ସୁଆଣ୍ଡୋରେ ବିଶ୍ୱଶାନ୍ତି ମହାଯଜ୍ଞର ପୂର୍ଣ୍ଣାହୂତି

 ସାକ୍ଷୀଗୋପାଳ ------ପୁରୀ ଜିଲ୍ଲା ସତ୍ୟବାଦୀ ଥାନା ଅନ୍ତର୍ଗତ ସୁଆଣ୍ଡୋ ଗ୍ରାମରେ କୋଭିଡ-୧୯ ଆଇନ ଅନୁଯାୟୀ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ଗ୍ରାମର ଇଷ୍ଟଦେବୀ ମା ଜାଗେଶ୍ୱରୀ ଠାକୁରାଣୀଙ୍କ ପୀଠରେ ଯଜ୍ଞ ଅନୁଷ୍ଠିତ ହୋଇଥିଲା । ଯଜ୍ଞର ପ୍ରଥମ ଦିବସରେ ଅଙ୍କୁରାରୋପଣ, ସୂର୍ଯ୍ୟପୂଜା, ଗୋପୂଜା, ଘଟସ୍ଥାପନ, ଭୂମି ଶୋଧନ, ମାତୃପୂଜା ଆଦି କରାଯାଇ ଅଗ୍ନିସ୍ଥାପନ ଓ ପଣ୍ଡିତ ମାନଙ୍କ ଦ୍ୱାରା ଯଜ୍ଞ କର୍ମ କରାଯାଇଥିଲା । ଅନୁଷ୍ଠିତ ଯଜ୍ଞରେ ସୁଧୀର କୁମାର ଦାଶ କର୍ତ୍ତା ଓ ଗାୟତ୍ରୀ ଦାଶ କର୍ତ୍ତ୍ରୀ ଭାବେ ରହିଥିଲେ । ଏହି ଅବସରରେ ଗ୍ରାମର ସମସ୍ତଙ୍କ ଦାଣ୍ଡ ପିଣ୍ଡାରେ କଳସ ଓ ଦୀପପ୍ରଜ୍ୱଳନ କରାଯାଇଥିଲା । ଏହି ଅବସରରେ ଗ୍ରାମର କିଛି ମହିଳା ପୁରଷ ଯଜ୍ଞର ପୂର୍ଣ୍ଣାହୁତି ହେବା ପର୍ଯ୍ୟନ୍ତ ଉପବାସ କରି ରହିଥିଲେ । କେତେକ ହବିଷାନ୍ନରେ ରହିଥିଲେ । ପଣ୍ଡିତ ନୃସିଂହ ଚରଣ ନନ୍ଦ, ନାରାୟଣ ମହାପାତ୍ର, ଅକ୍ଷୟ କୁମାର ମିଶ୍ର, ଲକ୍ଷ୍ମୀକାନ୍ତ ନନ୍ଦ, ନବ କିଶୋର ମିଶ୍ର, ବାସୁଦେବ ମିଶ୍ର ଓ ପୂର୍ଣ୍ଣଚନ୍ଦ୍ର ଶତପଥି ପ୍ରମୁଖ ପଣ୍‌ଡିତ ମାନେ ଯଜ୍ଞ କର୍ମ କାର୍ଯ୍ୟ ସମ୍ପାଦନ କରିଥିଲେ ।  ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି,୧୯/୧/୨୦୨୧---୬,୨୦