ଅତାବିରା ବ୍ଳକରେ ବିଧାୟିକା ବାଣ୍ଟିଲେ ଭତ୍ତା ଓ ଟ୍ରାଇ ସାଇକେଲ

ଅତାବିରା---  ବରଗଡ ଜିଲ୍ଲା ଅନ୍ତର୍ଗତ ଅତାବିରା ବ୍ଳକରେ ବିଧାୟିକା ସ୍ନେହାଙ୍ଗିନି ଛୁରିଆ ବ୍ଳକ ସ୍ତରୀୟ ଭତ୍ତା ବଣ୍ଟନ ମେଳାକୁ ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ୱଳନ କରି ଉଦ୍ଘାଟନ କରିଥିଲେ  । ବ୍ଳକ ବିଡିଓ ପ୍ରଶବ ଚାନ୍ଦ କାର୍ଯ୍ୟକ୍ରମ ସମ୍ପର୍କରେ ପ୍ରାରମ୍ଭିକ ସୂଚନା ପ୍ରଦାନ କରିବା ସହ ବଣ୍ଟନ ମେଳାରେ ସଭାପତିତ୍ୱ କରିଥିଲେ  । ଅତାବିରା ବ୍ଳକର ୨୪ଟି ପଞ୍ଚାତରୁ ନୂତନ କରି ୧୦୯୯ ଜଣଙ୍କୁ ଭତ୍ତା  ପ୍ରଦାନ କରାଯାଇଥିବା ବେଳେ ୫୧ ଜଣଙ୍କୁ ଜାତୀୟ ପରିବାର ବେନିଫିଟ ସ୍ଳିମରେ  ୨୦ ହଜାରଟଙ୍କାର ଚେକ୍ ପ୍ରଦାନ କରାଯାଇଥିଲା  । ଏହି ଅବସରରେ ୧୦ଜଣ ଦିବ୍ୟାଙ୍ଗକଙ୍କୁ ଟ୍ରାଇ ସାଇକେଲ ବିଧାୟିକା ଶ୍ରୀମତି ଛୁରିଆ ପ୍ରଦାନ କରିଥିଲେ । ଆଗାମୀ ଦିନରେ ରହିଯାଇଥିବା ଗରିବ ଓ ବୃଦ୍ଧା ବୃଦ୍ଧ ମାନଙ୍କୁ ଚିହ୍ନଟ କରାଯାଇ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ପ୍ରତି ପରିବାର ସରକାରଙ୍କ ବିଭିନ୍ନ ଯୋଜନାରେ ସାମିଲ କରାଯିବ ବୋଲି ବିଧାୟିକା ଶ୍ରୀମତି ଛୁରିଆ ନିଜ ବକ୍ତବ୍ୟରେ କହିଛନ୍ତି । ବ୍ଳକ ଅଧ୍ୟକ୍ଷା ରୀତା ସାହୁ  ସମସ୍ତଙ୍କୁ ଧନ୍ୟବାଦ ଜଣାଇଥିଲେ  ।  ବିଭିନ୍ନ ଗ୍ରାମ ପଞ୍ଚାୟତର ସରପଞ୍ଚ ଓ ସମିତିସଭ୍ୟସଭ୍ୟା ଓ ବ୍ଳକର ସମସ୍ତ କର୍ମଚାରୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ ଭାବେ ପରିଚାଳନା କରିଥିଲେ  । ଶାନ୍ତି ଶୃଙ୍କଳା ରକ୍ଷା କରିବା ପାଇଁ ଅତାବିରା ଥାନା ଅଧିକାରୀ ସଦଳବଳେ ସେଠାରେ ଉପସ୍ଥିତ ରହିଥିଲେ  ।
ବରଗଡରୁ ନବୀନ କୁମାର ଦାଶ