ବରଗଡ ଜିଲ୍ଲାର ଅତାବିରା ଏନଏସି ସ୍ଥିତ ବରଟିକ୍ରାର ବରତଲପଡାରେ ଚାରିଦିନ ଧରି ଅଷ୍ଟ୍ର ପ୍ରହରୀ ଓ ନାମ ସଂକୀର୍ତ୍ତନ ଉଦ୍ଯାପିତ ହୋଇଯାଇଛି । ନାମ ସଂକୀର୍ତ୍ତନ ଯଜ୍ଞ୧୩ ତାରିଖରୁ ଆରମ୍ଭ ହୋଇ ରବିବାର ଅର୍ଥାତ ୧୬ ତାରିଖ ଦିନ ସଂଧ୍ୟାରେ ପୂର୍ଣ୍ଣାହୂତି ହୋଇଥିଲା । ପ୍ରଥମ ଦିବସରେ ମହିଳା ମାନେ ଶିବ ମନ୍ଧିର ସ୍ଥିତ ତଳିବନ୍ଦ ପୋଖରୀରୁ ମାନସିକ କରି ସେଅରତିୟ ବାହ୍ମଣଙ୍କ ଦ୍ୱରା ଅଭିମନ୍ତ୍ରିତ କଳସ ପୂଜା ମଣ୍ଡପ ପର୍ଯ୍ୟନ୍ତ ଏକ ବର୍ଣ୍ଣାଢ଼୍ୟ ଶୋଭାଯାତ୍ରାରେ ଅଣାଯାଇଥିଲା । କଳସ ଗୁଡିକ ପୂଜା ମଣ୍ଡପରେ ସ୍ଥାପନ କରାଯିବା ପରେ ପୂଜା କାର୍ଯ୍ୟ ଆରମ୍ଭ କରାଯାଇଥିଲା । ମକରଧ୍ୱଜ ବାବା ଓ ଧନେଶ୍ୱର ବାବାଙ୍କ ସହିତ ତାଙ୍କ ସାଥୀ ମାନେ ପୂଜା କାର୍ଯ୍ୟ ସମାପନ୍ନ କରିଥିଲେ । ପୂଜାରେ କର୍ତ୍ତା କର୍ତ୍ତୀ ଭାବେ ବିଜୟ ବାଦୀ ଓସୁଚିତ୍ରା ବାଦୀ ରହିଥିଲେ । କଂହପଡା, ଆମଷଢ଼ା, ଅଡଗାଁ ଓ ଗ୍ରାମର ଦୁଇ ମଣ୍ଡଳ ସଂକୀର୍ତ୍ତନ ଦଳ ଏଥିରେ ସାମିଲ ହୋଇଥିଲେ । ଏହି ଅବସରରେ ଗ୍ରାମରେ ଆମିଷ ନିଷେଧ କରାଯାଇଥିଲା । ଗ୍ରାମରେ ନିଷ୍ଠାର ସହ ନାମ ସଂକୀର୍ତ୍ତନ କରାଯାଇଥିଲା । ଏଥିଯୋଗୁ ଗ୍ରାମଟି ଉତ୍ସବ ମୁଖର ହୋଇପଡିଥିଲା ।
ବରଗଡରୁ ନବୀନ କୁମାର ଦାଶ
