ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ରିଲିଫ ଫଣ୍ଡଙ୍କୁ ଟଙ୍କା ଦାନ

  ପୁରୀ ----ସମଗ୍ର ବିଶ୍ଵରେ କରୋନାକୁ ନେଇ ଲୋକମାନେ ଆତଙ୍କିତ ଅବସ୍ଥାରେ ରହିଛନ୍ତି । ସଚେତନ ହେଲେ ଏହାକୁ ଦୁରେଇ ଦେଇ ପାରିବା ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକମାନଙ୍କୁ ଅନୁରୋଧ କରିଥିବାବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକମାନଙ୍କ  ସହଯୋଗ କାମନା କରିଛନ୍ତି।କରୋନା ସାରା ବିଶ୍ୱରେ ତାର ମୃତ୍ୟୁର ତାଣ୍ଡବଲୀଳା ଜାରି ରଖିଛି । ବିଶ୍ୱବାସୀଙ୍କ ନିଦ ହଜାଇଛି ଏହି ଘାତକ କରୋନା ଭାଇରସ । ସେଥିପାଇଁ ପୁରା ଦେଶକୁ ଲକ ଡାଉନ ଘୋଷଣା କରାଯାଇଛି । ରାଜ୍ୟ ସରକାର ଏହି କରୋନା ଭାଇରସକୁ ପ୍ରତିରୋଧ କରିବା ପାଇଁ ଉଦ୍ୟମ ଜାରି ରଖିଛନ୍ତି । ମହାମାରୀ କରୋନା ପାଇଁ ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ମୁଖ୍ୟମନ୍ତ୍ରୀଙ୍କ ପର୍ଯ୍ୟନ୍ତ ସମସ୍ତେ ଲୋକମାନଙ୍କୁ ସହାୟତାର ହାତ ବଢ଼ାଇବା ପାଇଁ କହିଛନ୍ତି ।  ବିଭିନ୍ନ ଦଳର ରାଜନେତା ଏବଂ କେତେକ ବଦାନ୍ୟ ବ୍ୟକ୍ତି ଜିଲ୍ଲାପାଳ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ରିଲିଫ ଫଣ୍ଡ ଙ୍କୁ ଟଙ୍କା ଦାନ କରିଛନ୍ତି। ଜାନଭି ସ୍ୱାଇଁ ନାମକ ଜଣେ ମହିଳା ଏକ ଲକ୍ଷ ଟଙ୍କା , ଜିଲା ପରିଷଦ ଅଧ୍ୟକ୍ଷ ଜ୍ୟୋତିର୍ମୟୀ ଦଳାଇ ୨୨ ହଜାର୫ ୦୦ ଟଙ୍କା , ସାମାଜିକ ଗଣମାଧ୍ୟମ ଏକ ଗ୍ରୁପ ଆପଣଙ୍କ ଖବର ଏକ ଲକ୍ଷ ଟଙ୍କା , ଉଦୀପ୍ତ କୁମାର ସାହୁ ୨୦ ହଜାର ଓ ପ୍ରଧାନମନ୍ତ୍ରୀ ରିଲିଫ ଫଣ୍ଡ କୁ ୩୦ ହଜାର ଟଙ୍କା ସେ ପ୍ରଦାନ କରିଛନ୍ତି। 

ପୁରୀ ରୁ ଜୟନ୍ତ କୁମାର ସେଠୀ