ପାଣିରୁ ବାହାରିଲେ ନନ୍ଦା ଓ ଭଦ୍ରା

  ସାକ୍ଷୀଗୋପାଳ -----ଚନ୍ଦନପେଖରୀ  ପାଣିରେ ବୁଡିକି ରହିଥିବା ନନ୍ଦା ଓ ଭଦ୍ରା ଆଜି ପାଣିରୁ ବାହାରିଛନ୍ତି । ଆସନ୍ତା ମେ ୧୫ ତାରିଖରେ ସାକ୍ଷୀଗୋପିନାଥଙ୍କର ବାହାର ଚନ୍ଦନ ଯାତ୍ରା ଅନୁଷ୍ଠିତ ହେବ ।  ଏହି ଅବସରରେ ପବିତ୍ର ଚନ୍ଦନପୋଖରୀ ଚାପ ଖେଳିବେ ସାକ୍ଷୀଗୋପିନାଥଙ୍କ ଚଳନ୍ତି ପ୍ରତିମା ମଦନମୋହନ । ତେଣୁ ନନ୍ଦା ଓ ଭଦ୍ରା ଚାପ ନିର୍ମାଣ ନିମେନ୍ତ ଚନ୍ଦନପୋଖରୀ ପାଣିରୁ ବାହାର  କରିଛନ୍ତି ଭୋଇ ସେବକ ମାନେ ।  ସେହିପରି ଚନ୍ଦନଯାତ୍ରା ଛାମୁଣ୍ଡିଆ ପାଇଁ  ଖୁଣ୍ଠି ଅନୁକୂଳ ହୋଇଯାଇଛି । ଠାକୁରଙ୍କ ଠାରୁ ଆଜ୍ଞା ମାଳ ଆସିବା ପରେ ଭୋଇ ସେବକ ମାନେ ନଡିଆ ବାଡେଇ ଖୁଣ୍ଠି ଅନୁକୂଳ କରିଥିଲେ । ଡଙ୍ଗା ଶୁଖିବା ପରେ ରଙ୍ଗ ଓ ମରାମତି କରାଯିବା ସହ ଠାକୁର ଚାପ ଖେଳିବା ପାଇଁ ସ୍ୱତନ୍ତ୍ର ଭାବେ ନନ୍ଦା ଓ ଭଦ୍ରାକୁ ଯୋଡାଯାଇ ସୁସଜ୍ଜିତ କରାଯିବା ପରେ ଠାକୁର ବସିକି ଚାପ ଖେଳିବେ  । 

 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୮/୪/୨୦୨୧