ଜୟପୁର ଗ୍ରାମ ପଞ୍ଚାୟତରେ ପିଠା କାର୍ଯ୍ୟକ୍ରମରେ ମହିଳା ଗୋଷ୍ଠୀ ପିଠା ଆଣିଲେ ନାହିଁ

ସାକ୍ଷୀଗୋପାଳ---- ରାଜ୍ୟ ସରକାର ପିଠା କାର୍ଯ୍ୟକ୍ରମର ଶେଷ ପର୍ଯ୍ୟାୟର ଦୁତୀୟ ଦିବସରେ ସତ୍ୟବାଦୀ ବ୍ଳକର ଜୟପୁର ଗ୍ରାମ ପଞ୍ଚାୟତରେ ଅନୁଷ୍ଠିତ ପିଠା କାର୍ଯ୍ୟକ୍ରମରେ ମହିଳା ମାନେ ପିଠା ଆଣିଲେ ନାହିଁ  । ରାଜ୍ୟ ସରକାରଙ୍କ ଲୋକାଭିମୁଖି ପିଠା କାର୍ଯ୍ୟକ୍ରମ ଭାବରେ ଓଡିଶାରେ ସୁନାମ ଅର୍ଜନ କରିଛି । ମାତ୍ର ଜୟପୁର ଗ୍ରାମ ପଞ୍ଚାୟତରେ ମଙ୍ଗଳବାର ଥିଲା ପିଠା କାର୍ଯ୍ୟକ୍ରମ  । ଏଠାରେ  ପିଠା କାର୍ଯ୍ୟକ୍ରମରେ ପିଠା ପ୍ରଦର୍ଶନୀ ହୋଇପାରି ନାହିଁ  ।  ଯାହାକୁ ନେଇ ଯୋଗଦେଇଥିବା ଅତିଥିମାନେ  ଦୁଖଃ ପ୍ରକାଶ କରିଥିଲେ  । ବ୍ଳକ ଅଧ୍ୟକ୍ଷା ସସ୍ମିତା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ସକରାରଙ୍କ ବିଭିନ୍ନ ଜନହିତକର ଯୋଜନା ସମ୍ପର୍କେ ମତ ରଖିଥିଲେ  । ଅନ୍ୟତମ ଅତିଥି ଭାବେ ଯୋଗଦେଇଥିବା ଜିଲ୍ଲା ପରିଷଦ ସଭ୍ୟ ପ୍ରହଲ୍ଲାଦ ଘଟୁଆରୀ ନିଜର ବକ୍ତବ୍ୟ ବେଳେ  ଏତେ କମ ସଂଖ୍ୟାରେ ଲୋକ ମାନେ ଯୋଗଦେଇଥିବା ସହ ପିଠା କାର୍ଯ୍ୟକ୍ରମରେ ପିଠା ପ୍ରଦର୍ଶନୀ ନ ହେବା ସେ ଗଭୀର ଦୁଖଃ ପ୍ରକାଶ କରିବା ସହ ଏଥିପାଇଁ କିଏସେ ଦାୟୀ ପ୍ରଶ୍ନ ଉଠାଇଛନ୍ତି । ସମିତିସଭ୍ୟା ଶୋଭାରାଣୀ ସାହୁ, ମହିଳା ସ୍ୱାସ୍ଥ୍ୟ କର୍ମୀ ଜୟନ୍ତୀ ଡଢ଼ଙ୍ଗୀ, ବ୍ଳକର ଜେଇ ପ୍ରମୋଥା ଦାଶ , ସାମଜିକ କର୍ମୀ ଶଙ୍କର ପ୍ରଧାନ ପ୍ରମୁଖ ଯୋଗଦେଇ ସରକାରଙ୍କ ବିଭିନ୍ନ ଜନ ହିତକର ଯୋଜନା ସମ୍ପର୍କେ ଆଲେକପାତ କରିଥିଲେ  ।  ପଞ୍ଚାୟତର ସରପଞ୍ଚ ବିଶ୍ୱଜିତି ମହାପାତ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ  ।  ଏ ସମ୍ପର୍କରେ ସେ କହନ୍ତି ଆଗରୁ ଯେଉଁ ଦୁଇଟି ପିଠା କାର୍ଯ୍ୟକମ କରାଯାଇଥିଲା ସେଥିରେ ମହିଳା ସଂଗଠନ ଓ ମହିଳା ଗୋଷ୍ଟୀଙ୍କୁ ବ୍ଳକ ପ୍ରଶାସନ ପକ୍ଷରୁ ପିଠା ପ୍ରଦର୍ଶନୀକୁ ପିଠା ଆଣିବା ପାଇଁ କୁହାଯାଇଥାଏ  । ଏଥରକ କ’ଣ ପାଇଁ ଚିଠି କରି ନାହାନ୍ତି ତାହା ମୁଁ ଜାଣି ନାହିଁ  । ମହିଳା ଗୋଷ୍ଠୀଙ୍କୁ ମୁଁ ଡାକିବାରୁ ସେମାନେ କହନ୍ତି ୧୯ ତାରିଖରେ ପିଠା କାର୍ଯ୍ୟକ୍ରମ ଅଛି ଆମକୁ ଆଜି କହିଲେ ଆମେ କିଛି କରି ପାରିବୁ ନାହିଁ ବୋଲି କହିଥିଲେ ବୋଲି ସରପଞ୍ଚ କହନ୍ତି  । ଅନ୍ୟ ପକ୍ଷେ ଜନସାଧାରଣରେ ଆଲେଚନା କରୁଛନ୍ତି  ପିଠା କାର୍ଯ୍ୟକ୍ରମରେ ପିଠା ନାହିଁ ଏଥିପାଇଁ ଦାୟୀ କିଏ ଜିଲ୍ଲାପାଳ,ପିଡ. ବ୍ଳକ ପ୍ରଶାସନ ନା ସ୍ଥାନୀୟ ସରପଞ୍ଚ । ଏଥିରେ ଅଙ୍ଗନୱାଡିର୍କମୀ ଓ ଅଳ୍ପସଂଖ୍ୟାର ଲୋକମାନେ ଯୋଗଦେଇଥିଲେ  । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି