ସାକ୍ଷୀଗୋପିନାଥ ଠାକୁରଙ୍କର ଭଉଁରି ଯାତ୍ରା ଶେଷ
Sakshigopinath Thakur's sister-in-law's journey is over
ସାକ୍ଷୀଗୋପାଳ------ ସାକ୍ଷୀଗୋପିନାଥ ଦେବଙ୍କର ଚନ୍ଦନଯାତ୍ର ଭଉଁରି ଯାତ୍ରା ଆଜି ଭୋର ସମୟରେ ଶେଷ ହୋଇଯାଇଛି । ସାକ୍ଷୀଗୋପିନାଥଙ୍କର ଚଳନ୍ତି ପ୍ରତିମା ଶ୍ରୀ ମଦନ ମୋହନ ଓ ମା ରାଧାଦେବୀ ସୁସଜିତ ବିମାନରେ ଚନ୍ଦନ ପୋଖରୀକୁ ବିଜେ କରିଥିଲେ । ବିଜେ କରିବା ସମୟରେ ନାମସଂକୀର୍ତ୍ତନ ସହ ଘଣ୍ଟ, ଘଣ୍ଟା, କାହାଳୀ, ତେଲିଙ୍ଗିବାଜା ଆଲଟ, ଚାମର ସହିତ ଆସିଥାନ୍ତି । ଚନ୍ଦନପୋଖରୀରେ ଅପେକ୍ଷାରତ ସୁସଜ୍ଜିତ ହୋଇ ରହିଥିବା ଡଙ୍ଗାକୁ ସେବାୟତ ମାନେ ମହାପ୍ରଭୁଙ୍କୁ ବିଜେ କରାଇଥିଲେ । ପ୍ରତିଦିନ ଦିନ ଦିନ ସମୟରେ ଗୋଟିଏ ଘେରା ଚାପ ଖେଳ ଅନୁଷ୍ଠିତ ହେଉଥିବା ବେଳେ ଭଉଁରି ଦିନରେ ସ୍ୱତନ୍ତ ଚାପନୀତି ଅନୁଷ୍ଠିତ ହୋଇଥାଏ । ଦିନଚାପରେ ତିନିଥର ବୁଲିବା ସହ ପ୍ରତିକୋଣରେ ସାତଘେରା ଚାପହୋଇଥିଲା । ଦିନ ଚାପ ସରିବା ପରେ ଠାକୁରଙ୍କୁ ସେବାୟତ ମାନେ ଡଙ୍ଗାରୁ ନେଇ ପ୍ରସ୍ତୁତ ହୋଇ ରହିଥିବା ସୁବାସିତ ଜଳପୂର୍ଣ୍ଣ ଚନ୍ଦନକୁଣ୍ଡରେ ବିଜେ କରାଇଥିଲେ । ରାତିରେ ଚନ୍ଦନ କୁଣ୍ଡରୁ ଠାକୁରଙ୍କୁ ସିଂହାସନକୁ କାଡିବା ପରେ ଠାକୁରଙ୍କ ନୀତିକାନ୍ତି ଜାତଭୋଗ ଅନୁଷ୍ଠିତ ହୋଇଥାଏ । ପରେ ଚନ୍ଦନ ମଣ୍ଡପରେ ଗୋଟି ପୁଅ ନୃତ୍ୟୁ ପରିବେଷଣ କରାଯାଇଥିଲା । ସେହିପରି ରାତିରେ ପୁନର୍ବାର ଠାକୁରଙ୍କର ଅନ୍ୟ ଦିନରେ ତିନିଘେରା ଚାପ ହୋଇଥିବା ବେଳେ ଭଉଁରି ଦିନରେ ୭ଘେରା ୨୧ ଭଉଁରୀ ଚାପ କରାଯାଇ ଆତସବାଜି ପ୍ରଦର୍ଶନୀ ଅନୁଷ୍ଠିତ ହୋଇଥିଲା । ସାକ୍ଷୀଗୋପାଳ ମନ୍ଦିର କାର୍ଯ୍ୟାଳୟ ପକ୍ଷରୁ ଚନ୍ଦନ ମଣ୍ଡପ, ଯାଗାଘର, ମନ୍ଦିର କାର୍ଯ୍ୟାଳୟ ଓ ଚନ୍ଦନ ପୁଷ୍କରଣୀ ରଙ୍ଗବେରଙ୍ଗ ଆଲୋକ ମାନାରେ ସୁସଜିତ ହୋଇଥିଲା । ଯାତ୍ରା ଦେଖିବା ପାଇଁ ବିଭିନ୍ନ ଆଖପାଖ ଗ୍ରାମରୁ ଶ୍ରଦ୍ଦାଳୁ ମାନେ ଚାପରେ ଠାକୁରଙ୍କୁ ଦର୍ଶନ କରିଥିଲେ । ଚନ୍ଦନ ପୋଖରୀ ଚତୁପାଶ୍ୱର୍ରେ ବିଭିନ୍ନ ଉଠାଦେକାନୀ ମାନଙ୍କର ଗହଳି ଲାଗିଥିଲା । ବଡଯାଗାଘର ପକ୍ଷରୁ କାଳିଯାତ, ଗାଦିଗୋସେଇଁ , ନାଗା, ବୁଡାବୁଢ଼ି, ଶବର ଶବରୁଣୀ ଓ ଦୁର୍ଗା ମେଢ଼ ଆଦି ସାହିଯାତ ଅନୁଷ୍ଠିତ ହୋଇଥିଲା । ଚନ୍ଦନପୋଖରୀ ଠାରୁ ମନ୍ଦିର ପର୍ଯ୍ୟନ୍ତ ଗହଳିଚହଳି ଲାଗିଥିଲା । ମନ୍ଦିର ପ୍ରଶାସନ ପକ୍ଷରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୨/୫/୨୦୨୨---୭,୨୦
Sakhigopal News, 22/5/2022
.jpg)
