ସତ୍ୟବାଦୀରେ ବିଭିନ୍ନ ସ୍ଥାନରେ ଅଗ୍ନିଉତ୍ସବ ଅନୁଷ୍ଠିତ

 ସାକ୍ଷୀଗୋପାଳ----- ମାଘ ପୂର୍ଣ୍ଣମୀକୁ ଅଗିରା ପୂର୍ଣ୍ଣମୀ ବୋଲି କୁହାଯାଇଥାଏ  । ସତ୍ୟବାଦୀରେ ପୁରପଲ୍ଲୀରେ ଅଗ୍ନିତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ଗ୍ରାମ ମାନଙ୍କ ଠାରୁ ବିଭିନ୍ନ ସ୍ଥାନରେ କାଠ ଓ ନଡା  ଏକାଠି କରି ଗଦାଇ ଅଗ୍ନି ସଂଯୋଗ କରାଯାଇଥାଏ । ବର୍ଷକୁ ଥରେ ଏହି ପର୍ବ ବା  ଅଗ୍ନିଦେବତାଙ୍କୁ ପୂଜା କରିବାର ସୁଯୋଗ ମିଳିଥାଏ  । ସକାଳୁ ସକାଳୁ ବାହ୍ମଣଙ୍କ ଦ୍ୱାରା ଦ୍ୱୀପ, ଧୁପ ଓ ଭୋଗ କରାଯିବା ପରେ ଘିଅ ବଳିତା ଦ୍ୱାରା ଅଗ୍ନିସଂଯୋଗ କରାଯାଇଥାଏ  । ତାପରେ ପରେ ନଡିଆ, ଆଳୁ, ପନିପରିବା ଆଦି ଲୋକମାନେ ପୋଡିଥାନ୍ତି । ସାକ୍ଷୀଗୋପାଳ ମନ୍ଦିର ରାସ୍ତାର ଚନ୍ଦନପୋଖରୀ ଛକରେ ଅଗ୍ନି ଉତ୍ସବ ଅନୁଷ୍ଠିତ ହୋଇ ଆସିଛୁ  । କାହିୃଁ କେଉଁ କାଳରୁ ଏଠାରେ ଅଗ୍ନିଉତ୍ସବ ଅନୁଷ୍ଠିତ ହୋଇଆସୁଛି ।  ସକାଳୁ ମହିଳା ମାନେ ମନ୍ଦିର ଯିବା ସମୟରେ ଅଗ୍ନିଦେବତାଙ୍କୁ  ପୂଜା କରିଥିବାର ଦେଖାଯାଇଥିଲା  । କଥାରେ ଅଛି ଏହି ନିଆଁ ଦେହରେ ବାଜିଲେ ବିଭିନ୍ନ ରୋଗକୁ ମୁକ୍ତ ମିଳିବା ସହ ଏହି ପାଉଁଶ ବିଲ ବା ଫସଲରେ ପକାଇଲେ ରୋଗମୁକ୍ତ ହୋଇଥାଏ  ।
 ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି