ସତ୍ୟବାଦୀରେ ପାଞ୍ଚଗୋଟି ସମବାୟ ସମିତିରେ ନିର୍ବାଚନ ଶାନ୍ତି ଶୃଙ୍ଖଳାରେ ଶେଷ

Elections in five co-operative societies in Satyavadi ended in peace

ସାକ୍ଷୀଗୋପାଳ----- ସତ୍ୟବାଦୀ ବ୍ଳକରେ ୧୬ ଗୋଟି ସମବାୟ ସମିତି ରହିଛି । ବହୁ ଦିନ ପରେ ରାଜ୍ୟ ସରକାରଙ୍କ ଘୋଷଣା ଅନୁଯାୟୀ ସମବାୟ ସମିତି ଗୁଡିକ ପରିଚାଳନା କରିବା ପାଇଁ  ନିର୍ବାଚନ କରାଯାଉଛି । ଏହି ଅବସରରେ ସତ୍ୟବାଦୀରେ ରବିବାର ଦିନ ବିଶ୍ୱନାଥପୁର, ମୂଳଅଳସା, ନୂଆସୋମେଶ୍ୱରପୁର, ସାଣ୍ଢରା ଓ ଦାସବିଦ୍ୟାଧରପୁର ସମବାୟ ସମିତିରେ ଶାନ୍ତି ଶୃଙ୍ଖଳାରେ ନିର୍ବାଚନ ସରିଛି । ଉପନିବନ୍ଦକ ସମବାୟ ସମିତି ସମୂହ ତଥା ଜିଲ୍ଲା ନିର୍ବାଚନ ଅଧିକାରୀ ଭୀମସେନ ସାହୁ , ସତ୍ୟବାଦୀ ବ୍ଳକସମବାୟ ସମ୍ପସାରଣ ଅଧିକାରୀ  କମଳ କୁମାର ଆଚାର୍ଯ୍ୟ ସତ୍ୟବାଦୀର ବିଭିନ୍ନ ବୁଥ ରେ ଚାଳିଥିବା ନିର୍ବାଚନ ତଦାରଖ କରିଥିଲେ ।  ଶାନ୍ତି ଶୃଙ୍ଖଳା ସହିତ ନିର୍ବାଚନ ଶେଷ ହୋଇଥିବା ସତ୍ୟବାଦୀ ଥାନା ଆଇଆଇସି ବିଜୟ କେତନ ବେହେରାଙ୍କ ଠାରୁ ସୁଚନା ମିଳିଛି । 

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୧୯/୬/୨୦୨୨---୪.୪୦ 

  Sakhigopal News, 19/6/2022