ଘୋରଡିଆର ବାରବାଟିରେ ୩୯ତମ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ
ଡେଲାଙ୍ଗ----- ଡେଲାଙ୍ଗ ବ୍ଳକ ଅନ୍ତର୍ଗତ ସାଉରିଆ ଗ୍ରାମ ପଞ୍ଚାୟତର ଘୋରଡିଆ ଗ୍ରାମରେ ଥିବା ବାରବାଟି ଯଜ୍ଞାଶ୍ରମ ପୀଠରେ ୩୯ତମ ବିଶ୍ୱଶାନ୍ତି ମହାଯଜ୍ଞ ଆରମ୍ଭ ହୋଇଛି । ପ୍ରଥମ ଦିବସରେ କଳସ ଯାତ୍ରା ବିଧି ଅନୁସାରେ କରାଯାଇଥିଲା । ଯଜ୍ଞାପୀଠର ତତ୍ୱାବଧାରକ ମହେନ୍ଦ୍ର ଶ୍ରୀଚନ୍ଦନନଙ୍କ ନେତୃତ୍୍ୟରେ ଯଜ୍ଞ ପରିଚାଳନାକମିଟିର ସହଯୋଗରେ ୨୫ଜଣ ବ୍ରତୀ ଓଉପଡା ସ୍ଥିତ ପଦ୍ମ ପୁଷ୍ପରଣୀରୁ ଘଟ ବୁଡାଇଥିଲେ । ନାମ ସଂକୀର୍ତ୍ତନ କରାଯାଇ ଗ୍ରାମ ପରିକ୍ରମା କରିବା ପରେ ଯଜ୍ଞମଣ୍ଡପରେ ଘଟ ସ୍ଥାପନ କରାଯାଇଥିଲା । ମୁଖ୍ୟ ପୁରୋଧା ମୃତ୍ୟୁଞ୍ଜୟ ମିଶ୍ର ଓ ସାଥୀ ମାନଙ୍କ ସହଯୋଗରେ ସୂର୍ଯ୍ୟପୂଜା, ଯଜ୍ଞମଣ୍ଡପ ପୂଜା, ସର୍ବ ଦେବାଦେବୀ ଆବାହନ, ଅଗ୍ନିସ୍ଥାପନ କରାଯାଇଥିଲା । ଯଜ୍ଞରେ କର୍ତ୍ତା ଓ କର୍ତ୍ତି ଭାବେ ଦିଲ୍ଲୀପ କୁମାର ବଳିୟାରସିଂହ ଓ ବିଜୟଲକ୍ଷ୍ମୀ କାର୍ଯ୍ୟ ତୁଲାଇଥିଲେ । କରୋନା ଗାଇଡି ନିୟମ ମାନି ସମସ୍ତ କାର୍ଯ୍ୟ କରାଯିବ ବୋଲି ଯଜ୍ଞ ପରିଚାଳନା କମିଟି ପକ୍ଷରୁ ସୁଚନା ମିଳିଛି ।
ଡେଲାଙ୍ଗରୁ ଧୀରେନ୍ଦ୍ର ସେନାପତି, ୨୧/୪/୨୦୨୧----୮,୩୫
