାମପୁର  ସହିତ ବାଗଲପୁର  କ୍ରିକେଟ କ୍ଳବ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ବଳରାମପୁର କ୍ରିକେଟ କ୍ଳବ ପ୍ରଥମେ ବ୍ୟାଟିଂ କରି ୧୫ ଓଭରରେ  ସମସ୍ତ ଉଇକେଟ ହରାଇ ୧୬୧ ରନ କରିଥିଲେ । ଜବାବରେ ବାଗଲପୁର  ଦଳ ୧୨ ଓଭର ୪ଟି ବଲରେ ୩ ଉଇକେଟ ବିନିମୟରେ ୧୬୩ ରନ କରି ବିଜୟୀ ହୋଇଛି । ବିଜୟ କୁମାର ବେହେରା ଓ କାଳନ୍ଦୀ ନାୟକ ଖେଳ ପରିଚାଳନା କରିଥିଲେ । ତେରହଳ ଓ ନାଲିଅଣା କ୍ରିକେଟ କ୍ଳବ ମଧ୍ୟରେ ଆସନ୍ତା କାଲି ଖେଳ ଅନୁଷ୍ଠିତ ହେବ ବୋଲି ଅନୁଷ୍ଠାନର ସମ୍ପାଦକଙ୍କ ଠାରୁ ସୂଚନା ମିଳିଛି । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି