ପଞ୍ଚାୟତ ସ୍ତରୀୟ ପ୍ରିମିୟର ଲିଗ କ୍ରିକେଟ ମ୍ୟାଚ ଉଦଯାପିତ ; ଅଳଗୁମ ଚମ୍ପିୟାନ ଓ ନରେନ୍ଦ୍ରପୁର ରନସ

Panchayat level Premier League cricket match celebrated; Algum Champion and Narendrapur Ranas.

ସାକ୍ଷୀଗୋପାଳ,-----ସତ୍ୟବାଦୀ ବ୍ଳକ ଅନ୍ତର୍ଗତ ଜାଗେଶ୍ୱରୀ କ୍ରିକେଟ କ୍ଳବ ଅଳଗୁମ ୩୧ନଂ ଜୋନ ସ୍ତରୀୟ ପଞ୍ଚାୟତ ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ସ୍ଥାନୀୟ ଦକ୍ଷିଣବାଟି ଗ୍ରାମ ପଡିଆରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି । ଫାଇନାଲ ମ୍ୟାଚ ନରେନ୍ଦ୍ରପୁର ସହିତ ଅଳଗୁମ କ୍ରିକେଟ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଟଚ ଜିତି ନରେନ୍ଦ୍ରପୁର ବ୍ୟାଟିଂ କରି ୧୦ ଓଭରରେ ୮ ଉଇକେଟ ହରାଇ ୬୬ ରନ କରିଥିଲା । ଜବବାରେ ଅଳଗୁମ ଦଳ ଦଳ ୭ ଓଭର ୪ ବଲରେ ୩ ଉଇକେଟ ହରାଇ ୬୭ ରନ କରି ଏ ବର୍ଷର ଚମ୍ପିୟାନ ହୋଇଛି । ଫାଇନାଲ ମ୍ୟାଚ ପରିଚାଳନା କରିଥିଲେ ପୂର୍ଣ୍ଣଚନ୍ଦ୍ର ଦାସ ଓ ପବିତ୍ର କୁମାର ସେଠୀ । ପୁରଷ୍କାର ବିତରଣୀ ଉତ୍ସବରେ ଅତିଥିଭାବେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ଓ ପିପିଲି -ଡେଲାଙ୍ଗ ବିଧାୟକ ରୁଦ୍ର ପ୍ରତାପ ମହାରଥୀ ଯୋଗ ଦେଇ ଖେଳାଳୀ ମାନଙ୍କୁ ଉତ୍ସାହିତ କରିବା ସହ ଚମ୍ପିୟାନ ଅଳଗୁମ ଦଳକୁ ୮ ହଜାର ଟଙ୍କା ସିଲଡ ଓ ରନସ ଦଳକୁ ୫ହଜାର ଟଙ୍କା ସିଲଡ ଅତିଥି ମାନେ ପ୍ରଦାନ କରିଥିଲେ । ଅନୁଷ୍ଠିତ ପୁରଷ୍କାର ବିତରଣ ଉତ୍ସବରେ ସତ୍ୟବାଦୀ ବ୍ଳକ ଅଧ୍ୟକ୍ଷ ସୁନିଲ କୁମାର ପଣ୍ଡା ସଭାପତିତ୍ୱ କରିଥିଲେ । ୩୧ ନଂ ଜୋନର ସରପଞ୍ଚ ସମିତି ସଭ୍ୟ ସଭ୍ୟା ମାନେ ଯୋଗ ଦେଇଥିଲେ । ସଭାରେ ସଂଯୋଜନା କରିଥିଲେ ସଚ୍ଚିକାନ୍ତ ବିଶ୍ୱାଳ । ଅତିଥି ପରିଚୟ ପ୍ରଦାନ କରିଥିଲେ ବିଜୟ ରାଜ ମହାନ୍ତି । ଅନୁଷ୍ଠାନର ବାର୍ଷିକ ବିବରଣୀ ପାଠ କରିଥିଲେ ଶିବନାରାୟଣ ମହାନ୍ତି । ଅଳଗୁମ ଜାଗେଶ୍ୱରି ର୍କିକେଟ କ୍ଳବର ସଭାପତି ମନରଞ୍ଜନ ରଥ, ସମ୍ପାଦକ ଦେବୀଦତ୍ତ ମଲ୍ଲିକ, ସଦସ୍ୟ ଓମ ପ୍ରସାଦ ମହାପାତ୍ର, ସତ୍ୟନାରାୟଣ ଜେନା, ସୁନିଲ ବେହେରା, ଦେବାଶିଷ ପଣ୍ଡା, ଅମରେଶ ବିଶ୍ୱାଳ, ବିଦ୍ୟାରଞ୍ଜନ ବାରିକ , ବିଶ୍ୱନାଥ ପ୍ରଧାନ ଭକ୍ତ ଚରଣ ସେଠୀ, ଶକ୍ତି ମଲିକ ଓ ବିଦ୍ୟାଜ୍ୟୋତି ମଲିକ ପ୍ରମୁଖ ଖେଳ ପାରିଚାଳନାରେ ସହଯୋଗ କରିଥିଲେ ।