ଅଜଣା ଚର୍ମ ରୋଗରେ ସଢ଼ୁଛନ୍ତି ଅତାବିରା ଏନଏନସିର ୧୦ ନଂ ୱାର୍ଡ ବାସିନ୍ଦା

ଅତାବିରା--- ବରଗଡ ଜିଲ୍ଲାର ଅତାବିରା ଏନଏସିର ୧୦ ନଂ ୱାର୍ଡରେ ବ୍ୟାପିଛି ଅଜଣା ଚର୍ମ ରୋଗ । ଏହି ରୋଗରେ ଏବେ ପଡାବାସୀ ମାନେ ସଢ଼ୁଛନ୍ତି । ରୋଗରୁ ମୁକ୍ତି ପାଇବା ପାଇଁ ୧୦ ନଂ ୱାର୍ଡର ବରଟିକ୍ରା ବରତଲ ପଡାର ବାସିନ୍ଦା ମାନେ ଏବେ ସବ୍ୱସାନ୍ତ ହୋଇଗଲେଣି । ଉକ୍ତ ପଡାରେ ପ୍ରାୟତ ଦିନ ମଜୁରିଆ ପରିବାର ରହନ୍ତି । ପ୍ରଥମେ ଲୋକଙ୍କ ଦେହ ହାତ ମୁଣ୍ଡ, ବେକ, ପେଟ ଏପରିକି ସମସ୍ତ ଅଞ୍ଚଳ କୁଣ୍ଡାଇ ହୋଉଛି । ତା ପରେ ପରେ କୁଣ୍ଡାଇବା ସମୟରେ ବହୁତ ଭଲ ଲାଗୁଛି । ପରେ ପରେ ଉକ୍ତ ଯାଗାରୁ ପାଣି ଦେଉଛି ପାଣି ଯେଉଁଠି ଲାଗୁଛି ସେ ଯାଗା ସେହପରି କୁଣ୍ଡାଇ ହୋଇ ଦାଗ ପଡିବା ଆରମ୍ଭ ହୋଉଛି ।  କିଛି ଦିନ ପରେ ଯାଦୁ ପରି ଦିଶୁଛି । ଦିନକୁଦିନ ଏହି ରୋଗରେ ଘରର ସମସ୍ତ ସଦସ୍ୟଙ୍କୁ ହୋଉଛି । ଡାକ୍ତରୀ, ଆୟୁର୍ବେଦ ଓ ହୁମପାତି ମେଡିସିନ ଖାଇବା ପରେ ମଧ୍ୟ ଏହି ରୋଗ କମିବାର ନାଁ ଗନ୍ଦ ଧରୁନାହିଁ  । ଏ ସମ୍ପର୍କରେ ଜଣେ ଚର୍ମ ବିଶେଷଜ୍ଞଙ୍କୁ ପଚାରିବାରୁ ସେ କହନ୍ତି ଏହି ରୋଗ ହୋଉଛି ଚର୍ମ ରୋଗ  । ବହୁ ବିପଦ ପୂର୍ଣ୍ଣ ରୋଗ ଏହା ଅଟେ  । ଏହୀ ରୋଗକୁ ଯଦି ରୋକା ନଯିବ ତାହେଲେ ଅତାବିରା ବ୍ଳକ ଓ ଏନଏସିର ସମସ୍ତ ଅଞ୍ଚଳକୁ ବ୍ୟାପିଯିବ । ବିଶେଷ କରି ଏହା ଦୁଷିତ ପାନୀୟ ଜଳ ବ୍ୟବହାର ଯୋଗୁ ଏହି ରୋଗ ହୋଇଥାଏ ବୋଲି ଡାକ୍ତର ଜଣଙ୍କ ତାଙ୍କ ନାମ ଗୋପନ ରଖି ଖହନ୍ତି । ସୁଚନାଯୋଗ୍ୟ ଯେ ଉକ୍ତ ବରଟିକ୍ରା ବରତଲ ପଡାର ବାସିନ୍ଦା ମାନେ ଯେଉଁ ପୋଖରୀ ପାଣି ବ୍ୟବହାର କରନ୍ତି ସେଇ ପୋଖରୀରେ ଏନଏସି ମାଛ ଚାଷ କରୁଛି । ମାଛ ବଡିବା ପାଇଁ ଖାଦ୍ୟ ଦେବା ସହ ବିଭିନ୍ନ କୁକୁଡା ଫାର୍ମରୁ ବାହାରୁଥିବା ବଜ୍ୟବସ୍ତୁ ଓ ମଳ ସହିତ ବଳକା ଖାଦ୍ୟ ଆଣି ଏହି ପୋଖରୀରେ ପକାଯାଉଛି । ସେହିପରି ପାଖରେ ଥିବା କେତକ ରାଇସିମିଲର ଅଳିଆ ଅବର୍ଜନା ସହିତ ମିଲରୁ ବାହାରୁଥିବା ଅପରିଷ୍କାର ପାଣି ଏହି ପୋଖରୀକୁ ଛଡାଯାଇଛି । ଯାହା ଫଳରେକି ଉକ୍ତ ପଡା ବାସୀ ମାନେ ଏହି ପୋଖରୀ ପାଣି ବ୍ୟବହାର କରିବା ଯୋଗୁ ଏହି ରୋଗ ବ୍ୟାପୁଥିବାର ଜଣାପଡିଛି  । ତୁରନ୍ତ ଜିଲ୍ଲାପାଳ ନଜର ଦେବା ସହ ଏହି ରୋଗର ଚିକିତ୍ସା ପାଇଁ ସୁବନ୍ଦୋବସ୍ଥ କରିବାକୁ ଉକ୍ତ ୧୦ ନଂ ୱାଡର ଅଧିବାସୀ ମାନେ ନିବେଦନ କରିଛନ୍ତି ।
ବରଗଡରୁ ନବୀନ ଦାଶ