ଅତାବିରା ଓ ଭେଡେନ ଅଞ୍ଚଳରେ ବାବା ସାହେବ ଆମ୍ବେଦକରଙ୍କ ଜନ୍ମ ଜୟନ୍ତୀ ପାଳିତ

ଅତାବିରା--- ବରଗଡ ଜିଲ୍ଲାର ଅତାବିରା ଠାରେ ଲକ୍ଷେ ଘର ଗଣ୍ଡା ସମାଜ ପକ୍ଷରୁ ସଭାପତି ମନୋଜ ସୁନାଙ୍କ ଅଧ୍ୟକ୍ଷତାରେ ଭାରତରତ୍ନ ବାବା ସାହେବ ଡ. ଭୀମ ରାଓ ଆମ୍ବେଦକରଙ୍କ ୧୨୮ ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି  । ରେଙ୍ଗାଳିକ୍ୟମ୍ପା ସ୍ଥିତ କାଳୀମନ୍ଦିର ଠାରୁ ଏକ ମଟର ସାଇକେଲ ର‌୍ୟାଲି ବାହାରି ନଗର ପରିକ୍ରମା କରିଥିଲା  । ଲାଦେରିପାଲି ସ୍ଥିତ ମୁଖ୍ୟ କାର୍ଯ୍ୟାଳୟ ଠାରେ ଶୋଭାଯାତ୍ରା ପହଞ୍ଚିବା ପରେ ଡ. ଆମ୍ବେଦକରଙ୍କ ଫଟୋଚିତ୍ରରେ  ଫୁଲ, ଚନ୍ଦନ ଓ ଦୀପ ପ୍ରଜ୍ଜଳନ କରାଯାଇଥିଲା  । ଏଥିରେ ଶତାଧିକ ଆମ୍ବେଦକର ପ୍ରେମୀ ମାନେ ଯୋଗଦେଇଥିଲେ  । ଗଣ୍ଡା ସମାଜର ସମ୍ପାଦକ ସରୋଜ ବାଦୀ ଧନ୍ୟବାଦ ଅର୍ପଣ କରିଥିଲେ  । ସେହିପରି ଭେଡେନ ବ୍ଳକର ଲକ୍ଷେ ଘର ଗଣ୍ଡା ସମାଜ ପକ୍ଷରୁ ଭାରତରତ୍ନ ବାବା ସାହେବ ଡ. ଭୀମ ରାଓ ଆମ୍ବେଦକରଙ୍କ ୧୨୮ ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି  । ଅନୁଷ୍ଠିତ ମଟର ସାଇକେଲ ଶୋଭାଯାତ୍ରା ଭେଡେନରୁ ଆରମ୍ଭ ହୋଇବିଭିନ୍ନ ଗ୍ରାମ ପରିକ୍ରମା କରି ମେହେନା ଠାରେ ଶେଷ ହୋଇଥିଲା  । ଏହି ଅବସରରେ ଅନୁଷ୍ଠିତ  ସଭାରେ ଯୋଗଦେଇ ଅତିଥି ମାନେ ଡ. ଆମ୍ବେଦକରଙ୍କ ଜିବନୀ ସମ୍ପର୍କେ ଆଲେଚନା କରିଥିଲେ  । ତାଙ୍କର ପ୍ରତିମୂର୍ତ୍ତି ବ୍ଳକ କାର୍ଯ୍ୟାଳୟରେ ନ ଥିବାରୁ ଉପସ୍ଥିତ ଥିବା ଆମ୍ବେଦକର ପ୍ରେମୀ ମାନେ ଗଭୀର କ୍ଷୋଭ ପ୍ରକାଶ କରିବା ସହ ଗଣ୍ଡା ମହାସଭା କମିଟି ଗଠନ କରିବା ପାଇଁ ନିସ୍ପତି ଗ୍ରହଣ କରାଯାଇଥିବା ଜଣାପଡିଛି । ସେହିପରି ମେହେନା ଗ୍ରାମରେ ଗ୍ରାମବାସୀ ମାନେ ସହଯୋଗ କରିଥିଲେ  ।
ବରଗଡରୁ ନବୀନ ଦାଶ