ମକାଚାଷ ବିଲ ନିକଟରେ ଗାଇବଳଦ ଚରାଇବାକୁ କେନ୍ଦ୍ର କରି ଗଣ୍ଡଗୋଳ , ବନ୍ଧୁକରେ ଗୁଳିକରି ହତ୍ୟା

                  

ଦାରିଙ୍ଗବାଡ଼ି-----କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ବ୍ରାହ୍ମଣୀଗାଁ ଥାନା ଅନ୍ତର୍ଗତ କାଟିଙ୍ଗିଆ ପଞ୍ଚାୟତର ଖାରିଗୁଡ଼ା ଗ୍ରାମର ମାଦିପଡ୍ରା (୫୫) ଙ୍କୁ ହତ୍ୟା କରାଯାଇଛି।  ପଣସପଦର ଗ୍ରାମର ଆକାଶ ପଡ୍ରା (୩୨) ମକାଚାଷ ପଦର ନିକଟରେ ଗାଇବଳଦ ଚରାଇବାକୁ କେନ୍ଦ୍ର କରି ଦୁଇ ଜଣଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଦେଶୀ ବନ୍ଧୁକରେ ଗୁଳିକରି ହତ୍ୟା  କରିଥିବା  ମୃତ ମାଦିଙ୍କ ପୁଅ ଧର୍ମେନ୍ଦ୍ର ପଡ୍ରା (୨୦) ଥାନାରେ ଲିଖିତ ଅଭିଯୋଗ କରିଛନ୍ତି । ସୂଚନାଯୋଗ୍ୟ ଗତକାଲି ମାଦିପଡ୍ରା ଚାଷ କାମସାରି ଗ୍ରାମ ନିକଟ ପାହାଡ଼ କୁ ଗାଇବଳଦ ଚରାଇବାକୁ ନେଇଥିଲେ । ହେଲେ ସନ୍ଧ୍ୟା ପୂର୍ବରୁ ଗାଇବଳଦ ପାହାଡ଼ରୁ ଗାଁକୁ ଫେରିଥିଲେ ମଧ୍ୟ ମାଦିପଡ୍ରା ଘରକୁ ଫେରି ନଥିଲେ । ସନ୍ଧ୍ୟା ହୋଇଯାଇଥିଲେ ମଧ୍ୟ  ବାପା ଘରକୁ ଫେରିନଥିବା ନେଇ ଚିନ୍ତାରେ ପଡ଼ି ପରିବାର ଲୋକେ ଖୋଜିଯିବାକୁ ପାହାଡ଼କୁ ଯାଇ ଥିଲେ। ବିଭିନ୍ନ ସ୍ଥାନରେ ଖୋଜା ଖୋଜି କଲାପରେ ମକା ଚାଷ ପଦର ନିକଟରେ  ଗୁଳିବିଧ ମୃତ ଶିରୀର ଦେଖିଥିଲେ । ଏହାପରେ ପରିବାର ଲୋକ ଗ୍ରାମକୁ ଆସି ଗ୍ରାମ ବାସୀଙ୍କୁ ଘଟଣା ସମ୍ପର୍କରେ  କହିଥିଲେ । ଗାଁ ଲୋକ ଙ୍କ ଆଲୋଚନା ପରେ କିଛି ଲୋକଙ୍କ ସୂଚନା ଆଧାରରେ  ଜାଣିଥିଲେ ଯେ ମକା ଚାଷର ମାଲିକ ତଥା ଉକ୍ତ ଗ୍ରାମର ନିକଟ ପଣସପଦର ଗ୍ରାମର ଆକାଶ ପଡ୍ରା ମକା ଫସଲକୁ ଗାଈବଳଦ ଖାଇବାକୁ କେନ୍ଦ୍ରକରି ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା । ମାତ୍ର ଆକାଶ ଧରିଯାଇଥିବା ଦେଶୀ ବନ୍ଧୁକରେ  ଗୁଳି କରି ହତ୍ୟା କରିଥିବା ଜାଣିଥିଲେ। ଏହାପରେ ଗ୍ରାମ ବାସୀଙ୍କ ସହଯୋଗରେ ଗତ ରାତିରେ ବ୍ରାହ୍ମଣୀଗାଁ ଥାନାରେ ପହଞ୍ଚି ଧର୍ମେନ୍ଦ୍ର ପଡ୍ରା ଲିଖିତ ଅଭିଯୋଗ କରିଥିଲେ । ଆଜି ଏହି ଘଟଣାରେ କେଶ ନଂ-୧୦୬/୨୦୨୩ ରୁଜୁ କରି ସାଇଣ୍ଟିଫିକ ଟିମ ସହିତ ଥାନା ଅଧିକାରୀ ଚାପଧାରୀ ପ୍ରଧାନ, ଏସ ଆଇ ଅମରେନ୍ଦ୍ର ସୁବୁଦ୍ଧି, ଏ ଏସ ଆଇ ରମାକାନ୍ତ ସେଠିଙ୍କ ସହିତ ପୋଲିସ ବାହିନୀ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ପରେ ମୃତ ଶରୀରକୁ ଜବତ କରି ବ୍ୟବଚ୍ଛେଦକୁ ପଠାଇଛନ୍ତି।  ଆକାଶ ପଡ୍ରାଙ୍କୁ ଗିରଫ କରିଥିବା ସହ ବନ୍ଧୁକ ଜବତ କରି ଅଧିକ ତଦନ୍ତ ଚଳାଇଥିବା ଥାନା ଅଧିକାରୀଙ୍କ ସୂଚନା ଦେଇଛନ୍ତି ।

ଫୁଲବାଣୀ ରୁ ବୈଦ୍ୟନାଥ ନାୟକ ଙ୍କ ରିପୋର୍ଟ ,୨୬/୮/୨୦୨୩----୮,୫୦ Sakhigopal News,26/8/2023