ବିଷଧର ନାଗସାପ ଉଧାର : ସରପଞ୍ଚ ପ୍ରତିନିଧି ଙ୍କ ରାତି ଅଧିଆ ସେବା ପାଇଁ ଅଂଚଳବାସୀ ଖୁସି

 

ଭଞ୍ଜନଗର--- ବି.ଡ଼ି.ପୁର ଗ୍ରାମ ପଞ୍ଚାୟତ ନିକଟସ୍ଥ ସୋରିଶମୁଳୁ ଗ୍ରାମ ର ଆଲୋଯନୀ ନାଇକ ରାତିରେ ଖାଇସାରି ବିଛଣା କୁ ଶୋଇବା କୁ ଗଲାବେଳେ ଘରେ ଏକ ବିରାଟ ନାଗ ସାପ ଦେଖିବାକୁ ପାଇଥିଲେ। ହଠାତ ସେ ଚିତ୍କାର କରି ସେଠାରୁ  ପଦାକୁ ବାହାରି ଆସି ମୋ ଘରେ ବିରାଟ ସାପ ଅଛି ବୋଲି କହିଥିଲେ ।  ଏବଂ ସେ ଜଣେ ହରିଜନ ଅସହାୟ ଗରିବ ମହିଳା । ଯାହାଙ୍କ ଘରେ ଆଉ କେହି ସଦସ୍ୟ ନଥିବା ରୁ ସରପଞ୍ଚ ଙ୍କ ପ୍ରତିନିଧି ଶ୍ରୀ ଶିଶିର କାନ୍ତ ସାହୁ ଙ୍କ ଘରେ ଆସି  ଶରଣ ନେଇଥିଲେ ।  ତାଙ୍କ ଘରେ ବିରାଟ ନାଗ ସାପ ଅଛି ବୋଲି କହିଥଲେ । ଶ୍ରୀ ସାହୁ ତାଙ୍କର ଗ୍ରାମ ର କିଛି ସହଯୋଗୀ ଙ୍କୁ ଡାକି ସାପ ଟିକୁ ଦେଖିଥିଲେ । ସେ ଭଞ୍ଜନଗର ଓ ଜଗନ୍ନାଥ ପ୍ରସାଦ ସ୍ନେକ ହେଲ୍ପଲାଇନସର ସଦସ୍ୟ ଙ୍କ ସହିତ ଯୋଗାଯୋଗ କରିଥିଲେ । କିନ୍ତୁ ଯୋଗାଯୋଗ ହୋଇ ପାରି ନଥିବାରୁ ଜଗନ୍ନାଥ ପ୍ରସାଦ ବନଖଣ୍ଡ ର ଦାୟିତ୍ୱ ରେ ଥିବା ରେଞ୍ଜ ଅଧିକାରୀ ଶ୍ରୀ କୁମର ବେହେରା ଙ୍କୁ ଫୋନ ରେ ଯୋଗାଯୋଗ କରି ସମସ୍ତ ଘଟଣା କହିଥିଲେ। ରେଞ୍ଜର ଙ୍କ ପରାମର୍ଶ କ୍ରମେ ତତ୍ କ୍ଷଣାତ୍ ତାଙ୍କ ପାଖରେ ସାପ ଧରିବା ଲୋକ ନଥିଲେ ମଧ୍ୟ ତାଙ୍କର ଦୁଇ ଜଣ ବନରଖି ଶ୍ରୀ ଶ୍ରୀମନ ପ୍ରଧାନ ଓ ଶ୍ରୀମତୀ ପ୍ରିୟଙ୍କା ପାଳ ଉଭୟ ଙ୍କୁ ଉକ୍ତ ସ୍ଥାନକୁ ତୁରନ୍ତ ପଠାଇ ଥିଲେ । ତା ପରବର୍ତ୍ତୀ ସମୟ ରେ ସରପଞ୍ଚ ଙ୍କ ପ୍ରତିନିଧି ଜଗନ୍ନାଥ ପ୍ରସାଦ ସ୍ନେକ ହେଲ୍ପଲାଇନ ର ସଦସ୍ୟ ବାବୁ ଭାଇ ଙ୍କୁ ବାରମ୍ବାର ଫୋନ ରେ ଯୋଗାଯୋଗ ରେ ରହିଥିଲେ । କିନ୍ତୁ  ରାତ୍ରରେ ବର୍ଷା ଝିପି ଝିପି ହେଉଥିବା ଯୋଗୁଁ  ରାତ୍ର ରେ ସେ ବାଇକି ରେ ଯିବାକୁ ମନ ବଳାଇ ନଥିଲେ ।ବାଧ୍ୟ ହୋଇ ସରପଞ୍ଚ ଙ୍କ ପ୍ରତିନିଧି ତାଙ୍କ ପାଇଁ ଏକ ଚାରି ଚକିଆ ଯାନ ଭଡା ସୂତ୍ର ରେ ବ୍ୟବସ୍ତା କରି ତାଙ୍କୁ ତତ୍ କ୍ଷଣାତ୍ ଉକ୍ତ ସ୍ଥାନ କୁ ଆଣିଥିଲେ ।  ବହୁ ଜଟିଳ ପରିସ୍ଥିତି ରେ ସାପ ଟି  କୁ ସ୍ନେକ ହେଲ୍ପଲାଇନ ର ସଦସ୍ୟ ବାବୁ ଓ ଉଭୟ ବନରଖି ଙ୍କ ମିଳିତ ଉଦ୍ୟମ  ନାଗ ସାପ ଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ ।   ସରପଞ୍ଚ ଙ୍କ ପ୍ରତିନିଧି ଶ୍ରୀ ଶିଶିର କାନ୍ତ ସାହୁ   ସାପ ଟିକୁ ବଣ ରେ ଛାଡ଼ିଦେବା  ପାଇଁ କହିଥଲେ। ଯେହେତୁ ବନ ହିଁ ଜୀବନ । ସରପଞ୍ଚ  ପ୍ରତିନିଧି ଙ୍କ ଏହି ଭଳି ରାତି ଅଧିଆ ସାଧାରଣ ହରିଜନ ଅସହାୟ ଗରିବ ମହିଳା ଙ୍କୁ ସେବା ଯୋଗାଇ ଥିବା ଯୋଗୁଁ ଅଞ୍ଚଳ ବାସୀ  ଭୂୟଂସୀ ପ୍ରଶଂସା କରିବା ସହ ଜଗନ୍ନାଥ ପ୍ରସାଦ ବନଖଣ୍ଡ ର ରେଞ୍ଜ ଅଧିକାରୀ ଏବଂ କର୍ମକର୍ତ୍ତା ଓ ସ୍ନେକ ହେଲ୍ପଲାଇନ ର ସଦସ୍ୟ ବନ୍ଧୁ ମାନଙ୍କୁ ଧନ୍ୟବାଦ ଓ କୃତଜ୍ଞତା ଜ୍ଞାପନ କରିଥିଲେ ।

ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧୮/୮/୨୦୨୩---୭,୨୦ Sakhigopal News,18/8/2023