ଗୋପବନ୍ଧୁଙ୍କ ଜନ୍ମପୀଠରେ ୫ଟି ସଚିବ; ଭିତ୍ତିଭୂମି ଅନୁଧ୍ୟାନ କଲେ

 ସାକ୍ଷୀଗୋପାଳ-- ସୁଆଣ୍ଡୋ ଗ୍ରାମ ଓ ପଣ୍ଡିତଜୀଙ୍କ ବାସଭବନ ବିକାଶ ସହ ନିର୍ମାଣ କରାଯିବ ସଂଗ୍ରହାଳୟ । ପୁରୀ ଜିଲ୍ଲା ସତ୍ୟବାଦୀ ବ୍ଳକର ସୁଆଣ୍ଡୋ ଗ୍ରାମରେଆଜି ଅପରାହ୍ନରେ ୫ଟି ସଚିବ ଭି କାତ୍ତିକେୟ ପାଣ୍ଡିଆନ ଓ ପୁରୀ ଜିଲ୍ଲାପାଳ ବଳୱନ୍ତ ସିଂହ ପହଞ୍ଚି ରାଜ୍ୟ ସରକାର ମହାପୁରଷଙ୍କ ପୀଠର ବିକାଶ ପାଇଁ ଭିତ୍ତିଭୂମି ଅନୁଧ୍ୟାନ କରିଛନ୍ତି । ଦୁଇଦିନ ତଳେ ଏକ ଟିମ ପ୍ରାଥମିକ ତଦନ୍ତ କରି ଫେରି ଯାଇଥିଲେ । ଏବେ ୫ଟି ସଚିବ ଆସି ଗ୍ରାମ ବାସୀଙ୍କ ସହିତ ଆଲେଚନା କରିବା ସହିତ ଦେବାଳୟ ଗୁଡିକର ଉନ୍ନତି କରାଯିବ ବୋଲି କହିଛନ୍ତି । ବିଶେଷ କରି ଜନ୍ମପୀଠ ଠାରୁ ଶହେ ଫୁଟ ଦୁରରେ ହେବ ସଂଗ୍ରହାଳୟ ନିର୍ମାଣ କରାଯିବ । ଷଠୀଘରର ପୁନରୁଦ୍ଧାର କରାଯିବ, ପାଠାଗାର, ପାର୍କ, ରାସ୍ତା, ବିଜୁଳି, ପାନୀୟଜଳ, ଶୌଚାଳୟସହିତ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ କରାଯିବ ବୋଲି ୫ଟି ସଚିବଙ୍କ ଠାରୁ ପ୍ରକାଶ ।  ବିଶେଷ କରି ଗୋପବନ୍ଧୁଙ୍କ ଷଠୀଘର ଓ ଅନ୍ୟ ଜାଗା ସମ୍ପର୍କରେ ଗୋପବନ୍ଧୁଙ୍କ ପରିବାର ସଦସ୍ୟ ମାନଙ୍କ ସହିତ ଆଲେଚନା କରାଯିବ ବୋଲି ଜଣାପଡିଛି । ସୁଆଣ୍ଡୋ ବିଜ୍ର ଠାରୁ ଷଠୀଘର ପର୍ଯ୍ୟନ୍ତ ଦୁଇ ଥାକିଆ ରାସ୍ତା ନିର୍ମର୍ାଣ କରାଯିବ, ସମସ୍ତ କାର୍ଯ୍ୟ ଆରମ୍ଭ ହେବା ଠାରୁ ଏକ ବର୍ଷ ମଧ୍ୟରେ ଶେଷ ହେବ ବୋଲି ଜଣାପଡିଛି । ଅନ୍ୟ ମାନଙ୍କ ମଧ୍ୟରେ ଏଡିଏମ ପ୍ରଦୀପ କୁମାର ସାହୁ, ଇଡିକୋ ଜେନେରାଲ ମ୍ୟାନେଜର ବିନ୍ଦେଶ୍ୱର ପାତ୍ର, ଇଂ ଶାନ୍ତନୁ କୁମାର ଜେନା , ସତ୍ୟବାଦୀ ତହସିଲଦାର କସ୍ତୁରୀ ପ୍ରଧାନଙ୍କ ସହିତ ଗୋପବନ୍ଧୁଙ୍କ ନାତି ଧୀରେନ୍ଦ୍ର ନାଥ ଦାସ, ରବୀନ୍ଦ୍ର ନାଥ ଦାଶ ଓ ଗ୍ରାମବାସୀ ମାନେ ଉପସ୍ଥିତ ରହିଥିଲେ । ଶେଷରେ ୫ଟି ସଚିବ ସୁଆଣ୍ଡୋ ବିଦ୍ୟାଳୟ ବୁଲିକି ଦେଖିଥଲେ ।
  ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି