ସତ୍ୟବାଦୀରେ ବିଜେଡି ବିଧାୟକ ପ୍ରାର୍ଥୀ ସଞ୍ଜୟ ଦାସବର୍ମାଙ୍କ ମାରାଥନ କର୍ମୀ ସମାବେଶ

     ସାକ୍ଷୀଗୋପାଳ ---- ସତ୍ଯବାଦୀ ନିର୍ବାଚନ ମଣ୍ଡଳୀରେ ବିଜେଡି ଦଳ ବିଧାୟକ ପ୍ରାର୍ଥୀ ସଞ୍ଜୟ ଦାସବର୍ମାଙ୍କ ମାରାଥନ କର୍ମୀ ସମାବେଶ ସହିତ ଯୁବ ଛାତ୍ର ସମାବେଶ ଅନୁଷ୍ଠିତ ହୋଇଯାଇଛି। ବ୍ଲକ ଛକ ସ୍ୱର୍ଣ୍ଣ ମଣ୍ଡପରେ ଅନୁଷ୍ଠିତ ହୋଇଯାଇଛି  । ସେହିପରି ବଳରାମପୁରଗଡ ପଞ୍ଚାୟତ ପକ୍ଷରୁ ସାଗର ସ୍ନାନ ମେଳଣ ପଡିଆ, ମୂଳଅଳସା ପଞ୍ଚାୟତ ପଡିଆ, ନରେନ୍ଦ୍ର ପୁର ପଞ୍ଚାୟତର ପଦ୍ମାବତୀ ଠାକୁରାଣୀ ଙ୍କ  ପଡ଼ିଆରେ ଆୟୋଜିତ କର୍ମୀ ସମାବେଶ ରେ ସତ୍ଯବାଦୀ ବ୍ଲକ ବିଜେଡି  ସଭାପତି ପ୍ରମୋଦ ରାଉତରାୟ ସଭାପତିତ୍ବ କରିଥିଲେ । ସ୍ୱର୍ଣ୍ଣ ମଣ୍ଡପରେ ଆୟୋଜିତ ଯୁବଛାତ୍ର  କର୍ମୀ ପ୍ରସ୍ତୁତି ବୈଠକରେ ଶ୍ରୀ ଦାସବର୍ମା କହିଲେ ଯୁବକ ଓ ଛାତ୍ର ମାନେ ଦେଶର ଭବିଷ୍ଯତ ଗଢିବେ  । ବିଜେଡି ଦଳ ନବୀନ ପଟ୍ଟନାୟକଙ୍କ ନେତୃତ୍ବରେ    ରାଜ୍ଯରେ ସ୍ଥିର ସରକାର ଗଢିଛି  । ଷଷ୍ଠ ଥର ପାଇଁ ଆମେ ନବୀନ ପଟ୍ଟନାୟକଙ୍କୁ ମୁଖ୍ଯମନ୍ତ୍ରୀ କରିବା ପାଇଁ ଲଢୁଆ ମନୋବ୍ରୁତ୍ତି ନେଇ ମିଳିମିଶି କାମ କରିବା ପାଇଁ ସମସ୍ତଙ୍କୁ ନିବେଦନ କରିଥିଲେ  । ବ୍ଲକ ଅଧ୍ୟକ୍ଷ ଶ୍ରୀ ପଣ୍ଡା କହିଥିଲେ ଏହି ପଞ୍ଚାୟତ ବିଜୁ ଜନତାଦଳର ଗର୍ବ । ଏହି  ବୈଠକରେ ତାହା ଜଣାପଡିଛି । ସତ୍ୟବାଦୀ ବ୍ଳକରେ ଏକ ଇତିହାସ ସୃଷ୍ଟି କରିବ ବୋଲି ଶ୍ରୀ ପଣ୍ଡା କହିଥିଲେ। ଏଥିରେ ପଞ୍ଚାୟତ ସ୍ତରର ସମସ୍ତ ଯୁବଛାତ୍ର ଯୋଗଦେଇ ଥିଲେ  । ସେହିପରି ବିଜେଡିର ବିଧାନ ସଭା ପ୍ରାର୍ଥୀ ଶ୍ରୀ ବର୍ମା ବିଜେଡି ସରକାରଙ୍କ ଜନ କଲ୍ୟାଣ ସମ୍ପର୍କରେ ଅବଗତ କରିବା ସହ ବିଜୁ ସ୍ବାସ୍ଥ୍ୟ କଲ୍ୟାଣ କାଡ ସମ୍ପର୍କରେ ପଚାରି ବୁଝିଥିଲେ । ଏହି କର୍ମୀ ସମାବେଶ ରେ ବିଜେଡି ର ଲୋକସଭା ପ୍ରାର୍ଥୀ  ଅରୁପ ପଟ୍ଟନାୟକଙ୍କ ସହିତ ସତ୍ୟବାଦୀ ବ୍ଳକ ଅଧ୍ୟକ୍ଷ ସୁନୀଲ କୁମାର ପଣ୍ଡା, ବ୍ଳକ ବିଜେଡି ସଭାପତି ପ୍ରମୋଦ  ରାଉତରାୟ,  ପୂର୍ବତନ ବ୍ଳକ ଅଧ୍ୟକ୍ଷ ପ୍ରେମାନନ୍ଦ ପାତ୍ର,  ପ୍ରହଲ୍ଲାଦ ଘଟୁଆରୀ, ଆତ୍ମାର ପୂର୍ବତନ ସଭାପତି ରାମଚନ୍ଦ୍ର ମହାନ୍ତି, ଦେବାଶିଷ ରାୟ, ସ୍ୱାଧୀନ ଭାରତ ଜେନା,  ପ୍ରକାଶ ଖଟୋଇ, ପେଣ୍ଠପଡା ପଞ୍ଚାୟତ ର ପୂର୍ବତନ ସରପଞ୍ଚ ଦେବେନ୍ଦ୍ର ମହାପାତ୍ର ବିଜେଡି ଯୁବ ସଭାପତି ଶରତ ରାଉତରାୟ, ଯୁବ ସଂପାଦକ ସୁବାସ ପ୍ରଧାନ, ମିଡିଆ ସେଲ ସଂଯୋଜକ ତୁଷାର ରଞ୍ଜନ ନାୟକ, ନରେନ୍ଦ୍ରପୁର ପଞ୍ଚାୟତ ର ସରପଞ୍ଚ ଗୌରାଙ୍ଗ ମଲିକ, ସମିତିସଭ୍ୟା ଝରଣା ମଲିକ ଓ ପୂର୍ବତନ  ସରପଞ୍ଚ ପ୍ରଶାନ୍ତ ମହାପାତ୍ର ଙ୍କ  ସହିତ ପ୍ରମୁଖ ଯୋଗଦେଇଥିଲେ ।  ସେହିପରି ମୂଳଅଳସା ପଞ୍ଚାୟତ କର୍ମୀ ସମାବେଶ ରେ ସରପଞ୍ଚ ଦେବୀପ୍ରସାଦ ଘଟୁଆରୀ ପ୍ରମୁଖଙ୍କ ସହିତ ସହସ୍ରାଧିକ ବିଜେଡି ଯୁବଛାତ୍ର କର୍ମୀ ଯୋଗଦେଇ ଥିଲେ  ।  ଉକ୍ତ  ସଭା ସ୍ଥଳକୁ ଯିବା ସମୟରେ  ମହିଳା ଓ ଯୁବ ଗୋଷ୍ଠୀ ମାନେ ବାଣ, ବାଜା ଓ ଶଙ୍ଖ ବଜାଇ ହୁଳହୁଳି ଓ ଫୁଲମାଲ ଦେଇ ଏକ ପଟୁଆରେ ବିଜେଡିର ବିଧାୟକ ପ୍ରାଥୀ  ସଞ୍ଜୟ କୁମାର ଦାସବର୍ମାଙ୍କୁପାଛୋଟି ନେଇଥିଲେ । ଶେଷରେ ସାଂସଦ ପ୍ରାର୍ଥୀ ଶ୍ରୀ ଅରୁପ ପଟ୍ଟନାୟ କରିଥିଲେ ଯୋଡ଼ି ଶଙ୍ଖ ରେ ଭୋଟ ଦେଇ ଷଷ୍ଠ ଥର ମୁଖ୍ୟମନ୍ତ୍ରୀ ହେବା ସହ ମୁଁ ଆପଣଙ୍କ ସେବା କରିବାର ସୁଯୋଗ ଦେବାପାଇଁ ଅନୁରୋଧ କରିଥିଲେ। ଶେଷରେ ପୂର୍ବତନ ସମିତି ସଭ୍ୟ ପ୍ରଶାନ୍ତ ମହାପାତ୍ର ଧନ୍ୟବାଦ ଦେଇଥିଲେ।    ସେହିପରି ବୀରରାମଚନ୍ଦ୍ରପୁର ପଞ୍ଚାୟତ ର କୋଶଳେଶ୍ୱର ମହାଦେବଙ୍କ ପଡ଼ିଆରେ କର୍ମୀ ସମାବେଶ ଅନୁଷ୍ଠିତ ହୋଇଯାଇଛି। ସାକ୍ଷୀଗୋପାଳ ରୁ ଧୀରେନ୍ଦ୍ର ସେନାପତି ଙ୍କ ରିପୋର୍ଟ,୨୭/୪/୨୦୨୪---୯,୫୫ Sakhigopal News,27/4/2024