ଭଞ୍ଜନଗର - ନିଜ ଅଚଳ ସିମ୍ ଯୋଗୁଁ ୮୨ ହଜାର ଟଙ୍କା ଠକାମିର ଶିକାର ହୋଇଥିଲେ । ଶେଷରେ ପୋଲିସ ର କାର୍ଯ୍ୟାନୁଷ୍ଠାନ ପରେ ନିଜ ଋଣ ଟଙ୍କା ଫେରି ପାଇଲେ । ଗାଙ୍ଗପୁର ଥାନା ଅନ୍ତର୍ଗତ ଗୋବରା ନିକଟସ୍ଥ ବାସୁଦେବପୁର ଗାଁ ର ପ୍ରଦୀପ କୁମାର ପାତ୍ର । ଭଂଜନଗର ଥାନା ରେ ହୋଇଥିବା ଏତଲା ପ୍ରକାରେ ଗତ ୧୦.୦୮.୨୩ ରେ ଏକ ମାମଲା ରୁଜୁ ହୋଇଥିଲା । ଥାନାଧିକାରୀ ଦେଇଥିବା ସୂଚନା ପ୍ରକାରେ ଭଂଜନଗର ଆଇଡିଏଫସି ବ୍ୟାଙ୍କ ଶାଖାରେ ନିଜ ଏକାଉଣ୍ଟ୍ ସହାୟତା ରେ ଘର ତିଆରି ପାଇଁ ୨ ଲକ୍ଷ ଟଙ୍କା ଋଣ କରିଥିଲେ ପ୍ରଦୀପ ପାତ୍ର । ସେଥିରେ ନିଜ ଜିଓ ସିମ୍ ନମ୍ବର ସଂଯୋଗ ହୋଇଥିଲା । କିନ୍ତୁ ଉକ୍ତ ସିମ୍ କୁ ସେ ପ୍ରାୟ ଦେଢବର୍ଷ ହେଲା ବ୍ୟବହାର କରୁନଥିଲେ । ଫଳରେ ସଂପୃକ୍ତ କମ୍ପାନୀ ଉକ୍ତ ମୋବାଇଲ ନମ୍ବର କୁ , ଭୁବନେଶ୍ୱର ଲକ୍ଷ୍ମୀସାଗର ଥାନା ଅନ୍ତର୍ଗତ ହଳଦୀପଡିଆ ସ୍ଥିତ ଚନ୍ଦନ କୁମାର ଦାସ ଙ୍କୁ ଯୋଗାଇ ଦେଇଥିଲା । ସେହି ଅନୁସାରେ ପ୍ରଦୀପ ଙ୍କ ନାମରେ ମଞ୍ଜୁର ହୋଇଥିବା ଋଣ ଟଙ୍କା ର ଏସଏମଏସ୍ , ଚନ୍ଦନ ଙ୍କ ମୋବାଇଲ୍ କୁ ଯାଇଥିଲା । ଚନ୍ଦନ ମୋବାଇଲ ବ୍ୟାଙ୍କିଙ୍ଗ ଆପ୍ଲିକେସନ ଜରିଆରେ ଉକ୍ତ ଟଙ୍କା କୁ ନିଜ ନାମରେ ଥିବା ବ୍ୟାଙ୍କ୍ ଅଫ୍ ବରୋଦା ଏବଂ ତାଙ୍କ ମା ' ଙ୍କ ନାମରେ ଥିବା କାନାରା ବ୍ୟାଙ୍କ ଆକାଉଣ୍ଟ ଜରିଆରେ ୮୨ ହଜାର ଟଙ୍କା ଟ୍ରାନ୍ସଫର କରି ନେଇଥିଲେ । ଏକଥା କୁ ଭଞ୍ଜନଗର ସଂପୃକ୍ତ ଆଇଡିଏଫସି ବ୍ୟାଙ୍କ କତୃପକ୍ଷ ଙ୍କ ଠାରୁ ଜାଣିବା ପରେ ଭଂଜନଗର ଥାନା ରେ ଏକ ଏତଲା ଦେଇଥିଲେ ପ୍ରଦୀପ ପାତ୍ର । ଭଂଜନଗର ପୋଲିସ ମାମଲା ରୁଜୁ କରି କରି ଘଟଣାର ତଦନ୍ତ ଆରମ୍ଭ କରିଥିଲା । ଏବଂ ସଂପୃକ୍ତ ଅଭିଯୁକ୍ତ ଚନ୍ଦନ କୁ , ଧାରା ୩୭୯ / ୪୨୦ / ୩୪ ଆଇପିସି / ୬୬(ସି) ଆଇଟି ଆକ୍ଟ ରେ ଗିରଫ କରିବା ସହ ୮୨ ହଜାର ଟଙ୍କା ଜବତ କରିଥିଲା ପୋଲିସ । ପରେ ପ୍ରଦୀପ କୁମାର ପାତ୍ର ଙ୍କୁ , ଉଧାର ହୋଇଥିବା ସମସ୍ତ ୮୨ ହଜାର ଟଙ୍କା କୁ ହସ୍ତାନ୍ତର କରିଥିଲା ଭଂଜନଗର ପୋଲିସ । ଏନେଇ ଥାନାଧିକାରୀ ଧିରେଶ କୁମାର ଦାସ , ଏବଂ ଭଞ୍ଜନଗର ଥାନା କର୍ମଚାରୀ ଏବଂ ଗଂଜାମ ଏସପି ଙ୍କୁ ଧନ୍ୟବାଦ ଜଣାଇଛନ୍ତି ଶ୍ରୀପାତ୍ର । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୧୬/୮/୨୦୨୩----୯,୪୫ Sakhigopal News,16/8/2023
