ତିରିଶି ହଜାର ଟଙ୍କା ଲାଞ୍ଚ ନେବା ବେଳେ ସିବିଆଇ ଦ୍ଵାରା ଇଲେକ୍ଟ୍ରିକାଲ୍ ଜେଇ ଗିରଫ

ଜଗତସିଂହପୁର ----ପାରାଦୀପ ସିବିଆଇ ହାତରେ

 ମିଲିଟାରୀ ଇଞ୍ଜିନିୟରିଂ ସର୍ଭିସ ର ଇଲେକ୍ଟ୍ରିକାଲ୍ ଜେଇ ରାଜୀବ ରଞ୍ଜନ ରେଡ୍ଡୀ ଜଣେ ଠିକାଦାରଙ୍କ ଠାରୁ ୩୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଛନ୍ତି ।ଠିକାଦାରଙ୍କର ୬ ଜଣ ପିଲାଙ୍କୁ କାମ କରିବା ପାଇଁ ଅନୁମତି ଦେବାକୁ ନେଉଥିଲେ ଲାଞ୍ଚ। ପାରାଦ୍ବୀପ ରେ ଥିବା କୋଷ୍ଟଗାର୍ଡ ମୁଖ୍ୟାଳୟ ଓ କୋଷ୍ଟର୍ଗାଡ କଲୋନୀର ଇଲେକ୍ଟ୍ରିକାଲ୍ କାର୍ଯ୍ୟ ଦାୟୀତ୍ବରେ ଥିବା ଜେଇ ରାଜୀବ ରଞ୍ଜନ ରେଡ୍ଡୀ ବିଭିନ୍ନ କାର୍ଯ୍ୟରେ ଲାଞ୍ଚ ନେଉଥିବା ଅଭିଯୋଗ ହୋଇ ଆସୁଥିଲା। ତେବେ ଗତ କିଛିଦିନ ହେଲା ଟେଣ୍ଡର ପାଇଥିବା ପବିତ୍ର ମୋହନ ପରିଡାଙ୍କୁ ବାରମ୍ବାର ହଇରାଣ କରୁଥିଲେ ଦେଇ । ଏପରିକି ଠିକାଦାର ଅଧିନରେ କାମ କରିବା ପାଇଁ ୬ ଜଣ ଯୁବକଙ୍କୁ ଅନୁମତି ଦେବା ପାଇଁ ୫୦ ହଜାର ଟଙ୍କା ଦାବି କରିଥିଲେ ।  ଶେଷରେ ୩୦ ହଜାର ଦେବାକୁ ଫାଇନାଲ ହୋଇଥିଲା । ଏହି ଘଟଣାକୁ ନେଇ ଶ୍ରୀଯୁକ୍ତ ପରିଡା ଭୂବନେଶ୍ବର ସ୍ଥିତ ସିବିଆଇ କାର୍ଯ୍ୟାଳୟର ଦ୍ବାରସ୍ଥ ହୋଇଥିଲେ। ଯୋଜନା ମୁତାବକ ବୁଧବାର ଏକ ୧୪ ଜଣିଆ ଟିମ୍ ପାରାଦ୍ବୀପ ରେ ପହଞ୍ଚିଥିଲେ । କେମିକାଲ ବୋଳା ୩୦ ହଜାର ଟଙ୍କା ଜେଇ ରାଜୀବ ରଞ୍ଜନ ରେଡ୍ଡୀ ଙ୍କୁ ନେଉଥିବା ବେଳେ ସିବିଆଇ ତାଙ୍କୁ ଧରିଥିଲା। ପରେ ଜେଇ ଙ୍କ ଅଫିସ ଓ ବାସଗୃହ ରେ ଚଢାଉ କରାଯାଇ ବହୁ ପରିମାଣର କାଗଜପତ୍ର ଜବତ କରାଯାଇଛି।  ଏବଂ ତାଙ୍କୁ ଗିରଫ କରି ଭୂବନେଶ୍ବର ନେବା ସହିତ  ତାଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି। 

 ଜଗତସିଂହପୁର ରୁ ପ୍ରଳୟ ମହାପାତ୍ର