ମହାନଦୀରେ ଗାଧୋଇବା ସମୟରେ ପିଲାଙ୍କୁ ବଞ୍ଚାଇବାକୁ ଯାଇ ବାପାର ମୃତ୍ଯୁ

ନୟାଗଡ---- ମହାନଦୀରେ ଗାଧେଇବା ସମୟରେ ଦୁଇ ଜଣ ପିଲା ବୁଡି ଯାଉଥିଲେ । ସେମାନଙ୍କୁ ବଞ୍ଚାଇବାକୁ ଯାଇ ମହାନଦୀରେ ବୁଡି ବାପର ମୃତ୍ୟୁ ହୋଇଛି ।  ଏଭଳି ଅଭାବନୀୟ  ଘଟଣା ଦେଖିବାକୁ ମିଳିଛି ନୟାଗଡ କଣ୍ଟିଲୋ ମହାନଦୀରେ  । ନୟାଗଡ ଚିନ୍ଦେରା ଗାଁର ସୁରେଶ ରାଉତଙ୍କ ପରିବାର କଣ୍ଟିଲୋ ନିଳମାଧବ ବୁଲିବାକୁ ଯାଇ ଥିଲେ । ଅସ୍ଯହ ଗରମରୁ ରକ୍ଷା ପାଇବା ପାଇଁ ମହାନଦିରେ ଗାଧୋଇଥିଲେ ଏହି ପରିବାର ।  ସେଠାରେ ତାଙ୍କର ୨ଶିଶୁ ବୁଡିଯିବା ଦେଖି ବାପା ଉଦ୍ଧାର କରିବାକୁ ଯାଇ ମହାନଦୀରେ ବୁଡି ଜାଇଥିଲେ । ତେବେ ୨ଶିଶୁ ଉଦ୍ଧାର ହୋଇଥିବା ବେଳେ ବାପାଙ୍କ ମୃତ୍ୟୁ ହୋଇଛି । ପରିବାରଙ୍କ ପାଟିତୁଣ୍ଡ ଶୁଣି ସ୍ତାନୀୟ ଲୋକଙ୍କ ସହାୟତାରେ ତାଙ୍କୁ ନୟାଗଡ ମୁଖ୍ୟ ଡାକ୍ତର ଖାନାରେ ଭର୍ତ୍ତି କରାଯାଇଥିଲା  ସେଠାରେ ଡାକ୍ତର ତାଙ୍କୁ ମୃତ୍ଯୁ ଘୋଷଣା କରିଥିବା  ବେଳେ ୨ଶିଶୁ ସୁସ୍ଥ ଥିବାର ଜଣାପଡିଛି । ପୋଲିସ ଶବ ଜବତ କରି ବ୍ଯବଛେଦ କରିବା ପରେ ପରିବାରଙ୍କୁ ହସ୍ତାନ୍ତର କରିଥିବା ଜଣାପଡିଛି । ଶବ ଗ୍ରାମରେ ପହଞ୍ଚିବା ପରେ ଶୋକର ଛାୟା ଖେଳିଯାଇଛି । ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି