୧୦ କେଜି ଗଞ୍ଜେଇ ଜବତ, ଜଣେ ଗିରଫ

ଭଞ୍ଜନଗର----- - ସ୍ଥାନୀୟ ଅବକାରୀ ଥାନା ପକ୍ଷରୁ ବେଲଗୁଣ୍ଠା ଛକରେ  ଅଚାନକ ଚଢ଼ାଉ କରି  ୧୦ କେଜି ଗଞ୍ଜେଇ ଜବତ କରାଯିବା ସହ  ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଅବକାରୀ ଥାନା ଇନ୍ସପେକ୍ଟର ଅଂଶୁମାନ ଜେନାଙ୍କ ସୂଚନା ପ୍ରକାରେ ବୁଗୁଡ଼ା ବ୍ଳକ ଅନ୍ତର୍ଗତ ବିଷ୍ଣୁ ଚକ୍ର ଗାଁ ର ଅଜିତ୍ କୁମାର ପଟ୍ଟନାୟକ (୨୬) ସୋମବାର ସନ୍ଧ୍ୟାରେ ବେଲଗୁଣ୍ଠା ଛକ ରେ ଏକ ବସ୍ତାରେ ୧୦ କେଜି ଗଞ୍ଜେଇ ଧରି ବସ୍ କୁ ଅପେକ୍ଷା କରିଥିଲା । କୌଣସି ସୂତ୍ରରୁ ଖବର  ପାଇ ତୁରନ୍ତ ସେଠାରେ ଚଢଉ କରାଯାଇ ୧୦ କେଜି ଗଞ୍ଜେଇ ଜବତ   କରାଯିବା ସହ ଏଥିରେ ସଂପୃକ୍ତ ଅଭିଯୁକ୍ତ ଅଜିତ ଙ୍କୁ ଗିରଫ କରାଯାଇଥିଲା। ମଙ୍ଗଳବାର ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଥିବା ଅବକାରୀ ଥାନା ଅଧିକାରୀ ଶ୍ରୀ ଜେନା ସୂଚନା ଦେଇଛନ୍ତି।

     ଏହି ଅବକାରୀ ଚଢ଼ାଉ ରେ ଅବକାରୀ ଏସଆଇ ଅଲିଭା ମାଝୀ, ଏଏସଆଇ ନିରଞ୍ଜନ ବେହେରା ଓ ଭୁବନି ବେହେରା ସହ ସନାତନ ନାହାକ,ସୁବଳ ପ୍ରଧାନ, ଜଗନ୍ନାଥ ମହାପାତ୍ର, କୃଷ୍ଣ ଚନ୍ଦ୍ର ସେଠୀ, ସ୍ୱାଧୀନ ସାହୁ ପ୍ରମୁଖ ସାମିଲ ଥିଲେ । ଭଞ୍ଜନଗରରୁ ରବିନ୍ଦ୍ର ପ୍ରଧାନଙ୍କ ରିପୋର୍ଟ,୨୯/୮/୨୦୨୩-----୯,୫୫ , Sakhigopal News,29/8/2023