ସାକ୍ଷୀଗୋପାଳ ମନ୍ଦିରରେ ସପ୍ତପୁରୀ ପର୍ବ ପାଳିତ
ସାକ୍ଷୀଗୋପାଳ ----- ସାକ୍ଷୀଗୋପିନାଥଙ୍କର ପ୍ରତିଦିନ ଭଳି ଠାକୁରଙ୍କ ଦୈନଦିନ ନୀତିକାନ୍ତି କରାଯାଇଥିଲା । ଦ୍ୱୀପହର ଧୂପ ସମୟରେ ସିଂହାସନ ତଳେ ଠା ହେବା ପରେ ଛତ୍ରି, ତ୍ରାସ, ଘଣ୍ଟି, ଘଣ୍ଟ, ବାଜା, କାହାଳୀ ବାଜି ସପ୍ତପୁରୀ ବେଢ଼ା ପରିକ୍ରମା କରାଯାଇଥିଲା । ଉପଚାର, ଆଳତୀ ଓ ନୂତନବସ୍ତ୍ର ପରିଧାନ କରିଥିଲେ । ରୋଷ ସେବାୟତ ମାନଙ୍କ ଦ୍ୱାରା ପ୍ରସ୍ତୁତ ହୋଇଥିବା ସପ୍ତପୁରୀକୁ ପୂଜାପଣ୍ଡା ଭୋଗ ଲାଗି କରିଥିଲେ । ନଡିଆ , ବୁଟଡାଲି, ଗୁଡ ଓ ଗୋଲମରିଚ, କର୍ପୁର ଆଦି ପକାଯାଇ ସପ୍ତପୁରୀ ପ୍ରସ୍ତୁତି କରାଯାଇଥାଏ ବୋଲି ମନ୍ଦିର ସୁପରଭାଇଜର ବିଶ୍ବନାଥ ମହାପାତ୍ର ଙ୍କ ଠାରୁ ସୁଚନା ମିଳିଛି । ସେହିପରି ଘରେ ଘରେ ମଧ୍ୟ ସପ୍ତପୁରୀ ତିଆରି କରାଯାଇଥିବା ବେଳେ କେତେକ ବଜାରରୁ ବିକ୍ରୟ କରାଯାଇଥିବା ସପ୍ତପୁରୀ କିଣି ଆଣି ପୂଜା କରିଥିବାର ଦେଖାଯାଇଥିଲା । କେତେକ ଯାଗାରେ ନଡିଆ, ବୁଟଡାଲି, ଚିନି, ଗୁଡ , ମସଳା ପକାଯାଇ ପ୍ରସ୍ତୁତି କରାଯାଇଥିବା ସପ୍ତପୁରୀ କୁ ସାକର ମଧ୍ୟରେ ପୁରାଯାଇ ତାହା ବିକ୍ରୟ କରାଯାଇଥାଏ । ଏହାକୁ ଗାଁ ଗଣ୍ଡାରେ ଲୋକମାନେ ଠାକୁରଙ୍କ ପାଖରେ ଭୋଗ କରିବା ପରେ ନିଜ ନିଜ ମଧ୍ୟରେ ଖାଇ ସପ୍ତପୁରୀ ଭାବରେ ପରିଚିତ ହୋଇ ବନ୍ଧୁ ଭାବରେ ରହିଥାନ୍ତି । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୭/୮/୨୦୨୨----୪,୫୦ Sakhigopal News, 27/8/2022