ଚାଷୀ ଓ ବ୍ୟବସାୟୀ ମାନଙ୍କୁ ଭଚ୍ୟୁଆଲ ମାଧ୍ୟମରେ ଇ-ନାମ ପ୍ରଶିକ୍ଷଣ

E-name training for farmers and traders through virtual

ସାକ୍ଷୀଗୋପାଳ---- ସାକ୍ଷୀଗୋପାଳନିୟନ୍ତ୍ରିତ ବଜାର କମିଟିର ସଭାଗୃହ ପରିସରରେ ଭଚ୍ୟୁଆଲ ମାଧ୍ୟମରେ ଇ-ନାମ ଜରିଆରେ ବ୍ୟବସାୟୀ ଓ ଚାଷୀଙ୍କୁ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହି ପ୍ରଶିକ୍ଷଣ ଶିବିରରେ ଛୋଟ ବଡ ୭୪ ଜଣ ବିଭିନ୍ନ ବର୍ଗର ବ୍ୟବସାୟୀ ,ଚାଷୀ ଓ ମହିଳା ଗୋଷ୍ଠୀର ସଦସ୍ୟ ମାନେ ଯୋଗ ଦେଇଥିଲେ । ସାକ୍ଷୀଗୋପାଳ ନିୟନ୍ତ୍ରିତ ବଜାର କମିଟିର ହିସାବ ନୀରିକ୍ଷକ ଜଗତଜ୍ୟୋତି ସାହୁ ପ୍ରାରମ୍ଭିକ ସୁଚନା ଦେଇଥିଲେ । ସାକ୍ଷୀଗୋପାଳ ନିୟନ୍ତ୍ରିତ ବଜାର କମିଟିର ସମ୍ପାଦକ କମଳ କୁମାର ଆଚାର୍ଯ୍ୟ ଉପସ୍ଥିତ ଥିବା ଚାଷୀ ଓ ବ୍ୟବସାୟୀ ମାନଙ୍କୁ କହିଥିଲେ ଇ-ନାମ ବଜାରରେ ଜଣେ ଚାଷୀ ବା ବ୍ୟବସାୟୀ କିପରି ଗୋଟିଏ ଯାଗାରେ ବସି ନିଜର ବ୍ୟବସାୟ ବଡାଇବା ସହ ଅନ୍ୟ ରାଜ୍ୟର ବେପାରୀ ମାନଙ୍କ ସହିତ ଯୋଡି ହୋଇ ପାରିବ । ସେହିପରି ଜଣେ ଚାଷୀ ତାର ଉତ୍ପାଦନ କରୁଥିବା ଫସଲ ବା ସାମଗୀକୁ ଇ-ନାମ ମାଧ୍ୟମରେ ନିଜର ଜିନିଷ ବିକ୍ରୟ କରିବା ସହିତ କିଣି ମଧ୍ୟ ପାରିବ ସେ ସମ୍ପର୍କରେ ବୁଝାଇଥିଲେ । ସାକ୍ଷୀଗୋପାଳ ନିୟନ୍ତ୍ରିତ ବଜାର କମିଟିର ଅନ୍ୟ କର୍ମଚାରୀ ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ସୁରେନ୍ଦ୍ର କୁମାର ଦତ୍ତ ଧନ୍ୟବାଦ ଦେଇଥିଲେ ।