ସୌରବ୍ରାହ୍ମଣ ସମାଜର ବାର୍ଷିକ ଉତ୍ସବ ଅନୁଷ୍ଠିତ

The annual festival of the Sour Brahmin community is held.

ନୟାଗଡ/ଓଡଗାଁ:- ଶାକ ଦ୍ଵୀପ ସୌର ବ୍ରାହ୍ମଣ ସମାଜ ବାର୍ଷିକ ସାଧାରଣ ସଭା ଓ ଜ୍ୟୋତିଷ ସମ୍ମିଳନୀ ବାଉଁଶିଆପଡା ଠାରେ ୨ଦିନ ଧରି ଅନୁଷ୍ଠିତ ହୋଇଯାଇଛି। ନୟାଗଡ ଜିଲ୍ଲା ସୌର ବ୍ରାହ୍ମଣ ସମାଜର ସଭାପତି ଶ୍ରୀ ପୂର୍ଣ୍ଣ ଚନ୍ଦ୍ର ନାୟକଙ୍କ ସଭାପତିତ୍ବରେ ସଭା କାଯ୍ୟ ଆରମ୍ଭ ହୋଇଥିଲା। ଉକ୍ତ ସଭାରେ ଓଡଗାଁ ପଞ୍ଚାୟତ ସମିତିର ଅଧ୍ୟକ୍ଷ ଶ୍ରୀ ଲୋକନାଥ ସାହୁ ମୂଖ୍ୟ ଅତିଥି ରୂପେ ଯୋଗଦେଇଥିଲେ। ରାଜ୍ୟ ଦୈବଜ୍ଞ ବ୍ରାହ୍ମଣ ମହାସଂଘର ସଭାପତି ଶ୍ରୀ ସନ୍ତୋଷ କୁମାର ମିଶ୍ର,ଉପସଭାପତି ଶ୍ରୀ ରମାକାନ୍ତ ମହାପତ୍ର, ଲୋକସମ୍ପର୍କ ସମ୍ପାଦକ ଶ୍ରୀ ସନ୍ତୋଷ କୁମାର ମହାପତ୍ର ପ୍ରମୁଖ ଯୋଗ ଦେଇଥିଲେ । ନୟାଗଡ ମଣ୍ଡଳ ସଭାପତି ଶ୍ରୀ ପ୍ରଫୁଲ ଚନ୍ଦ୍ର ନାୟକ ସ୍ଵାଗତ ଭାଷଣ ଦେଇଥିବାବେଳେ ସମ୍ପାଦକ ଶ୍ରୀ ରତ୍ନାକର ନାୟକ ବାର୍ଷିକ ବିବରଣୀ ପ୍ରଦାନ କରିଥିଲେ । ଶିଶିର କୁମାର ନାୟକ ଧନ୍ୟବାଦ ଅର୍ପଣ କରିଥିଲେ । ଉକ୍ତ ସଭାରେ ରଙ୍କନିଧି ନାୟକ ,ଶୁଶାନ୍ତ କୁମାର ନାୟକ, ଦୁର୍ଯ୍ୟୋଧନ ନାୟକ, କୁମୁଦ କୁମାର ନାୟକ, ସୁବଳ ଚରଣ ନାୟକ, ଶିବରାମ ନାୟକ, ଚିନ୍ତାମଣି ନାୟକ, ଧନେଶ୍ଵର ନାୟକ ଓ କୁମର ନାୟକ ଜ୍ୟୋତିଷ ଶାସ୍ତ୍ର ଉପରେ ଆଲୋକପାତ କରିଥିଲେ ଏବଂ ସମୂହ ବ୍ରତତୋପନୟନ, ସାମ୍ବଦଶମୀ ଦିନ ସୂର୍ଯ୍ୟପୂଜା ଓ ହୋମ ଯଜ୍ଞ କରାଯିବ ବୋଲି ସର୍ବସମ୍ମତିକ୍ରମେ ଗୃହୀତ ହୋଇଥିଲା ।