୩୦ ଗ୍ରାମ ବ୍ରାଉନ୍ ସୁଗାର ଜବତ ; ୩ ବେପାରି ଗିରଫ

 

ଜଟଣୀ : ଜଟଣୀ ଥାନାଧିକାରୀ ସୌମ୍ୟକାନ୍ତ ବଳିଆରସିଂହ ଏକ ବିଶ୍ୱସ୍ତ ସୂତ୍ରରୁ ଖବର ପାଇଥିଲେ ସେ କୁଦିଆରି ବଜାର ପାଖ ଏଫସିଆଇ ଗୋଦାମ ନିକଟରେ ସାବୀର ଅଲ୍ଲୀ, ଜାମିର ଖାନ ଏବଂ ମହମ୍ମଦ ରାଜୁ ନାମକ ୩ ଜଣ ଯୁବକ ଏକ ୟାମାହା ମୋଟର ସାଇକେଲ ଉପରେ ବସି ବ୍ରାଉନ ସୁଗାର ବିକ୍ରି କରୁଛନ୍ତି l ଏହି ସୂଚନା ପାଇବା ପରେ ଆଇଆଇସି  ତଥ୍ୟର ସତ୍ୟତା ଯାଞ୍ଚ କରିବା ପାଇଁ ପୋଲିସ ଟିମକୁ ପଠାଇ ସେହି ନିଶା ବେପାରୀ ମାନଙ୍କୁ ଧରିବାରେ ସଫଳ ହୋଇଥିଲେ | ପୁଲିସ ସେମାନଙ୍କ ନିକଟରୁ ୩୦ ଗ୍ରାମର ବ୍ରାଉନ ସୁଗାର, ନଗଦ ୮୫୦ ଟଙ୍କା, ୨ ଟି ମୋବାଇଲ ଫୋନ ଏବଂ ୨ ଟି ଗାଡ଼ି ଜବତ କରିଥିଲେ l ଜେରା ବେଳେ ସେମାନେ ପ୍ରକାଶ କରିଥିଲେ ଯେ ସେମାନେ ବାଲେଶ୍ୱର ପାର୍ଶ୍ୱରୁ ବ୍ରାଉନ୍ ସୁଗାର କିଣୁଛନ୍ତି ଏବଂ ବ୍ୟକ୍ତିଗତ ଲାଭ ପାଇଁ ଯୁବକ ମାନଙ୍କୁ ବିକ୍ରି କରୁଛନ୍ତି। କିନ୍ତୁ ସେମାନେ ଯେଉଁ ବ୍ରାଉନ୍ ସୁଗାର ଭେଣ୍ଡର କି ଅଭିଯୁକ୍ତଙ୍କ ନିକଟରୁ ବ୍ରାଉନ୍ ସୁଗାର ଆଣୁଛନ୍ତି ସେମାନଙ୍କ ନାମ ପ୍ରକାଶ କରିନଥିଲେ l ଏହି ଅଭିଯୁକ୍ତ ମାନେ ହେଲେ ଯଥାକ୍ରମେ ପିପିଲି ଜୟପୁର କିଲ୍ଲା ଅଞ୍ଚଳରେ ରହୁଥିବା ବାଲିପାଟଣା ଥାନା ଏରିଆର ମୁକୁନ୍ଦଦାସପୁରର ର ସାବୀର ଅଲ୍ଲୀ ଖାନ ଓରଫ ସାବୀର (୪୦), ରଥିପୁର ବଡ଼ ମସଜିଦ୍ ସାହିର ଜାମିର ଖାନ ଓରଫ ଜାମିର (୩୦) ଏବଂ ରଥିପୁର ଟାଙ୍ଗୀ ସାହିର ମହମ୍ମଦ ରାଜୁ ଓରଫ ରାଜୁ (୨୮) l ପୁଲିସ ସେମାନଙ୍କର ବିରୁଦ୍ଧରେ ୧୫୭/୨୪ ରେ ଏକ ମାମଲା ରୁଜୁ କରିବା ସହିତ କୋର୍ଟ୍ ଚାଲାଣ କରିଥିବା ଜଣାପଡ଼ିଛି l ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୦/୪/୨୦୨୪----୮,୨୦ Sakhigopal News,10/4/2024