ଜଟଣୀ ଜନସାଧାରଣଙ୍କ ଠାରୁ ଅଭିଯୋଗପତ୍ର ଗ୍ରହଣ କଲେ ୫ଟି ସଚିବ

ଜଟଣୀ : --- ଖୋରଧା ଜିଲ୍ଲା ଗସ୍ତ ଅବସରରେ ୫ଟି ସଚିବ ଭି.କେ.ପାଣ୍ଡିଆନ ଜଟଣୀ ସହରକୁ ସଡ଼କ ପଥରେ ଥିବା ବିଜୁପଟ୍ଟନାୟକ ଇଣ୍ଡୋର୍ ଷ୍ଟାଡିୟମ୍ ପଛ ପଡିଆରେ ଆସି ପହଁଞ୍ଚିବା ପରେ ଜନସାଧାରଣଙ୍କୁ ଉଦବୋଧନ ଦେବା ସହ ପ୍ରତ୍ୟକ୍ଷ ଭାବେ ଲୋକ ମାନଙ୍କ ଠାରୁ ଅଭିଯୋଗ ପତ୍ର ଗ୍ରହଣ କରିଥିଲେ l ଆୟୋଜିତ ଜନ ଶୁଣାଣି ଶିବିରରେ ୫ଟି ସଚିବ ଶ୍ରୀ ପାଣ୍ଡିଆନ ସାମୁହିକ ବିକାଶ ପାଇଁ ଧର୍ମାନୁଷ୍ଠାନ ଓ ଗୋଷ୍ଠୀ ଗୃହ ଗୁଡିକର ଉନ୍ନତୀକରଣ ପାଇଁ ସ୍ବତନ୍ତ୍ର ଅନୁଦାନ ଦେବାକୁ ସେ ପ୍ରତିଶ୍ରୁତି ଦେଇଥିଲେ। ଏଥି ସହିତ ଶିକ୍ଷା, ଓ ସ୍ବାସ୍ଥ୍ୟସେବାର ଉନ୍ନତି ସହ ପ୍ରତେକ ଘରକୁ ପାନୀୟଜଳ ଯୋଗାଣପାଇଁ ମୁଖ୍ୟମନ୍ତ୍ରୀଙ୍କ ଦ୍ବାରା ସ୍ବତନ୍ତ୍ର ପାଣ୍ଠି ଯୋଗାଇ ଦିଆଯାଇଥିବା ୫ଟି ସଚିବ ପ୍ରକାଶ କରିଥିଲେ। ଏହିଅବସରରେ ସାଧାରଣ ଲୋକଙ୍କ ଠାରୁ ଅଭିଯୋଗ ଗ୍ରହଣ କରିବା ସହ ୭ ଦିନ ମଧ୍ୟରେ ଏହାର ସମାଧାନ କରାଯିବ ବୋଲି ମଧ୍ୟ ସେ ପ୍ରତିଶୃତି ଦେଇଥିଲେ । ଅନ୍ୟ ଯେଉଁ ସବୁ ଅଭିଯୋଗ ପତ୍ର ପ୍ରଦାନ କରାଯାଇଥିଲା ସେସବୁ ଆଗାମୀ ଏକ ମାସ ମଧ୍ୟରେ ମୁଖ୍ୟମନ୍ତ୍ରୀଙ୍କ ସ୍ଵତନ୍ତ୍ର ପ୍ରକୋଷ୍ଠରୁ ଫୋନ୍ କରାଯିବା ସହିତ ସେଗୁଡ଼ିକ ଅବିଳମ୍ବେ ସମାଧାନ କରାଯିବ ବୋଲି ସେ କହିଥିଲେ l ଏତଦବ୍ୟତୀତ ଦୀର୍ଘବର୍ଷ ଧରି ଜଗନ୍ନାଥଙ୍କ ଜମିଜମା ସମସ୍ୟା ଓ ଟାଉନ୍ ଖାସ୍ ମାହାଲ ଜମିର ସମସ୍ୟାରେ ଧନ୍ଦି ହୋଇ ନାନାଦି ପ୍ରକାର ଅସୁବିଧାର ସମ୍ମୁଖୀନ ହେଉଥିବା ଅଞ୍ଚଳର ବାସୀଙ୍କୁ ଖୁବ ଶୀଘ୍ର ଏହି ସମସ୍ୟାର ସମାଧାନ ହେବାକୁ ଯାଉଅଛି ବୋଲି ଆଶ୍ଵାସନା ଦେଇଥିଲେ l ସେହିପରି ଓଭରବ୍ରିଜ ନିର୍ମାଣ ସମୟରେ ଉଛେଦ ହୋଇଥିବା ବ୍ୟବସାୟୀ ମାନଙ୍କୁ ଥଇଥାନ କରାଯିବା ଉପରେ ସବୁଜ ସଙ୍କେତ ଦେଇଥିଲେ l ଏହାସହ ହଜାର ହଜାର ମହିଳାଙ୍କୁ ନେଇ ଆୟୋଜିତ ମିଶନ ଶକ୍ତି ଓ ସ୍ବୟଂ ସହାୟକ ଗୋଷ୍ଟି ମହିଳାଙ୍କ ସହ ଅଲୋଚନା କରିଥିଲେ ୫ଟି ସଚିବ ଭି.କେ.ପାଣ୍ଡିଆନ ।ମହିଳାଙ୍କୁ ସ୍ବାବଲମ୍ବି କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଯୋଜନା ସମ୍ପର୍କରେ ମଧ୍ୟ ଏହି କାଯ୍ୟକ୍ରମରେ ସେ ଆଲୋଚନା କରିଥିଲେ । ସେହିପରି ନିର୍ମାଣଧୀନ ବିଜୁପଟ୍ଟନାୟକ ଇଣ୍ଡୋର୍ ଷ୍ଟାଡିୟମ୍ ଆଗାମୀ ମାସରେ ମାନନୀୟ ମୁଖ୍ୟମନ୍ତ୍ରୀଙ୍କ କରକମଳରେ ଲୋକାର୍ପିତ ହେବାନେଇ ସୂଚନା ଦେଇଥିଲେ l ସଚିବଙ୍କ ଏହି ଗସ୍ତ ପାଇଁ ଜିଲା ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ତା ଗ୍ରହଣ କରାଯାଇଥିଲା ବେଳେ ବିଭିନ୍ନ ବିଭାଗର ଅଧିକାରୀମାନେ ୫ଟି ସଚିବଙ୍କ ଗସ୍ତକୁ ନେଇ ବେଶ ତତ୍ପର ହୋଇଉଠିଥିଲେ। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨୬/୮/୨୦୨୩---୭,୪୫ Sakhigopal News,26/8/2023