ସତ୍ୟବାଦୀର ବ୍ଳକ ଠାରୁ ଏବେ ପାଦେ ଆଗେଇଛି ଶିକ୍ଷା ବିଭାଗ ; ପ୍ରଧାନ ଶିକ୍ଷୟିତ୍ରୀଙ୍କ ତାଗିଦ ଡ୍ରେସ ଫେରାଅ ନଚେତ ଦୁଇଶହ ଟଙ୍କା ଦିଅ

ସାକ୍ଷୀଗୋପାଳ----  ପୁରୀ ଜିଲ୍ଲାରେ ପ୍ରାଥମିକ ଶିକ୍ଷା ବିଭାଗ ଭୁଷୁଡି ପଡିଛି କହିଲେ ଅତ୍ୟୁକ୍ତି ହେବ ନାହିଁ  । ଶିକ୍ଷା ବିଭାଗର କେଉଁଠି କେଉଁ ନିୟମ ଲାଗୁ ହୋଉଛି ତାହା କହିବା କଷ୍ଟକର ହୋଇପଡିଛି । ସତବାଦୀ ବ୍ଳକରେ ଏବେ ଜଣେ ପ୍ରଧାନ ଶିକ୍ଷୟିତ୍ରୀ  ତିନିମାସ ପରେ ପିଲାଙ୍କୁ ତାଗିଦ କରିଛନ୍ତି ନୂତନ ଡ୍ରେସ ଫେରାଅ ନଚେତ ୨ଶହ ଟଙ୍କା ଦିଅ  ।   ବ୍ଳକ ଶିକ୍ଷା ଅଧିକାରୀଙ୍କ ମନମୁଖୀ କାର୍ଯ୍ୟ ଡ୍ରେସ ଫେରାଇ ଆଣିବାକୁ କହିବା ପରେ ଏବେ ଉତ୍ତେଜନା ପ୍ରକାଶ ପାଇଛି ।  ସୁଚନାଯୋଗ୍ୟ ଯେ  ବଳପୁର ଗ୍ରାମ ପଞ୍ଚାୟତର କୁସୁମେଶ୍ୱର ପ୍ରାଥମିକ ବିଦ୍ୟାଳୟରେ ୧ରୁ ୫ମ ଶ୍ରେଣୀ ରେ ୭୧ ଜଣ ପିଲା ରହିଛନ୍ତି । ପ୍ରଧାନ ଶିକ୍ଷୟତ୍ରୀ ତିନିମାସ ତଳେ ପିଲାଙ୍କୁ ଦୁଇହଳ ଡ୍ରେସ ପ୍ରଦାନ କରିଥିଲେ  । ଏବେ ପିଲା ମାନଙ୍କ ଠାରୁ ହଳେ ଡ୍ରେସ ଫେରାଇ ନେଉଛନ୍ତି । ଯେଉଁ ପିଲା ମାନେ ଡ୍ରେସ ଫେରାଉ ନାହାନ୍ତି ସେମାନଙ୍କ ଠାରୁ ୨ଶହ ଟଙ୍କା ଆଦାୟ କରାଯାଉଛି ବୋଲି ଜଣାପଡିଛି  । ଯାହାକୁ ନେଇ ଗ୍ରାମରେ ଏବେ ଉତ୍ତେଜନା ପ୍ରକାଶ ପାଇଛି  । କେତେକ ପିଲାମାନେ ବିଦ୍ୟାଳୟକୁ ଯିବାକୁ ରାଜି ହେଉନାହାଁନ୍ତି ସେମାନଙ୍କ ପାଖରେ ନାହିଁ ଡ୍ରେସ ନା ୨ଶହ ଟଙ୍କା  ।  ବିଶେଷ କରି ଗରିବ ଶ୍ରେଣୀର ପିଲା ମାନେ ବିଦ୍ୟାଳୟକୁ ଯାଉନାହାନ୍ତି  ।  ଏ ସମ୍ପର୍କରେ ବ୍ଳକ ଶିକ୍ଷା ଅଧିକାରୀଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ  ।  ବିଦ୍ୟାଳୟର ପ୍ରଧାନଶିକ୍ଷୟତ୍ରୀ କହନ୍ତି ଆମକୁ ୪୦ ଜଣ ପିଲାଙ୍କୁ ଡ୍ରେସ ପ୍ରଦାନ କରିବା ପାଇଁ ବ୍ଳକ ଶିକ୍ଷା ଅଧିକାରୀ କାର୍ଯ୍ରାଳୟ ପକ୍ଷରୁ ଅର୍ଥ ପ୍ରଦାନ କରାଯାଇଥିଲା  । ମାତ୍ର ହାତରୁ ପଇସା ଦେଇ ସମସ୍ତଙ୍କ ପାଇଁ ଡ୍ରେସ ଦେଇଥିଲୁ  । ଭାବିଥିଲୁ ପଇସା ଆସିଲେ ତାହା ଭରଣ କରିଦେବୁ  । ମାତ୍ର ତାହା ନ ହେବାରୁ ଡ୍ରେସ ଆଦାୟ କରାଯାଉଛି । ଯେଉଁମାନେ ଡ୍ରେସ ବ୍ୟବହାର କରି ଦେଇଛନ୍ତି ସେମାନେ ଦୁଇଶହ ଟଙ୍କା ପ୍ରଦାନ ଦେବେ ବୋଲି ସେ କହନ୍ତି । ଅନ୍ୟପକ୍ଷେ ଦଳିତ ପିଲାମାନେ ଏଥିରୁ ବାଦ ପଡିନାହାନ୍ତି  । ଜିଲ୍ଲାପାଳ ତଦନ୍ତ କରିବା ପାଇଁ ଅବିଭାବକ ଓ ଗ୍ରାମବାସୀ ମାନେ ଦାବୀ କରିଛନ୍ତି । ଏଥିରେ ଯେଉଁମାନେ ସାମିଲ ଅଛନ୍ତି ସେମାନଙ୍କ ବିରୁଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବୀ କରାଯାଇଛି  । ଅନ୍ୟପକ୍ଷେ ସତ୍ୟବାଦୀରେ ଆଲେଚନା ହୋଉଛି ଇଏ ହୋଉଛି ବିଜେଡି ସରକାରଙ୍କ ସତ୍ୟବାଦୀର ବିକାଶ ପଥେ  । ଗୋଟିଏ ପକ୍ଷେ ରାଜ୍ୟ ସରକାର ପ୍ରଥମିକ ଶିକ୍ଷା ପାଇଁ ଡ୍ରେସ, ଜୋତା , ମଧ୍ୟାହ୍ନ ଭୋଜନ, ସାଇକେଲ, ପାଠ୍ୟ ପୁସ୍ତକ ସବୁ ଦେଉଥିବା ବେଳେ  ବିଦ୍ୟାଳୟରେ ଡ୍ରେସ ଫେରସ୍ତ ନିଆଯାଇଛି ଏବଂ ୨ଶହ ଟଙ୍କା ଆଦାୟ କରାଯାଉଛି ତାହା ବିଜେଡି ସରକାରଙ୍କ  କେଉଁ ନିୟମରେ ଯାଉଛି ତାହା ସତ୍ୟବାଦୀରେ ଆଲେଚନା ହୋଉଥିବା ଜଣାପଡିଛି  । ଦେଖାଯାଉ ବ୍ଳକ ଶିକ୍ଷା ଅଧିକାରୀ, ସିଆରସିସି ଓ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ  କିଏସେ ଦୋଷୀ ନା ବିଦ୍ୟାଳୟର  ଛାତ୍ର ଛାତ୍ରୀ ଦୋଷୀ ତାହା ଜାଣିବା ପାଇଁ  ସତ୍ୟବାଦୀ ଜନସାଧାରଣ ଅପେକ୍ଷା କରିଛନ୍ତି ।
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି