ଡେଲାଙ୍ଗ ----- ଡେଲାଙ୍ଗ ଥାନା ଅନ୍ତର୍ଗତ ଓଉପଡା ଗ୍ରାମରେ ଏକ ବଧୂହତ୍ୟା ଘଟିଥିବା ଅଭିଯୋଗ ହୋଇଛି । ସୁଚନାଯୋଗ୍ୟ ଯେ ସୁଚିତ୍ରା ପାତ୍ର, ଗ୍ରାମ ଗଡତୋରିହଁ, ଥାନା ଦିଗାପଡା ଡେଲାଙ୍ଗ ଥାନାରେ ଅଭିଯୋଗ କରିଛନ୍ତି ଯେ ତାଙ୍କ ବଡ ଭଉଣୀ ଗିତାଞ୍ଜଳି କୋଦାମାସିଂହ (୨୭)ଙ୍କୁ ଟଙ୍କା ପାଇଁ ମାରି ଦିଆଯାଇଛି ବୋଲି ଡେଲାଙ୍ଗ ଥାନାରେ ଲିଖିତ ଅଭିଯୋଗ କରିଛନ୍ତି । ଓଉପଡା ଗ୍ରାମର ଦିବ୍ୟସିଂହ କୋଦମାସିଂହଙ୍କ ପୁତ୍ର ସୋମନାଥ କୋଦମାସିଂହଙ୍କୁ ଆଠ ବର୍ଷ ତଳେ ବୈଦିକ ହିନ୍ଦୁ ରୀତିନୀତି ଅନୁସାରେ ବିଭା ହୋଇଥିଲେ । ଗୀତାଞ୍ଜଳିର ଏକ କନ୍ୟା ସନ୍ତାନ ରହିଛି । ଅଧିକଂଶ ସମୟରେ ସୋମନାଥ ଗୀତାଞ୍ଜଳିକୁ ମୋଟା ଆକରରେ ଟଙ୍କା ଆଣିବା ପାଇଁ ବାପ ଘରକୁ ପଠାଏ । ଆମର ଗରିବ ଘର ହୋଇଥିବାରୁ ଟଙ୍କା ନ ଦେବାରୁ ସୋମନାଥ ମୋ ବଡ ଭଉଣୀକୁ ମାରଧର କରିଥାଏ । ଆଜି ସକାଳୁ ସୋମନାଥ ଫୋନ କରି ଗାଳିମନ୍ଦ କରିବା ସହ ମୋ ବୋଉକୁ ମନ୍ଦ ଗାଳିମନ୍ଦ କରିଥିଲା । କିଛି ସମୟ ପରେ ପୁଣି ଫୋନ କରି କହିଥିଲେ ଯେ ତମ ଭଉଣୀ ଗୀତାଞ୍ଜଳି ରଣି ଲଗାଇ ଆତ୍ମହତ୍ୟା କରିଛି ବୋଲି କହିଥିଲେ । ଆମେ ଆସି ଦେଖିଲା ବେଳକୁ ଗୀତାଞ୍ଜଳି ଖଟରେ ଶୋଇଛି ତା ବେକରେ ଦାଗ ହୋଇଛି । ସୋମନାଥ ମୋ ଭଉଣୀକୁ ମାରି ଦେଇ ଆତ୍ମହତ୍ୟା ରୂପ କରିଛି ବୋଲି ଅଭିଯୋଗରେ ଦର୍ଶାଇଛନ୍ତି । ପୋଲିସ ଅଭିଯୋଗ ପାଇବା ପରେ ୬୧/୨୦୨୧ଏକ କେସରୁଜ କରିବା ସହ ଶବ ଜବତ କରି ବ୍ୟବଛେଦ ନିମନ୍ତେ ପଠାଇଥିବା ଜଣାପଡିଛି । ସୋମନାଥ ଫେରାର ହୋଇଯାଇଥିବା ଡେଲାଙ୍ଗ ଥାନା ଆଇଆଇସି ରଶ୍ମି ରଞ୍ଜନ ପଟ୍ଟନାୟକଙ୍କ ଠାରୁ ସୁଚନା ମିଳିଛି ।
ଡେଲାଙ୍ଗରୁ ଧୀରେନ୍ଦ୍ର ସେନାପତି,୨୨/୩/୨୦୨୧----୭,୫୦
