କାଳବୈଶାଖୀରେ ବିଏସଏନଏଲ ଟାୱାର ଓ ଶତାଧିକ ବର୍ଷର ଗଛ ଭାଙ୍ଗିଲା

ସାକ୍ଷୀଗୋପାଳ ---- ସାକ୍ଷୀଗୋପାଳରେ ରବିବାର ଅପରାହ୍ନରେ ଅଚାନକ କାଳବୈଶାଖୀ ବୋହିଥିଲା  । ଯିଏ ଯେଉଁଠି ଅଛି ସେଇଠି କିଛି ସମୟ ପାଇଁ ରହିଗଲେ  । ଏପରିକି ଏତେ ଯୋର ପବନ ବୋହିଲା ଯେ ରାସ୍ତାରେ ଚାଲିକି ଯିବା ସମ୍ମବପର ହୋଇନଥିଲା  । କୋଟଉପରେ ଥିବା ବିଏସଏନଏଲର କାର୍ଯ୍ୟାଳୟ ପରିସରରେ ଥିବା ଏକ ଟାୱାର ଅଧାରୁ ଭାଙ୍ଗି ପଡିଛି । ଯାହାକି ବିଏସଏନଏଲ ସେବାରେ ବ୍ୟାଘତ ଦେଖାଯାଇଛି । ସେହିପରି ସାକ୍ଷୀଗୋପାଳ ମନ୍ଦିର ସମ୍ମୁଖରେ ଥିବା ଶତାଧିକ ବର୍ଷ ତଳର ଏକ ପୁରୁଣା ଖିରି କୋଳି ଗଛ ଭାଙ୍ଗି ପଡିଛି ।  ସେଠାରେ ଥିବା ଏକ ଯାତ୍ରୀ ବାହିବସ ସହିତ କାର ଓ ମଟର ସାଇକେଲ ଆରୋହୀ ମାନେ ରହିଥିଲେ  । ଗଛଟି ଏପରି ଭାବରେ ଭାଙ୍ଗିଲା ଯେ କାହାରି କିଛି କ୍ଷତି ହୋଇନଥିଲା  । ସାକ୍ଷୀଗୋପାଳ- ଅଳଗୁମ ରାସ୍ତା ଅବରୋଧ କରିଥିଲା  । ଖବର ପାଇ ସତ୍ୟବାଦୀ ଅଗ୍ନିଶମ ବିଭାଗର ଅଧିକାରୀ ମନୋଜ ପାତ୍ରଙ୍କ ନେତୃତ୍ୱରେ କଟର ମେସିନ ସହଯୋଗରେ ରାସ୍ତା ଉପରେ ପଡିଥିବା ଗଛ ହଟାଯାଇଥିଲା  । ଘଟଣା ସ୍ଥଳରେ ମନ୍ଦିର କାର୍ଯ୍ୟନିର୍ବାହୀ ଅଧିକାରୀ କୈଳାସ ଚନ୍ଦ୍ର ମିଶ୍ର ଉପସ୍ଥିତଥିଲେ  । ସେହିପରି ବିଭିନ୍ନ ଗ୍ରାମ ଗଣ୍ଡାରେ ଗଛ ଭାଙ୍ଗିପଡିବା ସହ ବିଦ୍ୟୁତ ତାର ଛିଣ୍ଡିକି ପଡିଥିଲା  । ବିଦ୍ୟୁତ ବିଭାଗ ପକ୍ଷରୁ ବିଭିନ୍ନ ଯାଗାରେ ଛିଣ୍ଡିକି ପଡିଥିବା ତାର ସଂଯୋଗ କରାଯାଇ ପ୍ରାୟ ୨୦ ଘଣ୍ଟା ପରେ ବିଦ୍ୟୁତ ସେବା ଯୋଗାଇ ଦିଆଯାଇଥିଲେ ମଧ୍ୟ ପୂର୍ବ ସତ୍ୟବାଦୀରେ ୨୪ ଘଣ୍ଟା ପରେ ମଧ୍ୟବି  ବିଦ୍ୟୁତ ସେବା ଯୋଗାଣ ହୋଇପାରିନଥିଲା  । 
ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି