ସି-ଭିଜିଲ ଆପକୁ ଅଧିକରୁ ଅଧିକ ବ୍ୟବହାର କରିବା ପାଇଁ ଜନସଚେତନତା

 

ସାକ୍ଷୀଗୋପାଳ--- ଗଣତନ୍ତ୍ରର ମହାପର୍ବ ପାଖେଇ ଆସୁଛି । ନିର୍ବାଚନକୁ  ସ୍ୱଚ୍ଛ ଓ ନିରପେକ୍ଷତା କରିବା ପାଇଁ ବିଭିନ୍ନ ସଚେତନତା କାର୍ଯ୍ୟକ୍ରମ କରାଯାଉଛି । ଏହି ଅବସରରେ ଆସୋସିଏସନ ଅଫ ଟୁଇଟର ଆକ୍ଟିଭିଷ୍ଟସର ପକ୍ଷରୁ ସତ୍ୟବାଦୀ ବ୍ଳକର ବରାଳ ବାଲୁଙ୍କେଶ୍ୱର ମହାଦେବଙ୍କ ମନ୍ଦିର ଓ ସାକ୍ଷୀଗୋପିନାଥ ଦେବଙ୍କ ମନ୍ଦିର ନିକଟରେ ଏକ ଯୁବ ଭୋଟର ମାନଙ୍କୁ ସଚେତନତା କରାଯାଇଛି । ବରାଳ ବାଲୁଙ୍କେଶ୍ୱରଙ୍କ ପୀଠରେ ଅନୁଷ୍ଠାନର ସଦସ୍ୟ ସନ୍ଦୀପ ମହାପାତ୍ରଙ୍କ ପ୍ରଚେଷ୍ଟାରେ ଜନସଚେତନତା କରାଯାଇଥିଲା । ଏଥିରେ ମହେଶ୍ୱର ମହାପତ୍ର,ପିଲୁ ମହାପାତ୍ର, ସୂର୍ଯ୍ୟକାନ୍ତ ମହାପାତ୍ର, ବିଜୟ ମହାପାତ୍ର, ପ୍ରଭଞ୍ଜନ ମହାପାତ୍ର ଓବାବୁଲା ମହାପାତ୍ରଙ୍କ ସହିତ ଅନ୍ୟ ମାନେ ଯୋଗଦେଇଥିଷଲ । ପୁରୀ ଜିଲ୍ଲାର ଟୁଇଟର କ୍ଳବର ସଦସ୍ୟ ବିପିନି କୁମାର ମହାନ୍ତି ଓ ଦୀପକ ପ୍ରଧାନ ଯୋଗ ଦେଇ ଏହି ଆପ କ’ଣ ଏହାକୁ କିପରି ବ୍ୟବହାର କରାଯାଇ ପାରିବ, ଏହି ଆପର ଉଦ୍ଦ୍ୟେଶ କ’ଣ ଓ ଆପ ମାଧ୍ୟମରେ ଅଭିଯୋଗ କରିବା ପରେ କିପରି ଆପଣ ମାନଙ୍କୁ ଉତ୍ତର ମିଳିବ ସେ ସମ୍ପର୍କରେ ଜନସଚେତନତା କରାଯାଇଥିଲା । ସେହିପରି ସାକ୍ଷୀଗୋପାଳ ମନ୍ଦିର ନିକଟରେ ଟୁଇଟର କ୍ଳବ୍ ର ସଂଯୋଜକ ବିଶ୍ୱଜିତି ପଟ୍ଟନାୟକଙ୍କ ସହଯୋଗରେ ଏକ ସଚେତନତା କାର୍ଯ୍ୟକ୍ରମରେ ସତ୍ୟବାଦି ଦାଶ, ବ୍ୟବସାୟୀ କୃପାନିଧି ପରିଡା, ସାମ୍ବାଦିକ ଧିରେନ୍ଦ୍ର ସେନାପତି, ଆଲୋକ ଖୁଣ୍ଠିଆ, ରାଜକିଶୋର ସେନାପତି, ତ୍ରିନାଥ ବାରିକ, ଦେବାଶିଷ ମିଶ୍ର ସେବାୟତ ପ୍ରମୁଖ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୨/୪/୨୦୨୪---୪.୧୦    Sakhigopal News,22/4/2024