ଆବାସ ଯୋଜନା ରୁ ୫ବର୍ଷ ହେବ ବାଦ ପଡିଛି ପୋଡ଼ାଗୁଡା ଗ୍ରାମ
କୋକସରା ବ୍ଲକ ଗୋତମୁଣ୍ଡା ପଞ୍ଚାୟତ ରୁ ୨୦୧୬ ରେ ପଞ୍ଚାୟତ ବିଭାଜନ ହୋଇଥିଲା । ନୂଆ ପଞ୍ଚାୟତ ରୁପେ ପୋଡ଼ାଗୁଡା ପଞ୍ଚାୟତ ଗଠନ ହେଲା । ହେଲେ ନୂତନ ପଞ୍ଚାୟତ ପରେ ପୋଡ଼ାଗୁଡା ପଞ୍ଚାୟତ ରେ ରହିଥିବା ୩ ରାଜସ୍ୱ ଗ୍ରାମ ନେଗିଗୁଡା, ମଙ୍ଗଳପୁର ଓ ପୋଡ଼ାଗୁଡା ମଧ୍ୟରୁ ପୋଡ଼ାଗୁଡା ରାଜସ୍ୱ ଗ୍ରାମ ର ନାମ ସରକାରୀ ଡାଟାବେସରେ ନାହିଁ । ଏଣୁ ୨୦୧୫/୧୬ରୁ ପୋଡ଼ାଗୁଡା ରାଜସ୍ୱ ଗ୍ରାମ ଅଧିନରେ ଥିବା କୁଳେରଗୁଡା, କଲୋନୀପଡା, ଆମଗୁଡା, ସିନାପଡା, ସୌରୀପଡା ହେମଲେଟ ଗାଁ ରେ ରହୁଥିବା ବିପିଏଲ, ଗରିବ ଶ୍ରେଣୀର ହିତାଧିକାରୀଙ୍କୁ ଆବାସ ଯୋଜନାରେ ଘର ମିଳି ପାରୁନାହିଁ ବୋଲି ଅଭିଯୋଗ ହୋଇଛି । ପୋଡ଼ାଗୁଡା ଗ୍ରାମରେ ପ୍ରାୟ ୯ ଶହ ରୁ ଉର୍ଦ୍ଧ ଭୋଟର ରହିଥିବାବେଳେ ଜନସଂଖ୍ୟା ପ୍ରାୟ ୨୫ ଶହ ପାଖାପାଖି । ଆବାସ ଯୋଜନାରେ ସାମିଲ ହେବା ପାଇଁ ପୋଡ଼ାଗୁଡା ଗ୍ରାମବାସୀ ଅନେକ ସମୟରେ ଜିଲ୍ଲା ପ୍ରଶାସନ ଙ୍କ ଠାରୁ ମନ୍ତ୍ରୀ ବିଧାୟକ ଙ୍କୁ ଆପତ୍ତି ଅଭିଯୋଗ କରିଥିଲେ ମଧ୍ୟ ଏଯାବତ କୌଣସି ସମାଧାନ ର ବାଟ ବାହାରି ପାରିନାହିଁ ନାହିଁ । କେବଳ ମିଛ ପ୍ରତିଶ୍ରୁତି ହିଁ ମିଳୁଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ଆବାସ ଯୋଜନାରେ ଘର ନ ମିଳିବା କାରଣରୁ ଗାଁ ରେ ଅନେକ ଗରିବ ପରିବାର ଝାଟିମାଟି, ନଡ଼ା ପାଳ ଦେଇ ଅତି କଷ୍ଟ ରେ ରହିଛନ୍ତି । ଏମିତି ବି ଦେଖିବାକୁ ମିଳିଛି ଯେ ଗୋଟେ କୋଠରୀ ରେ ଗୃହ ପାଳିତ ପଶୁ ସହ ମଣିଷ ମଧ୍ୟ ରହୁଛନ୍ତି । ଏହା ଠୁ ଆଉ କଣ ବିଡମ୍ବନା ଦେଖିବାକୁ ମିଳିପାରେ ବୋଲି ସ୍ଥାନୀୟ ବୁଦ୍ଧିଜୀବୀ ମାନେ କହନ୍ତି । କର୍ମଚାରୀ ଙ୍କ ଅବହେଲା କାରଣ ରୁ ହେଉ ଅବା ସରକାରଙ୍କ ଡାଟାବେଶ୍ ରେ ତୃଟି ଯୋଗୁଁ ହେଉ ଦିର୍ଘ ୫ ବର୍ଷ ରୁ ଉର୍ଦ୍ଧ ହେବ ପୋଡାଗୁଡା ଗ୍ରାମବାସୀ ଆବାସ ଯୋଜନାରେ ଘର ଖଣ୍ଡେ ପାଇନପାରି ନଥିବା ପ୍ରକାଶ କରିଛନ୍ତି । ଏ ନେଇ କୋକସରା ଗୋଷ୍ଠୀ ଉନ୍ନୟନ ଅଧିକାରୀ ମନୀଷା ଦାସ ଙ୍କୁ ପଚାରିବାରୁ ମୁଁ ଏହି ବିଷୟ ରେ ଜାଣିନାହିଁ, ତଦନ୍ତ କରିବା ପରେ ଯଦି କିଛି ଟେକ୍ନିକାଲ ଅସୁବିଧା ରହିଛି ତାକୁ ନେଇ ଜିଲ୍ଲା ପ୍ରଶାସନ କୁ ଜଣାଇବି ଓ ଆଗାମୀ ଦିନରେ କେମିତି ପୋଡ଼ାଗୁଡା ରାଜସ୍ୱ ଗ୍ରାମ ର ହିତାଧିକାରୀ ମାନେ ଆବାସ ଯୋଜନାରେ ରେ ଘର ପାଇବେ ସେଥିପାଇଁ ଚେଷ୍ଟା କରାଯିବ ବୋଳି କହିଛନ୍ତି ।
ଦେଖିବାକୁ ବାକି ରହିଲା ବିଡିଓ ଦେଇଥିବା ପ୍ରତିଶୃତି କେବେ କାର୍ଯକାରୀ ହେଉଛି ।
କଳାହାଣ୍ଡି ରୁ ପ୍ୟାରୀ ଲାଲ ଦୁର୍ଗା ଙ୍କ ରିପୋର୍ଟ
.jpg)
