ବନ୍ୟପ୍ରାଣୀ ସଂରକ୍ଷଣରେ ଜନ୍ ସହଭାଗିତା ସଂକ୍ରାନ୍ତରେ ବୈଠକ

ଭଞ୍ଜନଗର - ଜଙ୍ଗଲର ସୁରକ୍ଷା ସହିତ, ବନ୍ୟପ୍ରାଣୀଙ୍କ ସୁରକ୍ଷା ଜରୁରୀ । ଆମ ପରିବେଶର ସନ୍ତୁଳନ ପାଇଁ, ଉଭୟଙ୍କ ଆବଶ୍ୟକତା ରହିଛି । ଏଣୁ ଜଙ୍ଗଲ ସୁରକ୍ଷା ରହିଲେ, ମଣିଷ ଏବଂ ଜୀବଜଗତ ତିଷ୍ଠି ରହିବ । ଏଥିପାଇଁ ବନ୍ୟପ୍ରାଣୀ ଙ୍କ ସଂରକ୍ଷଣ ଆବଶ୍ୟକ । ଏ କ୍ଷେତ୍ରରେ ଲୋକଙ୍କର ସହଭାଗୀତା ଜରୁରୀ । ଏହାକୁ ନେଇ ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ପକ୍ଷରୁ ସ୍ଥାନୀୟ ସ୍ଥାୟୀ ଚାରା ଉଦ୍ୟାନ କେନ୍ଦ୍ର ଠାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବନଖଣ୍ଡୀୟ ଅଧିକାରୀ ହିମାଂଶୁ ଶେଖର ମହାନ୍ତି ଙ୍କ ପୈାରହିତ୍ୟରେ ଆୟୋଜିତ ବୈଠକରେ କନ୍ଧମାଳ ସାଂସଦ ସୁକାନ୍ତ କୁମାର ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ କୋର୍ କମିଟି ସଦସ୍ୟ ନୀଳମାଧବ ପାତ୍ର, ନୀଳାଞ୍ଚଳ ଖିଲାର, ଜିଲ୍ଲାପରିଷଦ ସଦସ୍ୟ ସୁଧିର କୁମାର ଜେନା, ପୂର୍ବତନ ଅବୈତନିକ ବନ୍ୟପ୍ରାଣୀ ତତ୍ତ୍ୱାବଧାରକ ସୁରେଶ ଚନ୍ଦ୍ର ସ୍ବାଇଁ ପ୍ରମୁଖ ଅତିଥି ଭାବେ ଯୋଗଦେଇଥିଲେ । ଆୟୋଜିତ କାର୍ଯ୍ୟକ୍ରମରେ ବିଭିନ୍ନ ପଞ୍ଚାୟତର ଜନପ୍ରତିନିଧି, ବନ ବିଭାଗ କର୍ମଚାରୀ ଏବଂ ସ୍ବେଚ୍ଛାସେବୀ ମାନେ ଯୋଗ ଦେଇଜଙ୍ଗଲର ସୁରକ୍ଷା ସହିତ, ବନ୍ୟପ୍ରାଣୀଙ୍କ ସୁରକ୍ଷା ଜରୁରୀ ବୋଲି ମତପ୍ରକାଶ କରିଥିଲେ  । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୪/୧୦/୨୦୨୪---୬,୩୫ Sakhigopal News,4/10/2024