ମୋ ବସ ଧକ୍କାରେ ମଟରସାଇକେଲ ଆରୋହୀଙ୍କ ମୃତ୍ୟୁ
ଜଟଣୀ ----
ମୋ ବସ ଚାଳକଙ୍କ ଅସାବଧାନତା ହେତୁ ଚାଲିଗଲା ବାଇକ ଆରୋହୀଙ୍କ ଜୀବନ । ଜଟଣୀ ବ୍ଲକ ପଧାନସାହି ଠାରେ ଘଟିଛି ମର୍ମନ୍ତୁଦ ଦୁର୍ଘଟଣା । ସୂଚନା ମୁତାବକ ଭୁବନେଶ୍ୱର ପଟରୁ ଜଟଣୀ ଆଡକୁ ଯାଉଥିବା ମୋ ବସ (OD33U7368) ପଧାନସାହି ଛକ ନିକଟରେ ଜଟଣୀ ପଟରୁ ଆସୁଥିବା ବାଇକ ଆରୋହୀଙ୍କୁ ସାମ୍ନା ସାମନି ପିଟିଥିଲା । ଘଟଣା ସ୍ଥଳରେ ଯୁବକ ଜଣଙ୍କର ପ୍ରାଣ ବାୟୁ ଉଡି ଯାଇଥିବା ବେଳେ ମୋ ବସ ଡ୍ରାଇଭର ଓ କଣ୍ଡକ୍ଟର ଉଭୟ ଫେରାର ହୋଇ ଯାଇଛନ୍ତି । ଘଟଣା ସ୍ଥଳରେ ଏୟାରଫିଲଡ ପୋଲିସ ପହଞ୍ଚି ଶବ ଜବତ କରିବା ସହ ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛି । ମୃତ ଯୁବକ ଜଣକ ଚନ୍ଦକା ଥାନା ଅଞ୍ଚଳର ବୋଲି ପ୍ରଥମିକ ସୂଚନା ମିଳିଛି । ତେବେ ପ୍ରତ୍ୟେକ୍ଷ ଦର୍ଶୀଙ୍କ କହିବା ଅନୁସାରେ ମୋ ବସ ଡ୍ରାଇଭର ଡାହାଣ ପଟକୁ ମାଡ଼ି ମାଡ଼ି ଚଳାଉ ଥିଲା । ଫଳରେ ବାଇକ ଆରୋହୀ କୁ ଧକ୍କା ଲାଗିଥିଲା । ଏଠାରେ ପ୍ରକାଶ ଯୋଗ୍ୟ ପୂର୍ବରୁ ମୋ ବସ ଡ୍ରାଇଭର ମାନେ ରାସ୍ତାରେ ମନ ଇଛା ଦ୍ରୁତ ଗତିରେ ଗାଡି ଚଳାଉଥିବା ବାରମ୍ବାର ଅଭିଯୋଗ ହୋଇ ଆସୁଥିଲା । ଉପରିସ୍ଥ ଅଧିକାରୀ ମାନେ କୌଣସି ଆଖି ଦୃଶିଆ ପଦକ୍ଷେପ ନେଉ ନାହାନ୍ତି । ତେବେ ପୋଲିସ ଶବ ଜବତ କରି ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ କୁ ପଠାଇ ଥିବା ଜଣାପଡିଛି।
ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୧୮/୮/୨୦୨୩----୮,୫୫ Sakhigopal News,18/8/2023
