ପଦ୍ମଶ୍ରୀ ଡକ୍ଟର ରଜତ କୁମାର କରଙ୍କ ବିୟୋଗରେ ଶୋକସଭା

Mourning for the death of Padma Shri Dr. Rajat Kumar Kar.

ଭଞ୍ଜନଗର -- ସ୍ଥାନୀୟ ନାୟକ ଭବନଠାରେ  ଭଞ୍ଜ ଗବେଷକ ବାଗ୍ମୀ ଜଗନ୍ନାଥ ସଂସ୍କୃତିର ଗବେଷକ ତଥା ପ୍ରଚାରକ ଓଡିଆ ସାହିତ୍ୟର ଅନ୍ୟତମ ମୂର୍ଦ୍ଧନ୍ୟ ଉଚ୍ଚକୋଟୀର ପ୍ରଶାସକଙ୍କ ଅକାଳ ବିୟୋଗରେ ଏକ ଶୋକସଭା ବରିଷ୍ଠ ନାଗରିକ ମଞ୍ଚ ତରଫରୁ ଅନୁଷ୍ଠିତ ହୋଇଯାଇଛି । ମଞ୍ଚର ସଭାପତି  ସୋମନାଥ ନାୟକଙ୍କ ସଭାପତିତ୍ବ ରେ ଅନୁଷ୍ଠିତ ଏହି ଶୋକସଭାରେ ଉପଦେଷ୍ଟା ଡକ୍ଟର କମ୍ବୁପାଣି ସାମନ୍ତ ମୁଖ୍ୟ ଅତିଥି, ଦିଲ୍ଲୀ ବିଶ୍ବବିଦ୍ୟାଳୟ ପ୍ରାକ୍ତନ ପ୍ରଫେସର ପୃଥ୍ବୀରାଜ ପ୍ରତାପ ସିଂ ମୁଖ୍ୟବକ୍ତା ଓ ପ୍ରାକ୍ତନ ଅଧ୍ୟକ୍ଷ  ଶିବରାମ ପଣ୍ଡା ସମ୍ମାନିତ ଅତିଥିଭାବେ ଯୋଗ ଦେଇଥିଲେ । ଅନ୍ୟମାନଙ୍କ ଭିତରେ ଉପ-ସଭାପତି ବାଳକୃଷ୍ଣ ବେହେରା, ସମ୍ପାଦକ ରବୀନ୍ଦ୍ର ଆଚାର୍ଯ୍ୟ, କାର୍ଯ୍ୟକାରୀ ସଦସ୍ୟ ଲଡୁକିଶୋର ପ୍ରଧାନ, ନୀଳମଣି ବେହେରା, ହରିକୃଷ୍ଣ ସାହୁ, ଜଗଦୀଶ ପାଣିଗ୍ରାହୀ ଓ ଜଗନ୍ନାଥ ତ୍ରିପାଠୀ ପ୍ରମୁଖ ଯୋଗଦେଇ ଗଭୀର ଶ୍ରଦ୍ଧାଞ୍ଜଳି ଜଣାଇବା ସାଙ୍ଗକୁ ନିଜ ନିଜ ବକ୍ତବ୍ୟରେ ସ୍ଵର୍ଗତ ରଜତକୁମାରଙ୍କ ଯଶୋଗାନ କରିଥିଲେ । ତାଙ୍କର ସ୍ଥାନ ଅପୂରଣୀୟ ବୋଲି ମତ ପ୍ରକାଶ ପାଇଥିଲା । ମୁଖ୍ୟଅତିଥି ଶ୍ରୀ ସାମନ୍ତ ତାଙ୍କ ରଚିତ ଭଞ୍ଜ ସୂକ୍ତ ଉପରେ ସ୍ବର୍ଗତ କରଙ୍କ ଅଭିମତ ଯାହା ଗତ ୨୪.୦୪.୨୦୨୨ ତାରିଖରେ ଭିଡିଓ ରେକର୍ଡିଙ୍ଗ ହୋଇଛି ତାହା ପରିବେଷଣ କରି ସ୍ଵର୍ଗତ କରଙ୍କ ଶେଷ କଣ୍ଠସ୍ଵର ଧ୍ଵନିକୁ ପ୍ରତିଧ୍ଵନିତ କରିଥିଲେ । ଶୋକ ସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଥିଲେ । ସମ୍ପାଦକ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ। ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧୦/୫/୨୦୨୨---୫,୦୫   Sakhigopal News,10/5/2022