ଯାତ୍ରୀବାହୀ ବସ୍ ଧକ୍କାରେ , ବାଇକ ଆରୋହୀଙ୍କର ମୃତ

ଭଞ୍ଜନଗର - ଭଞ୍ଜନଗର ଥାନା ଅନ୍ତର୍ଗତ ବୁଦୁଲି ନିକଟରେ ଏକ ଯାତ୍ରୀବାହୀ ବସ୍ ଧକ୍କାରେ ବାଇକ୍ ଆରୋହୀ ଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ନିକଟସ୍ଥ ନିଧିଆପଲ୍ଲୀ ଗାଁ ର ଦେବଦତ୍ତ ଦଳବେହେରା । ଘଟଣା ସ୍ଥଳରେ ପୋଲିସ ପହଞ୍ଚି ମୃତ ଦେହକୁ ଜବତ କରିଛନ୍ତି । ଭଞ୍ଜନଗର ମେଡିକାଲକୁ ନିଆଯାଇଛି  ବ୍ୟବଛେଦ କରିବା ପାଇଁ । ସେପଟେ ଦୁର୍ଘଟଣା ଘଟାଇଥିବା ବସ୍ ର ଡ୍ରାଇଭର କୁ  ଅଟକ ରଖିଛି ପୋଲିସ । ସୂଚନା ପ୍ରକାରେ ମୃତ ଦେବଦତ୍ତ ସୋରଡା ବ୍ଳକ୍ ର କୁମ୍ଭାରଝୋଳି ରେ ଶିକ୍ଷକ ଚାକିରୀ କରନ୍ତି । ସେ ଭଞ୍ଜନଗରରୁ  ନିଜ ବାଇକ୍ ଯୋଗେ ସନ୍ଧ୍ୟା ସମୟରେ ନିଧିଆପଲ୍ଲୀ କୁ ଫେରୁଥିଲେ ।  ସେହି ସମୟରେ ଫୁଲବାଣୀ ରୁ ଭଞ୍ଜନଗର ଅଭିମୁଖେ ଆସୁଥିବା ଓଆର୍ ୧୨ ବି ୪୧୫୬ ,  ଅନିଲ୍ ବସ୍ ଟି ଦେବଦତ୍ତ ଙ୍କ ବାଇକ୍ କୁ ସାମନାପଟୁ ଧକ୍କା ଦେଇଥିଲା । ଫଳରେ ତାଙ୍କ ବାଇକ୍ ଟି ସଂପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ , ଘଟଣା ସ୍ଥଳରେ ହଁ ତାଙ୍କର ମୃତ୍ୟୁ ହୋଇଥିଲା ।  ଖବର ପାଇ ସ୍ଥାନୀୟ ଲୋକେ ଏବଂ ଭଞ୍ଜନଗର ପୋଲିସ ଘଟଣା ସ୍ଥଳରେ ପହଞ୍ଚିଥିଲେ । ମୃତ ଦେହକୁ ଜବତ କରି, ଆମ୍ବୁଲାନ୍ସ ଯୋଗେ ଭଞ୍ଜନଗର ମେଡିକାଲ କୁ ଅଣା ଯାଇଥିଲା । ଏନେଇ ଥାନା ରେ ଏକ ମାମଲା ରୁଜୁ ହୋଇଛି । ସୋମବାର ଦିନ ମୃତଦେହ ବ୍ୟବଚ୍ଛେଦ କରାଯିବ ବୋଲି  ପୋଲିସ ସୂତ୍ରରୁ ଜଣାପଡ଼ିଥିବା ବେଳେ , ଏନେଇ ତଦନ୍ତ ଜାରି ରଖିଛି ପୋଲିସ ।

ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୭/୪/୨୦୨୪------୯,୫୦ Sakhigopal News 7/4/2024