ଡେଲାଙ୍ଗ ବ୍ଳକର ମୁନିନ୍ଦା ଗ୍ରାମ ପଞ୍ଚାୟତର ୪ଟି ଗ୍ରାମ ବାହ୍ୟ ଜଗତରୁ ବିଚ୍ଛନ୍ନ
ଡେଲାଙ୍ଗ -----ପୁରୀ ଜିଲ୍ଲାର ଡେଲାଙ୍ଗ ବ୍ଳକର ମୁନିନ୍ଦା ଗ୍ରାମ ପଞ୍ଚାୟତର ବଡ ଶ୍ର୍ତୁ ହେଉଛି ଲୁଣା ନଦୀ । ଦୟାରେ ବନ୍ୟା ଜଳ ପ୍ରବେଶ କରିଲେ ଲୁଣା ନଦୀରେ ବନ୍ୟା ଜଳ ପ୍ରବାହିତ ହୋଇଥାଏ । ଲୁଣା ନଦୀରେ ଗୋଟିଏ ପାଶ୍ୱର୍ ବନ୍ଦ ବାଡ ନଥିବାରୁ ଲୁଣା ନଦୀରେ ବନ୍ୟା ଜଳ ପ୍ରବାହିତ ହେବା ମାତ୍ରେ ନଦୀ ପାଖରେ ଥିବା ଗହିର, ନାଳ, ଯୋର ଓ ବିଭିନ୍ନ ପୋଲିଆ ଦେଇ ବନ୍ୟା ଜଳ ପ୍ରବାହିତ ହୋଇଥାଏ । ମୁନିନ୍ଦା ଗ୍ରାମ ପଞ୍ଚାୟତରେ ଲୁଣାର ବନ୍ୟା ଜଳ ସବୁଠାରୁ ଅଧିକ ଦିନ ରହିଥାଏ । ଯାହା ଫଳରେକି ଗ୍ରାମ ରାସ୍ତା ଘାଟ ନଷ୍ଟ ହେବା ସହ ଖରିଫ ଧାନ ଚାଷ ନଷ୍ଟ ହୋଇଥାଏ । ଶଙ୍ଖପାଟ, ଡାକପଡା, ବେଲପଡା, ମୁନିନ୍ଦା ଗ୍ରାମ ଗୁଡିକ ଏବେ ଲୁଣା ନଦୀର ବନ୍ୟା ଜଳରେ ବାହ୍ୟ ଜଗତରୁ ବିଚ୍ଛିନ ୍ନହୋଇଯାଇଛି । ଅନ୍ୟ ପକ୍ଷେ ସେବତିପୁର, ବରକେରା, ମୋହନପୁର, ଚାନ୍ଦଳ, ଅଳଉତା, ସାନ ମୁନିନ୍ଦାର ଆଦି ଗହିରର ଧାନ ବିଲ ଗୁଡିକ ପାଣିରେ ବୁଡି ଯାଇଛି । ଲୁଣା ନଦୀରେ ବନ୍ୟା ଜଳ ପ୍ରବାହିତ ହେବା ପରେ ମୁନିନ୍ଦା ପଞ୍ଚାୟତବିଶେଷ କ୍ଷତି ହୋଇଥାଏ । ଦୟା ନଦୀରେ ବନ୍ୟାଜ ଜଳ ନ କମିଲେ ଲୁଣାରୁ ପାଣି ସେହିପରି ରହିବ । ଏ ସମ୍ପର୍କରେ ସରପଞ୍ଚଙ୍କ ପ୍ରତିନିଧି ନରେନ୍ଦ୍ର ପରିଡା କହନ୍ତି ଆମର ଦୁଖଃ ହେଉଛି ଲୁଣା । ପ୍ରତିବର୍ଷ ନଦୀରେ ବନ୍ୟା ଜଳ ଆସିବା ଦ୍ୱାରା ଚାଷୀ ମାନେ ବହୁତ କ୍ଷତିରେ ପଡୁଛନ୍ତି । ଏବେ ଶହ ଶହ ଏକର ଧାନ ଜମିରେ ବନ୍ୟା ପାଣି ଲହଡି ଭାଙ୍ଗୁଛି । ସ୍ଥାନୀୟ ବିଧାୟକ ପ୍ରଦୀପ ମହାରଥୀ, ବ୍ଳକ ଅଧ୍ୟକ୍ଷ ପ୍ରସନ୍ନ ସାହୁ, ବିଡିଓ କ୍ଷୀରୋଦ୍ର ପ୍ରଧାନ ବିଭିନ୍ନ ଗ୍ରାମ ବୁଲିକି ପରିସ୍ଥିତି ଅନୁଧ୍ୟାନ କରି ଯାଇଛନ୍ତି । ରାସ୍ତା ଉପରୁ ପାଣି କମିଲେ ରାଜ୍ୟ ସରକାର ଘୋଷଣା କରିଥିବା ରିଲିଫ ସାମଗ୍ରୀ ତୁରନ୍ତ ବଣ୍ଟନ କରାଯିବ ବୋଲି ଶ୍ରୀ ପରିଡା କହିଛନ୍ତି ।
ଡେଲାଙ୍ଗରୁ ଧୀରେନ୍ଦ୍ର ସେନାପତି
