ଭକ୍ତ ଓ ଭଗବାନଙ୍କ ଅପୂର୍ବ ମିଳନରେ ରୋକ ଲଗାଇଲା କରୋନା; ହରିରାଜପୁର ମେଳଣ ପଡିଆରେ ୧୪୪ ଜାରି

 ଡେଲାଙ୍ଗ  -----  ଓଡିଶା ପ୍ରସିଦ୍ଦ ହରିରାଜପୁର ପଞ୍ଚୁଦୋଳ ମେଳଣ ଆଜି ରାତିରେ ଜମାଣ । ଏଠାରେ ଏତେ ପରିମାଣର ଲୋକ ଏକାଠି ହେଉଥିବାରୁ କରୋନା ଭୟ ସମସ୍ତଙ୍କୁ ଘାରିଛି । ସେଥିଯୋଗୁ ଜିଲ୍ଲା  ପ୍ରଶାସନ ପକ୍ଷରୁ ମେଳଣ ପଡିଆରେ  ୧୪୪ ଧାରା ଜାରି କରାଯାଇଛି । ଦୁତୀୟ ପର୍ଯ୍ୟାୟ କରୋନା ଯୋଗୁ ଲୋକମାନଙ୍କୁ ସଚେତନତା କରାଯାଉଛି ।  ଏହି ମେଳଣର ମୁଖ୍ୟ ଆକର୍ଷଣ ହେଉଛି ଆତସବାଜି ପ୍ରଦର୍ଶନୀ । ବିଭିନ୍ନ ବାଣୁଆ ମାନେ ସେମାନଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ବାଣ ଓ ବିଭିନ୍ନ ମାନସିକ ବାଣ ଏଠାରେ ମରାଯାଇଥାଏ । ଠାକୁରଙ୍କ ଜମିଲା ମେଳଣ ଦିନ ଆତସବାଜି ପ୍ରଦର୍ଶନୀ ଓ ଠାକୁରଙ୍କର ସଲଟଣ ଯିଏ ଥରେ ଦେଖିଛି ସେ ଜୀବନ ଥିବା ପର୍ଯ୍ୟନ୍ତ ଭୁଲି ପାରି ନାହାନ୍ତି  । ମାତ୍ର କରୋନା ଯୋଗୁ ସବୁ ଠପ ହୋଇଯାଇଛି । ପୋଲିସ ବାହିନୀ ଏଠାରେ ସଜାଗ ରହିବା ସହ ଜିଲ୍ଲା ପ୍ରଶାସନ ପକ୍ଷରୁ ଡେଲାଙ୍ଗ ତହସିଲଦାର ମାଜେିଷ୍ଟେଟ ଦାୟତ୍ୱରେ ରହିଛନ୍ତି । ପୁରୀ ଜିଲ୍ଲାପାଳଙ୍କ ନିର୍ଦ୍ଦେଶ ଅନୁସାରେ ମେଳଣ କରାଯିବ କେବଳ ଠାକୁରଙ୍କ ବିମାନ ଆସିବ ମା୍‌ତ୍ର ବାଣ ଫୁଟିବ ନାହିଁ କି ଲୋକଙ୍କର ଗହଳି ହେବ ନାହିଁ । ସେହିପରି ମେଳଣ ପଡିଆରେ ୫ଜଣରୁ ଅଧିକ ଲୋକ ଜମା ହୋଇ ପାରିବେ ନାହିଁ । ଦେକାନ ବଜାର ଖୋଲିବ ନାହିଁ ବୋଲି ପ୍ରଶାସନ ପକ୍ଷରୁ ଆଗରୁ ଜଣାଇ ଦିଆଯାଇଛି ।  ଏହି ପ୍ରସିଦ୍ଦ ମେଳଣ ପଡିଆ ପିପିଲି -ଜଟଣୀ ରାସ୍ତାର ପିପିଲି ଠାରୁ ୧୦ କି.ମି , ଜଟଣୀ ଠାରୁ ୪ କିମ.ି ଓ ଭୁବନେଶ୍ୱର ଠାରୁ କପିଳପ୍ରସାଦ ରାସ୍ତାରେ ଆସିଲେ ୧୫ କି.ମି ଆସିଲେ ଏହିପ୍ରସିଦ୍ଦ ମେଳଣ ପଡିଆ ଦଣ୍ଡାୟମାନ । ଗଜପତି ନରସିଂହ ଦେବଙ୍କ ଶାସନ ସମୟରେ ୧୬୩୭ ଖୀଷ୍ଟାର୍ଦ୍ଧ ସମୟରୁ ଏହି ଐତିହାସିକ ମେଳଣ ଅନୁଷ୍ଠିତ ହୋଇ ଆସୁଥିବା ଲୋକମୁଖରୁ ଶୁଣିବାକୁ ମିଳେ ।  ମେଳଣ ପଡିଆଟିର ପରିସୀମା ୮୦ ଏକର ।  ମନ୍ଦିରରେ ସମସ୍ତ ଦେବନୀତି ସମାପନ ପରେ ମେଳଣ ର  ସ୍ଥାନାଧିପତି ପ୍ରଭୁ ପଶ୍ଚମିାଶମ୍ଭୁ ସେମାନାଥ ଦେବ, ପ୍ରଭୁ ଗୋପାଳଜୀଉ ଓ ବାଳମୁକୁନ୍ଦଦେବଙ୍କ ସହ ମିଶି ଏକ ସୁସଜ୍ଜିତ ବିମାନରେ  ମନ୍ଦିରରୁ ପଶ୍ଚିମ ଦ୍ୱାର ପଟେ ବାହାରିଥାଆନ୍ତି । ମନ୍ଦିର ଠାରୁ ଏକ ବିରାଟ ପଟୁଆରରେ ମେଳଣ ପଡିଆକୁ ଯାତ୍ରା କରିଥିଲେ । ମେଳଣର ମୁଖ୍ୟ ଆର୍କଷଣ ହୋଉଛି ଗୋପାଳଜୀଉ ଓ ବାଳମୁକୁନ୍ଦଦେବ, ଶ୍ରୀ ପଶ୍ଚିମାଶମ୍ଭୁ ସୋମନାଥ ଦେବଙ୍କ ସୁସଜ୍ଜିତ ବିମାନ ସହିତ ସଲଟନ ପ୍ରଦର୍ଶନ ।  ଏ ବର୍ଷ ସବୁ ବନ୍ଦ ରହିଛି ।   ସେହିପରି ରାଜାଙ୍କ ଦ୍ୱାରା ପ୍ରତିଷ୍ଠିତ ଦେବ ବିଗ୍ରହ ବୁଢାପଦାର ସୋମନାଥଦେବ, ଛଣଘରର ଗତିଶ୍ୱେରଦେବ, କନ୍ତିଆ ଗ୍ରାମର ବାଲୁଙ୍କେଶ୍ୱରଦେବ ଓ ଟାଙ୍ଗିଭଁସର ଗ୍ରାମର ନୀଳକଣ୍ଠେଶ୍ୱର ଦେବଏହି ମେଳଣରେ ଅଂଶଗ୍ରହଣ କରିଥିଲେ ।  ବିଭିନ୍ନ ଗ୍ରାମ ମାନଙ୍କରୁ ଏ ବର୍ଷ ପ୍ରାୟ ୭୮ଟି ବିମାନଏହି ମେଳଣରେ ଅଂଶଗ୍ରହଣ କରିଥିଲେ ।  ମେଳଣ ପଡିଆ ମଧ୍ୟରେ  ମେଳଣ ପରିଚାଳନା ପରିଷଦ , ଉତ୍କଳ ଗୌରବ ଯୁବ ସଂଗଠନ, ପଶ୍ଚିମାଶମ୍ଭୁ ଯୁବ ସଂଗଠନ, ସୋମନାଥ ଦେବ ୟୁଥକ୍ଳବ, ପଶ୍ଚିମାଶମ୍ଭୁ ପଞ୍ଚୁଦୋଳ କ୍ଳବ, ସୋମନାଥ ଦେବ ଦୋଳ ନିର୍ମାଣ ଓ କୁଞ୍ଜ ନିର୍ମାଣ ସମିତି, ଗଜପତି ବାସନ୍ତୀ କ୍ଳବ ଓ ହରିରାଜପୁର ଗ୍ରାମ ବାସୀଙ୍କ ସମେତ ବିଭିନ୍ନ ସଂଗଠନ ପକ୍ଷରୁ ବ୍ୟାପକ ସଂସ୍କୃତିକ କାର୍ଯ୍ୟକ୍ରମ ପରିବେଷଣ ପ୍ରତିବର୍ଷ କରିଆସୁଥିଲେ । ମାତ୍ର ଏବର୍ଷ କରୋନା ଯୋଗୁ ସବୁ ବନ୍ଦ ରହିଛି ବୋଲି ଡେଲାଙ୍ଗ ତହସିଲଦାର ମହେନ୍ଦ୍ର ବଡାଇ କହନ୍ତି ।  କହିବାକୁ ଗଲେ ଏ ବର୍ଷ ହରିରାଜପୁର ମେଳଣ କରୋନା ଯୋଗୁ ଫିକା ପଡିଗଲା ।

 ଡେଲାଙ୍ଗରୁ ଧୀରେନ୍ଦ୍ର ସେନାପତି, ୨/୪/୨୨୧------୮,୧୫